Juaṉ 6:9 - Yus Papí: Shuarja̱i̱ Yus Yamaram Chicham Najanamu

⁹ “Uchi ju̱i̱ seṉku páṉkan jimiará namakja̱i̱ takakui. Ausha timiá untsurínmasha jeatpiash” tímiayi.

Juaṉ 6:9 Iomraidhean Croise

1 Akup. 4:28

Núnisaṉ ni kawairi̱ncha ántsaṉ umpururi̱ kijin aentstai̱ armia nunasha tsawant tesamunam súsartin anairamu armia tímiatrusaṉ nu taṉku matsamármia nui̱ weriar sewata nuyá̱ sa̱a̱kniasha ikiatkar ayurtiarmiayi.

2 Akup. 7:1

Kame Iriséuka “Kashin ju̱ni̱ ai̱ trikiu tí peṉker nekeṉma chikichik nekapmamu chikichik kuitji̱a̱i̱ tura sewataka jimiará nekapmamu chikichik kuítji̱a̱i̱ṉ Samaria pepru wá̱i̱ti̱a̱i̱ri̱n surunkattawai tawai Uunt Yus” tímiayi. Takui̱ suntara uuntri̱ Iriséun chicharuk “Uunt Yus nayaimpin áaṉkamtaisha nuka túrunachainti” tímiayi. Takui̱ Iriséu chicharuk “Amesha nu túmaka wainkiattame túrasha yútaka yúashtatme” tímiayi.

YKan. 147:14

Ame nuṉkemka aṉkant pujustin itiarniuitme túram péṉker tríkiuja̱i̱ tí nukap nútsumtikraitme.

YKan. 78:19

Kame Uunt Yusan yajauch chicharainiak “Kampuntin atsamunam ju̱í̱yash péṉker yurumkan ayurtamatajⁱ.”

YKan. 78:41

Ataksha Tunaarincha Yusan nekapáiniak tunaan tí turuiniak akajiarmiayi.

YKan. 81:16

Túrasha Áminkia Yuska tí peṉker tríkiun ayurtamawara̱a̱yi tura ame kitiamamuram imikrai tusa muchiṉnumia̱ míshkin átmara̱a̱yi.

Mat. 14:17

Tutai “Iikia takaktsuji. Antsu seṉku páṉchik nuyá̱ jimiará namakchik takakji” tiármiayi.

Mat. 16:9

Seṉku paṉja̱i̱ túramiaj nu kajinmátkintrumek. Seṉku míran ayurkamamtai núkap chaṉkinnium tiarmia nu nékatsrumek.

Mar. 6:38

Tura Jesus ni unuiniamuri̱n chicharainiak “Paṉ takakrum nu iistarum ¿urutmak aa?” tímiayi. Tutai nekapmarar chichainiak “Paṉka séṉkuchikiti tura namaksha jímiarchikiti” tiármiayi.

Mar. 8:19

Nekaatarum, nuik seṉku páṉkan púuran seṉku míran ayurachmakaj. ¿Tura ampirma urutmá chaṉkinnium chumpíamarum?” tímiayi. Nisha tutai “Tuse chaṉkinnium chumpíamji” tiármiayi.

Ruk. 9:13

Tutai Jesus chicharainiak “Atumsha ayuratarum.” Tutai chichainiak “Iisha aya seṉku paṉ tura namaksha jímiarchik takakji. Warí ju̱ shuar ayuratin aya sumakrisha ejemniaitji” tiármiayi.

Juaṉ 11:21

Tura Marta Jesusan iṉkiuṉ chicharuk “Uuntá, Ame pujakminkia winia umar jákacha̱a̱yi.

Juaṉ 11:32

Marisha Jesus pujamunam jeá tikishmátar chichaak “Uuntá, Ame pujakminkia winia umar jákacha̱a̱yi.”

Juaṉ 21:10

Jesussha “Átum achikiurmena nuyá̱ jiátin itiatárum” tímiayi.

Juaṉ 21:13

Nuyá̱ Jesus wajaki̱ páṉkan achik susar tura namaknasha súsarmiayi.

Juaṉ 21:9

Kaanmatkanam jeawar ji kaí̱r ámanum namakan jiámun wáinkiarmiayi. Páṉnasha wáinkiarmiayi.

Juaṉ 6:11

Jesussha nu páṉkan achik Yusan yumiṉkias ni unuiniamuri̱n susamiayi. Nisha ashí nui̱ pujuinian súsarmiayi. Namaknasha núnisaṉ ashí ni wakeriarmiania nuna súsarmiayi.

Juaṉ 6:7

Jiripsha nuyá̱ chichaak “Timiá nukap kuitji̱a̱i̱ paṉ sumakmesha ashí ishichik susamsha jeachaintjia” tímiayi.

2 Kur. 8:9

Ii Uuntri̱ Jesukrístu waitnenkartutairi̱ nékarme. Ashí takakuyayi tura atumín anenma asa kuítrincha núnisaṉ ajasmiayi. Ju̱ nuṉkanam kuítrincha núnis ajasmatai átum nayaimpiniam kuítriniak tusa túramiayi.

Muis. 32:14

Waaka muntsurí̱ kuntutisha tura murikiu muntsurí̱sha núnisrumek murik yamatskamchi macharí̱sha nuyá̱ Pasannumia̱ muriksha tura chipiu áishmaṉka namaṉké̱sha núnisaṉ tí peṉker trikiu nere̱sha yuámiarme. Tura tí peṉker uwa ásar yumiri̱sha numpa tímianu kapantin umarmiarme.

Apu. 6:6

Tura kuatru taṉku ajapénia̱ chichaamun antukmajai. “Tsawant takamtsuk takaakmesha apatkuka peṉké ishichik sumakmin átatme. Tura núnisaṉ machasha nijiamchisha amuukacharat tusam péṉker wáinkiata” timiai.