Juaṉ 5:44 - Yus Papí: Shuarja̱i̱ Yus Yamaram Chicham Najanamu

⁴⁴ Aya nuamtak ‘Shiir enentáimtursarti’ tu enentáimtunaiyakrum tura nekas Yusa nu enentáimturmana nuka enentáimtutsuk ¿itiurak nuikia Yus tana nu nekaatniusha jeatarum?

Juaṉ 5:44 Iomraidhean Croise

Jrm. 13:23

Mukusa aentssha ¿puju ajasminkiait? Tura yampiṉkiasha ni áamaṉke̱n ¿yapaji̱ámniakait? Atumsha núnisrum aya yájauchik túratin unuimiátkatirmesha ¿itiurak péṉkersha túratarum?

Mat. 23:5

Aya shuar íirsarti tusar ashí túruiniawai. Ashí shuar péṉker enentáimturarti tusar Yus Papin nijia̱i̱niumsha tura kunturi̱ncha ti waṉkaram awajsar anujak yujainiawai. Tura nu arantcha pushiri̱ shíirmach sasariarman ashí shuarja̱i̱ naṉkaamas nuntuarun awajás wekainiawai.

Ruk. 19:17

Tutai uunt chichaak ‘Péṉker túrame. Ishichik susamjamna núja̱i̱ṉᵏⁱ wi tímiajna tímiatrusmek túrame. Tuma asakmin tias péprun akupin awajsattajme’ timiai.

Juaṉ 12:43

Yus shiir enentáimtursati tútsuk antsu shuar shiir enentáimtursati tusar túrawarmiayi.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 3:20

Ashí yajauchin túruinia nuka tsáapninian muí̱jiainiawai. Túrawar ni tunáa túramu paant ajasa̱i̱ tusa yupitiainiawai.

Juaṉ 5:41

Shuar Winia shíiraiti turutainiakuisha núnaka páchiatsjai.

Juaṉ 8:43

¿Urukamtai Wi tájana nu imiá nékatsrum? Wi tájana nu nakitia asarum winia chichamur ántatsrume.

Rum. 2:10

Antsu nekas Israer shuarnasha tura núnisaṉ Israer shuarchancha péṉker túrin ainia núnaka Yus ti shiir imiatkinchanum apujsartatui.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

1 Kur. 4:5

Tsawant jeamtai ii Uuntri̱ Kristu atak tátatui. Tura ashí yamái kiritniunam u̱kma nuna tura shuar ashí enentáimprarma nunasha paant awajsattawai. Nu tsawant jeatsa̱i̱ṉ shuar umikiuashit tusarum enentáimtusairap. Tura nu tsawantai̱ Yus ashí péṉker umikiarun shiir awajsattawai. Péṉker umikiuncha ishichik umikiuncha takasmaja̱i̱ métek Yus shiir awajsattawai.

2 Kur. 10:18

Warí, niṉki “péṉkeraitjiai” tumamna nuka anturkachminiaiti. Antsu Uunt “péṉkeraiti” tana nú shuar nekas péṉkeraiti.

Jir. 2:3

Átum wakeramuk túrawairap. Naṉkamantu ajastaj tiirap. Antsu péejchach ajasrum chíkich shuar atumji̱a̱i̱ naṉkaamas péṉker enentáimtusta.

1 Tis. 2:6

Iisha Kristu akatrámuri̱ntji. Tuma asar ni kakarmari̱ji̱a̱i̱ akupkatin takakuji. Páchitsuk túramniauji. Túrasha waantu ajastaj tíchamji. Nuyá̱ atumsha tura chikitcha iin waantu awajtámsataj tákuisha iikia nakitmiaji.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

San. 2:1

Yatsuru, ii Uuntri̱ Jesukrístu winchari̱ timiá shiira nu enentáimtatirmeka shuar akantratin enentáimsairap. Shuara enentái̱ enentáimtsuk antsu aya pátatek wáinmena nuja̱i̱ aents akantram niisháa enentáimturairap.

1 Pit. 1:7

Enentáimsatarum. Shuar kurin wakerana núnisaṉ atumniasha umirtukat tusa Yus wakerutmarme. Aents kurin jinium unuiniawai aya kúrik juákat tusar. Kurin ti wakeruinia ásar amukámnia ai̱ṉ túruiniawai. Atumsha itiurchat wainkiarmena nuja̱i̱ Yusan nekas enentáimtusartimpiash tusa nekapsamuitrume. Nu enentáimtamu kuriji̱a̱i̱ naṉkaamas péṉkeraiti. Ukunam Jesukrístu támatai Yuska atumín “péṉker túraitrume” turamtajtsa wakerittiawai. Tura “Ashí shuar nuna nekaawar winia náarun uunt awajsarat” tusa túrutmattarme. Nu tuma asamtai ju̱ nuṉkanam itiurchat wáintrumna nuja̱i̱ nekapsamuitrume.

1 Sam. 15:30

Tutai Saur áimiuk “Yajauchin túrajai túrasha Israer shuara uuntri̱ tura ashí Israer shuar pujuiniamunam wiji̱a̱i̱ wáketeakum arantúrkata wisha Uunt Yusan ame Yúsrumin tikishmátrataj” tímiayi.