Juaṉ 6:29 - Yus Papí: Shuarja̱i̱ Yus Yamaram Chicham Najanamu

²⁹ Nuikia Jesussha chichaak “Yus akupta asa Winia enentáimtursarat tusa wakerawai” tímiayi.

Juaṉ 6:29 Iomraidhean Croise

YKan. 2:12

Kajekmatai wárik jáka̱i̱j tusarum ni Uchirí̱sha shiir awajsatarum. ¡Kame ashí Nin enentáimtuinia nuka shiir enentáimias warasmin áiniatsuk!

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 5:39

Átumka Yus Chicham yaunchu aarma nui̱ iwiaaku átinian wáinkiataj tusarum tí unuimiaruitrume. Nu chichamsha Wínian áujmatui.

Juaṉ 6:28

Takui̱ “¿Warí túratniuitiajⁱ Yus wakerana nu umiktin?” tiármiayi.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 6:57

Iwiaaku Yus Apa Winia akuptúkua nuna iwiaakmari̱ji̱a̱i̱ iwiaaku pujajna núnisaṉ Winia yurakka winia iwiaakmarui̱ iwiaaku pujustatui.

Tur. 16:31

Tutai nisha chichainiak “Uunt Jesukrístu nekas enentáimtusta. Túrakmeka amesha tura áminiurmesha uwemprattarme” tiármiayi.

1 Tis. 1:3

Atumsha Yus nekas enentáimtakrum umirkarumna nu nékaji. Núnisrumek Yus aneakrum takaarme. Tura ii Uuntri̱ Jesukrístu tatí tusarum tuke tsawant nákarme. Nu neka asar ii Aparí̱ Yus iniaitsuk áujkur ashí átum enentáimtusar Yus áujtaji.

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

San. 2:22

Páantchakait. Aprajám Yusan shiir enentáimtak umirkamiayi. Umirchakka Yusan enentáimtamun ántar a̱a̱yi. Tura umirka asa Yus enentáimtamun umikmiayi.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

1 Jṉ. 5:1

Ashí “Jesus Yusa Uchirí̱ Krístuiti” tu enentáimtana nú shuar Yusa uchirí̱nti. Tura aparí̱ aneakrikia ni uchirí̱sha aneattaji.

Apu. 2:26

Nupetmakunka Wi wakeraj nunak tuke iniaitsuk túrana nuna untsurí nuṉkanam akupkatniun tsaṉkatkattajai.