Juaṉ 7:12 - Yus Papí: Shuarja̱i̱ Yus Yamaram Chicham Najanamu

¹² Ashí shuarsha Nin áujmatiarmiayi. Chíkich “péṉkeraiti” tiármiayi. Tura chikitcha “Péṉkerchaiti. Aya anaṉkartawai” tiármiayi.

Juaṉ 7:12 Iomraidhean Croise

Mat. 10:25

Unuiniamuka nin unuinia nuja̱i̱ métek ajaska maak. Takarniusha ni úuntri̱ji̱a̱i̱ métek ajaska maak. Wátsek, Winia atumí úuntri̱n ‘Iwianchi uuntri̱ Pirsepú’ turutainiakui ¡atumniasha nuna naṉkaamas yajauch turamtatui!

Mat. 21:46

Tura ashí aents “Jesus Yúsnan étserui” tuinia ásarmatai nin ashamkarmiayi.

Mat. 27:63

Tura chicharainiak “Uuntá, nu wáitrin áishmaṉ iwiaaku pujus ‘Menaintiú tsawant jakan nantaktiatjai’ tíniuyi.

Ruk. 18:19

Tutai Jesus chichaak “¿Urukamtia Winia, péṉkeraitme túrutam? Aents péṉkerka atsawai. Aya Yusak péṉkeraiti.

Ruk. 23:47

Suntara uuntri̱ nu túrunamun wainiak Yusa náari̱n shiir awajeak “Ju̱sha imiá nekas péṉker áishmaṉkauyi” tímiayi.

Ruk. 23:50

Naka enentáimin péṉker áishmaṉ ámiayi ni naari̱ Jusé. Arimatéa pepru Jutanam ana nuya̱uyayi. Israer shuara Uunt Iruntai̱ri̱n páchitkiauyayi.

Ruk. 6:45

Núnisaṉ péṉker shuar ni enentái̱ péṉker asamtai péṉkeran chichaawai tura yajauch shuar, enentái̱ yajauch asamtai yajauchin chichaawai. Páantchakait. Enentáin pimiutkamu ana nuya̱ṉ ni wene̱ja̱i̱ chichaawai.

Ruk. 7:16

Tura matsamiarmia nu, nuna wáinkiar ashamkarmiayi. Tura Yusa náari̱n shiir awajsarmiayi. Tura chichainiak “Yúsnan etserniuchukait Nisha. Ataksha Yúsnan etserin uunt ana nu tarutramji” tiármiayi. Tura “Israer shuarti Niniu ájinia nuna yaintmaktai tusa Yus tarutramji” tiármiayi.

Juaṉ 6:14

Nu shuarsha Jesus túramun iisar “Ju̱ nekas Yúsnan etserin tátinia núchakait” tiármiayi.

Juaṉ 7:32

Pariséusha tura Yúsnan pujurniu peṉkeri̱sha Jesusnan timian antukar suntaran akupkarmiayi Jesusan achikiar sepunam eṉkeawarat tusar.

Juaṉ 7:47

Nuyá̱ Pariséu chicharainiak “Atumsha anaṉnarume.

Juaṉ 7:52

Nuiṉkia nisha chicharainiak “Wats amesha Kariréanmaya̱chuashitiam. Yus Chicham áujsam nekaattame. Kariréanmaya̱ Yúsnan etserin peṉké táiniatsui” tiármiayi.

Juaṉ 9:16

Nuyá̱ chíkich Pariséu shuarnumia̱ nuamtak tunainiak “Ju̱na tsuáruka Yusai̱ya̱nchuiti. Kame ayampratin tsawantai̱ túraiti” tiármiayi. Tura chikicha “Yajauch túrin shuaraitkiuiṉkia jú̱nisaṉ túratniun tujintkia̱a̱yi” tiármiayi. Nuja̱i̱ akannáikiarmiayi.

Rum. 5:7

Shuar chíkich shuaran uwemtikratniun ¿jaruktatuak? Péṉker shuar ai̱ṉ jarukchattawai. Kame tí peṉkeraitkiuiṉkia jarukchaintiash.

Jir. 2:14

Ashí yajauch tunaitsuk tura jianaitsuk wekasatarum.