Juaṉ 6:40 - Yus Papí: Shuarja̱i̱ Yus Yamaram Chicham Najanamu

⁴⁰ Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:40 Iomraidhean Croise

Isa. 52:10

Ashí nuṉkanam pujuinia nu aents iimmiainiamunam Uunt Yus ni kakaram kunturi̱n iniakmasuiti. Tuma asamtai ashí nuṉka náṉkata ímianai pujuinia nu shuarsha uwempratniun wáinkiartatui.

Isa. 53:2

Ni íismaka nuṉka káarunmaya̱ kaṉkap puṉkái̱ jeana núnikmiayi. Niṉkia naṉkamantu enentáimtumamuri̱sha atsumai, shíirmari̱sha wáitkiachmaji tura iisrisha wakerukchamniauyi.

Wek. 21:9

Tutai Muisais yaṉkú jiruja̱i̱ napin najana numiji̱a̱i̱ weak awajaimiayi. Tura aents napi esaimiuka nuna iisar péṉker ajarmiayi. Jṉ. 3:14-15

Mat. 10:15

Nu shuaran nekapsatin tsawant jeamtai Yus asutiáshtatuak. Sutumanmaya̱ tura Kumuranmaya̱ aentsnasha naṉkaamas Yus asutiáttawai nu shuaran” tímiayi.

Mat. 25:46

Nu shuarka tuke wáitsatniunam wéartatui. Tura Yus achikma ainia nusha tuke iwiaaku Yusja̱i̱ pujustinnium wéartatui” tímiayi Jesus.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Ruk. 2:30

Ju̱ Uchi ashí aents uwemtikrarta tusam susamna nuna yamái imia winia jí̱ruja̱i̱ wainkiajai.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 10:28

Tura yamaram iwiaakman tuke jákashtinian súajai. Nu asamtai jákachartatui tura Wi wáinmancha ¿yaki jurutkit?

Juaṉ 11:24

takui̱ Mártasha chichaak “Nekas ashí amúamunam jákaru nantaktin tsawantai̱ nantakiartatui. Nuna nékajai.”

Juaṉ 11:25

Tutai Jesus chichaak “Iwiaaku átinia nérentin asan Wikia iniantkiartiniaitjiai. Winia enentáimturna nuka jakasha nantaktiatui.

Juaṉ 12:45

Winia wáitkiusha Winia Aparnasha wainiui.

Juaṉ 12:50

Wisha nékajai, ashí winia Apar akupeamuka yamaram iwiaakman tuke amuukashtinian suawai. Tuma asamtai winia Apar turutmia núnisnak tajai” tímiayi Jesus.

Juaṉ 14:17

Nusha Nekasa nú Wakaniti. Yus shuarcha Nin nekaachmin áiniawai. Tuma asamtai ni enentái̱n waya̱chminiaiti. Antsu átumka atumí enentái̱n pujakui Ni nékarme. Nisha atumí enentái̱n tuke pujustatui.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 17:2

Ashí aentsun akupkatin tsaṉkatkaitme. Núja̱i̱ṉkia Nin susamna nú shuaran yamaram iwiaakman tuke amuukashtinian súsaiti.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Juaṉ 6:39

Winia Apar akuptúkuiti tura ju̱na wakerawai. Ashí winia tsaṉkatrukman emeṉkátsuk amuukatin tsawantai̱ iniantkiarat tusa wakerawai.

Juaṉ 6:44

Winia Apar shuaran akuptúrkachuitkiuiṉkia peṉké weantúrkachainti. Tura Winia akupturna nuna amuukatin tsawantai̱ iniantkíttiajai.

Juaṉ 6:54

Winia aya̱shrun yúana nuka tura winia numparun úmakka iwiaakman amuukashtinian takakui. Tura nu shuaran amuukatin tsawantai̱ iniantkíttiajai.

Juaṉ 8:56

Aprajámka, atumí uuntri̱, imiá yaunchu jákaitiat Wi ju̱ nuṉkanam tátinian wararas nákasmiayi. Tura waitiak ti shiir warartusmiayi” tímiayi.

Rum. 5:21

Shuar tunaan túrin ásar jákatin ármiayi. Tura núnisaṉ ii Uuntri̱ Jesukrístu túramuja̱i̱ Yus iin “péṉkeraitrume” túramkurin iisha tuke iwiaaku pujustiniaitji.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Isr. 11:1

Yus nekas enentáimtakur “nákajnia nuna, Yus nekas suramsattaji” taji. Tura wáinchaitiatar “nekas wainkiattaji” taji.

Isr. 11:27

Nisha Yusan shiir enentáimtak úunt akupin kajeramu ai̱ṉ ashamtsuk Ejiptu nuṉkanmaya̱ jiinkí̱ wémiayi. Yusan wáinchiat shiir enentáimtamuja̱i̱ wáinniua áinis kakaram ajas ashí katsuntramiayi.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.

1 Jṉ. 2:25

Jesukrístusha Niji̱a̱i̱ tuke iwiaaku pujustinian tsaṉkatramkaitji.

Jut. 1:21

Yus ti anenmakui ni wakera nu wakeruktarum atumsha. Túrarum ni anenmamu shiir nekaattarme. Tsawant winiawai, ii Uuntri̱ Jesukrístu iin waitnentrama asa tuke shiir Niji̱a̱i̱ pujustinian amastatji. Nu tsawant naká pujutarum.