Juaṉ 6:53 - Yus Papí: Shuarja̱i̱ Yus Yamaram Chicham Najanamu

⁵³ Tuíniakui Jesus chicharainiak “Ti nekas tájarme, Wi Aents Ajasu asamtai winia aya̱shur yúatniuitrume. Winia aya̱shur yúachmeka tura winia numpar umarchamka nekas iwiaaku pujatsrume.

Juaṉ 6:53 Iomraidhean Croise

Mat. 18:3

chichaak “Tí nekasan tájarme, atumí enentáimtairi̱ yapaji̱árum uchia áinis ajachkurmeka Yus akupeamunam pachinkiachminiaitrume.

Mat. 5:18

Nekasan tájarme. Ashí túrunatniua nu amúatsa̱i̱ṉ nu akupkámu ishichkisha yapajniáshtatui. Nayaimpisha tura nuṉkasha tuke amúatsa̱i̱ṉ nu akupkámusha amuukashtatui.

Mat. 8:20

tutai Jesus chichaak “Ku̱janchmasha ni pujutái̱ri̱n tura chiṉkisha pasuṉke̱n takakainiatsuk. Tura Wi Yusai̱ya̱itiatan tepestintrusha atsawai” tímiayi.

Ruk. 13:3

Atsá, atumí enentái̱ yapaji̱áchkurmeka núnisrumek atumsha jakattarme. Nuna paant tájarme.

Ruk. 13:5

Atsá, tájarme. Atumí enentái̱ yapaji̱áchkurmeka núnisrumek atumsha jakattarme” tímiayi.

Juaṉ 13:8

Tutai Pítiur chichaak “Peṉké winia nawerka nijiarchattame” takui̱. Jesussha chichaak “Wi nijiaachkuiṉkia Wiji̱a̱i̱ tsaniṉkia pujuschamniaitme.”

Juaṉ 15:4

Átumka Winí̱i̱ pujustarum núnisnak Wisha atumíin pujustatjai. Warí kanawe̱ kampui̱i̱n áchitkiachkuṉka níṉkikia peṉké nerekchamniaiti. Núnisrumek atumsha Winí̱i̱ áchitkiachkurmeka nerekchattarme.

Juaṉ 3:3

Tutai Jesus chichaak “Tí nekas tájame. Atak yamaram akiiniachuka Yusa akupeamuri̱n pachinkiashtatui.”

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 3:5

Ataksha Jesus aya̱k “Ti nekas tájame. Shuar entsaya̱sha tura Wakanniúmia̱sha akiiniachuka Yus akupeamunam peṉké pachinkiashtatui.

Juaṉ 6:47

Ti nekasan tájarme. Winia enentáimturna nú shuarka yamaram iwiaakman amuukashtinian takakui.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Juaṉ 6:55

Winia aya̱shruka nekas yurumkaiti tura winia numparsha nekas umutainti.

Juaṉ 6:62

Wátsek Wi nayaimpiniam pujuyaj nui̱ wáketkuisha ¿urukawaintrumek?

1 Jṉ. 5:12

Yusa Uchirí̱ji̱a̱i̱ tsaniṉ wekaana nú shuar, nu iwiaakmaja̱i̱ iwiaaku pujuiniawai. Tura Yusa Uchirí̱ji̱a̱i̱ tsaniṉ wekaatsna nú shuar, nu iwiaaku átinnium pujatsui.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.

Apu. 2:7

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka tuke iwiaaku pujutai̱ numi nere̱n yúatniun tsaṉkatkattajai. Nu numi Yus pujana nui̱ wajaawai.’ Tu aartá” turutmiai.