Juaṉ 6:27 - Yus Papí: Shuarja̱i̱ Yus Yamaram Chicham Najanamu

²⁷ Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Juaṉ 6:27 Iomraidhean Croise

YKan. 2:7

Wi Uunt Yus akupeana nuna ujakáran paant awajtúsartatjai. Uunt Yus chichartak “Ame winia uchiruitme. Túmaitkiui yamaikia Wikia ame ápaitjiai. Tur. 13:33; Isr. 1:5; 5:5

YKan. 40:7

Winia Yusru Ame pénuimiu papirumin Ame akupeamuram winia enentái̱rui̱ aa asamtai nuna umiktinian wakerukuitjiai tu áarmaiti. Tuma asamtai aarma nuna umíakun winiajai timiajai. Isr. 10:5-7

Neka. 9:5

Namperan nájanjana ju̱i̱ winirum apatuk yurumárum tura winiu umarum wi iwiarajna nuja̱i̱ warastarum.

Isa. 42:1

Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Isa. 55:2

¿Urukamtai kuitcha yurumkachunmasha ájapearum? Tura atumsha shiir nekapeachiatrumsha ¿urukamtai takakmarum? Péṉker anturtuktarum túrakrumka péṉker yurumáttarme núnisaṉ atumí enentái̱sha tí peṉker yurumkan yuá shiir enentáimprattawai.

Jrm. 15:16

Ame chichammin wainkiamjai túran yua núnikmajai. Ame chichammeka winia shiir enentáimtikrawai antsu enentái̱rui̱ṉkia waraajai. Warí, Ashí Akupin Uunt Yusá Ame náarmin wikia untsukmaitjiai.

Awa. 2:13

Kame aents takakmasarua nuka ji áeskatniun takasáru ásarmatai péprusha ántar wáitsaruiti. Warí ju̱ka Ashí Akupin Uunt Yuschakait.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Mat. 25:46

Nu shuarka tuke wáitsatniunam wéartatui. Tura Yus achikma ainia nusha tuke iwiaaku Yusja̱i̱ pujustinnium wéartatui” tímiayi Jesus.

Mat. 3:17

Túramtai nayaimpinmaya̱ Yus chicháa antukamiayi “Ju̱ka winia Uchiruiti. Ti aneamuiti. Ti shiir enentáimtajai” tímiayi.

Mat. 6:19

Ju̱ nuṉkanmaya̱ wariṉsha núkap ikiauṉkatin enentáimtusairap. Warí ju̱i̱ṉkia mash mamúatsuk tura ka̱ya̱sha ju̱yu̱mchakait núnisaṉ kasasha wayá̱ kasamtsuk.

Mat. 8:20

tutai Jesus chichaak “Ku̱janchmasha ni pujutái̱ri̱n tura chiṉkisha pasuṉke̱n takakainiatsuk. Tura Wi Yusai̱ya̱itiatan tepestintrusha atsawai” tímiayi.

Mar. 1:11

Tura nayaimpinmaya̱ chichaamun ju̱na antukmiayi “Ámeka winia aneamu Uchiruitme. Ámin shiir enentáimtajme.”

Mar. 9:7

Tura yuraṉkim káunar mikintiu awajsámiayi. Yuraṉminmaya̱ chichaak “Winia aneamu Uchir ju̱i̱ti. Ni anturkatarum” tímiayi.

Ruk. 3:22

Tura Yusa Wakaní̱ yámpits najanar paant tarurmiayi. Tura Yus nayaimpinmaya̱ chicharuk “Amek winia aneamur Uchiruitme, Ámin ti wararjame” tímiayi.

Ruk. 9:35

Nuiṉkia yuraṉminmaya̱ chichaamun antukarmiayi “Ju̱ka winia aneamu Uchiruiti. Ni anturkatarum.”

Juaṉ 10:28

Tura yamaram iwiaakman tuke jákashtinian súajai. Nu asamtai jákachartatui tura Wi wáinmancha ¿yaki jurutkit?

Juaṉ 11:42

Winiasha tuke anturtame tura ju̱ shuaran péṉker enentáimtikrataj tusan tajai. Ame akuptúkuitmena nuna nekarmawarti.”

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 17:2

Ashí aentsun akupkatin tsaṉkatkaitme. Núja̱i̱ṉkia Nin susamna nú shuaran yamaram iwiaakman tuke amuukashtinian súsaiti.

Juaṉ 3:15

Núja̱i̱ṉkia ashí Winia enentáimturainia nuka jinium wétsuk Yusai̱ tuke iwiaaku pujustatui.

Juaṉ 3:33

Antsu ni chichame̱n ántana nuka ‘Yusa Chichame̱ imiá nekasaiti’ tawai.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:47

Ti nekasan tájarme. Winia enentáimturna nú shuarka yamaram iwiaakman amuukashtinian takakui.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Juaṉ 6:53

Tuíniakui Jesus chicharainiak “Ti nekas tájarme, Wi Aents Ajasu asamtai winia aya̱shur yúatniuitrume. Winia aya̱shur yúachmeka tura winia numpar umarchamka nekas iwiaaku pujatsrume.

Juaṉ 6:54

Winia aya̱shrun yúana nuka tura winia numparun úmakka iwiaakman amuukashtinian takakui. Tura nu shuaran amuukatin tsawantai̱ iniantkíttiajai.

Juaṉ 6:58

Ju̱i̱ti apatuk nayaimpinmaya̱ tau. Ju̱ apatkuka atumí uuntri̱ yuáwariat ashí kajinkiarua núnischaiti antsu ju̱na yúana nu tuke iniaitsuk iwiaaku pujustatui” tímiayi.

