Juaṉ 6:39 - Yus Papí: Shuarja̱i̱ Yus Yamaram Chicham Najanamu

³⁹ Winia Apar akuptúkuiti tura ju̱na wakerawai. Ashí winia tsaṉkatrukman emeṉkátsuk amuukatin tsawantai̱ iniantkiarat tusa wakerawai.

Juaṉ 6:39 Iomraidhean Croise

Jrm. 23:4

Nútiksanak murikiu wáinniuncha apujtusartatjai. Tura nisha péṉker wainiainiam sapijmiainiachuk atakka ashamkachartatui. Núnisaṉ chikichkiksha meṉkakashtatui” tawai Uunt Yus.

Mat. 10:15

Nu shuaran nekapsatin tsawant jeamtai Yus asutiáshtatuak. Sutumanmaya̱ tura Kumuranmaya̱ aentsnasha naṉkaamas Yus asutiáttawai nu shuaran” tímiayi.

Mat. 18:14

Núnisaṉ atumí Aparí̱ nayaimpiniam pujana nu, nu uchi chikichkisha meṉkakacharti tawai” tímiayi.

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Juaṉ 12:48

Winia nakitrur chichampruncha enentáimtachuka sumamtikiamuiti. Wi tímiaj nuka amuukatin tsawantai̱ nin sumamtikiattawai.

Juaṉ 17:12

Ju̱i̱ niji̱a̱i̱ pujakun ame kakaram náarmiji̱a̱i̱ ti péṉker wáinkiarmajai. Antsu Yus Chichamnum aarma uminkiati tusa aya chikichik meṉkakaiti. Nisha tuke emesnartinia núiti.

Juaṉ 17:2

Ashí aentsun akupkatin tsaṉkatkaitme. Núja̱i̱ṉkia Nin susamna nú shuaran yamaram iwiaakman tuke amuukashtinian súsaiti.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Juaṉ 17:6

Ashí jú̱ nuṉkanmaya̱ surusármamna nú shuaran Ámin nekamtikiamjai. Áminiu áiniakui surusármame. Nisha ame chichammin umirtámkaruiti.

Juaṉ 17:9

Ni yaiṉkiarta tusan seajme. Jú̱ nuṉkanmaya̱ shuaran Ámin enentáimturmainiatsna nuna seattsujai. Antsu Ame surusármamna nuna Áminiu ajasármatai yaiṉkiarta tusan seajme.

Juaṉ 18:9

Jesus nuik áujuk “Winia Apar surusma nu meṉkakacharai” timia nu uminkiati tusa Jesus “waketkiarti” tímiayi.

Juaṉ 5:28

‘Ju̱ chicham itiurchataiti’ enentáimprairap. Tsawant jeattana nui̱ṉkia ashí jákaru ainia nuka Wi untsumman antukartatui.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:44

Winia Apar shuaran akuptúrkachuitkiuiṉkia peṉké weantúrkachainti. Tura Winia akupturna nuna amuukatin tsawantai̱ iniantkíttiajai.

Juaṉ 6:54

Winia aya̱shrun yúana nuka tura winia numparun úmakka iwiaakman amuukashtinian takakui. Tura nu shuaran amuukatin tsawantai̱ iniantkíttiajai.

Rum. 8:11

Yus Jesukrístun jakaan iniantkímiayi. Tuma asamtai ni Wakaní̱ atumí enentái̱n pujurtamkurminkia Jesusan iniantkímia núnisaṉ nu Wakanja̱i̱ yamaram iwiaakmaja̱i̱ iniantamkittiarme.

1 Kur. 6:14

Tura Yus ii Uuntri̱ Jesusan iniantkímia núnisaṉ ii aya̱shí̱ncha nu kakarmari̱ji̱a̱i̱ iniantkíttiawai.

2 Tim. 2:19

Túrasha Yus ashí naṉkaamas enentáimtustinia nuna paant awajsaiti. Jú̱nisaiti “Uunt Yus ni shuari̱n nékainiawai” tura nuyá̱ “Ashí Kristu shuari̱ ainia nu tunaanumia̱ kanakiarti.”

San. 5:15

Tura “Yus nuna nekas anturtamkattaji” tu enentáimsar áujsarti. Túrawarmatai jaa shuar péṉker ajastatui. Yus nin tsuártatui. Tura tunaan tura asa jáakuiṉkia Yus nu tunaan tsaṉkurattawai.

1 Pit. 1:5

Yus nekas enentáimta asakrumin ni kakarmari̱ji̱a̱i̱ wearmarme. Tura tuke uwemtikrampratniun nuṉka amúamunam paant iniakmastatna nu achikmintrum tusa tuke tsawant ni kakarmari̱ji̱a̱i̱ wáitmarme.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.