Juaṉ 6:46 - Yus Papí: Shuarja̱i̱ Yus Yamaram Chicham Najanamu

⁴⁶ Aya Yusai̱ya̱ tauwa nuke Yúsnaka wáinniuiti. Chíkichkia peṉké wáinkiachuiti.

Juaṉ 6:46 Iomraidhean Croise

Jiin. 24:10

Tura nui̱ Israer shuara Yusri̱ wajamuri̱ṉkia kaya aya píniunmaṉ saar kiṉkia eṉketka nayaim kíṉkiampatak ajasua ániunam wajan wáinkiarmiayi.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 14:7

Winia nékarkurmeka winia Aparsha nekaawaintrume. Yamaisha Ni wainkia asarum nékarme” tímiayi.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 5:37

Winia Aparsha akuptúku asa ayamprutui. Túrasha átumka ni chichame̱sha antukchaitrume tura waintiasha wáinkiachuitrume.

Juaṉ 7:29

Antsu Winia akuptúkuitkiui ai̱ya̱ tau asan Wikia nékajai” tímiayi.

Juaṉ 8:19

Takui̱ “¿Ame apasha tui̱ pujá?” tiármiayi. Tutai “Átumka Winiasha winia Aparsha nékatsrume. Winia nékarkurmeka winia Aparsha nekaawaintrume” tímiayi Jesus.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

Kurs. 1:15

Íischamnia Yusan Krístuka nakumeawai. Yus ashí najanamu ainia nuna iwia̱i̱yaiti.

1 Tim. 6:16

Iwiaaku átinia nérenniuri̱ Níṉkiti. Ti tsáapninium pujakui nuntumtuachminiaiti. Wáinchatai asamtai shuar peṉké wáinkiacharu áiniawai. Niṉki ashí shiir awajsatniuiti tura Niṉki tuke ashí akupin atí. Núnisaṉ atí.

1 Jṉ. 4:12

Chikichkisha Yusan wáinkiachuiti. Túmaitiat mái̱ anenai ajakrikia Yus ii enentái̱n pujurtamkui Niji̱a̱i̱ métek aneṉkratin ajaji.