Juaṉ 6:62

Wátsek Wi nayaimpiniam pujuyaj nui̱ wáketkuisha ¿urukawaintrumek?

Juaṉ 6:68

Semuṉ Pítrusha ái̱kmiayi “Uuntá, ¿yáini̱ṉ wétajⁱ? Ame chichammiji̱a̱i̱ṉ tuke iwiaaku áminiaiti.

Juaṉ 8:18

Wátsek Wisha winia Aparsha mái̱ metek taji. Winia Aparsha akuptúkuiti” tímiayi.

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 2:22

Tura Pítiur tuke chichaak “Israernumia̱ shuartiram, wi títiatjana nu antuktarum. Nasarétnumia̱ Jesusnan tajai. Nú Jesusan Yus shiir enentáimtawai. Yuska átum ti enentáimprarum ni kakarmari̱n paant nekaatarum tusa nú Jesusan ti ikiaká̱rmiayi. Tura Jesusja̱i̱ aentsti túrachminian átum íimmianum Yus túramiayi. Nuka ti paant nékarme.

Rum. 4:11

Aprajám tsupirnatsuk Yusan shiir enentáimtusmatai Yus “péṉkeraitme” tusa “tsupirnaktiniaitme” tímiayi. Núja̱i̱ṉkia ashí Yusan shiir enentáimtuinia nú shuar tsupirnatskesha Aprajám wea áiniawai. Tura nu shuaran Yus “péṉkeraitme” tawai.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

1 Kur. 6:13

Ju̱nasha tiniu áiniawai “Apatuk wakeja̱i̱nchu tura wake apatkuja̱i̱nchu mai̱ ántraiti.” Apatkuja̱i̱ wakesha nekas mái̱ metek enentáimpratin áiniawai tura Yus mái̱ metek amuktatui. Núnisaṉ ii aya̱shi̱ ii Uuntri̱ Krístunuiti tura Kristu ii aya̱shi̱ nérenniuiti. Tuma asamtai ii aya̱shí̱ji̱a̱i̱ tsanirmashtiniaiti.

1 Kur. 9:2

Chíkich shuar “Kristu akatrámuri̱nchuiti” turutainiakuisha átumka winia takatruja̱i̱ Yus shuar ajasu asakrumin nuja̱i̱ wi nekas Kristu akatrámuri̱ntiaj nu paant nekaamniaiti. Tura tu enentáimtursatniuitrume.

2 Kur. 4:18

Tuma asamtai wáinjinia nu ti enentáimtatsji. Antsu wáintsujnia nu nekas enentáimtaji. Wáinjinia nusha aya yamaiya̱iti. Antsu wáintsujnia nuka tuke amuukachminiaiti.

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Muis. 30:13

Núnisaṉ nayants amaini̱ṉkia pujatsui. Tuma asamtai nu chicham antukar umiktinian ¿yaki nayantsanam katiṉkí̱ taa ujatmáktajⁱ? tíchamniaitrume.

Kurs. 1:29

Tuma asamtai Kristu ni kakarmari̱n tí surakui nekas kakaram takaajai.

Kurs. 2:22

Nusha ¿warí, takasam amuukashtatuak? Kame áyatik aents akupkámu áiniawai.

Kurs. 3:2

Ju̱ nuṉkanam ana nu enentáimtsuk aya nayaimpinmaya̱ ana nu enentáimtustarum.

1 Tis. 1:3

Atumsha Yus nekas enentáimtakrum umirkarumna nu nékaji. Núnisrumek Yus aneakrum takaarme. Tura ii Uuntri̱ Jesukrístu tatí tusarum tuke tsawant nákarme. Nu neka asar ii Aparí̱ Yus iniaitsuk áujkur ashí átum enentáimtusar Yus áujtaji.

2 Tim. 2:19

Túrasha Yus ashí naṉkaamas enentáimtustinia nuna paant awajsaiti. Jú̱nisaiti “Uunt Yus ni shuari̱n nékainiawai” tura nuyá̱ “Ashí Kristu shuari̱ ainia nu tunaanumia̱ kanakiarti.”

Isr. 12:16

Núnisaṉ atumín tsanirmatniua núnis Yusna nuna nakitratniun Isaka uchirí̱ Esaú enentáimturmia nuja̱i̱ métek atsutí. Kame iwia̱i̱ri̱ asa núkap sunastinia nuna ántraiti tu enentáimias ishichik yurumkaja̱i̱ yapaji̱á surukmiayi.

Isr. 4:11

Nu asamtai iisha Yusja̱i̱ shiir pujustinnium pachinkiacha̱i̱j tusar Yus shiir enentáimtusar kakaram ajastiniaitji. Israer shuar yaunchu Yus táman nakitrarua núnis ajaschatniuitji.

San. 1:11

Etsa̱ sukúam nupa̱ ka̱a̱wai tura kuku̱jísha iniaawai. Nuyá̱ shíirmach íiramuri̱ nui̱ amúawai. Núnisaṉ kuítrinniuka súrutnak pujurkusha itiurchat wainiak wárik amuukattawai.

1 Pit. 1:24

Ju̱ aya̱sh tuke pujuschamniaiti. Yusa Papirí̱i̱n jú̱nis áarmaiti “Ashí aentsti nupa̱a̱ ániuitji. Ii péṉkeri̱sha kuku̱jia ániuiti. Nupa̱ wárik kaawai. Kuku̱jsha núnisaṉ wárik iniaawai.

2 Pit. 1:17

Tura Apa Yus Jesukrístun shiir waantu awajsámia nui̱ ni imiá shiir pujutái̱ri̱ya̱ chichaak “Ju̱ka winia ti aneamur Uchiruiti. Nin ti wararjai” tímiayi.