Juaṉ 6:57 - Yus Papí: Shuarja̱i̱ Yus Yamaram Chicham Najanamu

⁵⁷ Iwiaaku Yus Apa Winia akuptúkua nuna iwiaakmari̱ji̱a̱i̱ iwiaaku pujajna núnisaṉ Winia yurakka winia iwiaakmarui̱ iwiaaku pujustatui.

Juaṉ 6:57 Iomraidhean Croise

YKan. 18:46

Uunt Yus iwiaakui. Winia kátsuram Kayar asa shiir atí. Winia uwemtikrin Yus asa uunt awajsamu atí.

Jrm. 10:10

Tura Uunt Yuska nekas Yúsaiti. Niṉkia iwiaaku Yúsaiti tura úunt akupin tuke pujuwiti. Ni kajekmataikia nuṉka muchitiawai. Tura uunt nuṉka mátsatka ainia nuka Ni suíri̱n katsuntrachmin áiniawai.

Mat. 16:16

Semuṉ Pítrusha “Ámetme Kristu, Yus Anaikiamu. Nekas iwiaaku Yusa Uchirí̱nme” tímiayi.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 5:26

Iis, Winia Apar iwiaaku awajsatniun ímia Niṉki takakui. Tura Winiasha ni Uchirí̱ asamtai iwiaaku awajsatniun surusuiti.

Juaṉ 6:29

Nuikia Jesussha chichaak “Yus akupta asa Winia enentáimtursarat tusa wakerawai” tímiayi.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

1 Kur. 15:45

Yus Papinium nuní̱ áarmaiti “Emka áishmaṉ ni naari̱ Ataṉ, aents ajas iwiaaku ajasmiayi.” Naṉ. 2:7 Ukunmaṉka yamaram Ataṉka áintsaṉ Kristu, wakan asa ashí aentsun nekas iwiaaku átinian susamniaiti.

2 Kur. 13:4

Kristu nekas kakarmachua nútiksaṉ krúsnum máamuitiat Yusa kakarmari̱ji̱a̱i̱ iwiaakuiti. Aya̱shnium Kristu kakarmachu nekapmia núnisrik iikia kakarmachuitji. Túrasha Yusa kakarmari̱ji̱a̱i̱ Ni takatri̱ takaaji. Nuja̱i̱ atumíin iniakmastatji.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

1 Tis. 1:9

Antsu átum iin péṉker itiaamun ni íksaṉ ujatmainiaji. Tura nuya̱sha najankamu yus enentáimtustin iniaisarum nekas iwiaaku Yus nekas enentáimtusrum umirkarumna nunasha ujatmainiaji.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?

1 Jṉ. 4:9

Tuma asa ni Uchirí̱ chikichkiniak ju̱ nuṉkanam akuptúrmakmiaji. Iisha ni túrunamuja̱i̱ nekas iwiaaku pujaji. Nuja̱i̱ Yus iin yáintmak ni aneṉkrattain paant iniakturmasmiaji.