Juaṉ 5:4 - Yus Papí: Shuarja̱i̱ Yus Yamaram Chicham Najanamu

⁴ Kame Yusa suntarí̱sha entsá miarmamtikiataj tusa ni tátaj taku táuyayi. Nuya̱ṉka emka jaa entsá wayá̱ ni jáamuri̱ya̱ tsuámamiayi.

Juaṉ 5:4 Iomraidhean Croise

2 Akup. 5:10

Túrunamtai Iriséu aentsun akatar akuptak “Jurtan entsanam wínchuma ataksha wínchuma ajá ajakua siati ejeti, túruna kuchaprúkua núnaka tsuámar péṉker ajastatui túramui titiá” tímiayi.

YKan. 119:60

Ame akupkámiam nuna nákatsuk wárik umikjiai.

Neka. 6:4

Kame nu túrutskeka “kanartajná” tura “ayampratjaná” tiip.

Neka. 8:17

Kame anenta núnaka wisha aneenajai tura ásump enentáiji̱a̱i̱ émamkes e̱a̱tainia nuka wáitiainiawai.

Isk. 47:8

Nuyá̱ chichartak “Jú̱ entsaka etsa̱ tatainmaani̱ akawai tura Arapánam jeá nuyá̱ jeakú nayantsanam ama̱a̱ entsan tsuwawai.

Use. 13:13

Uchi enentáincha akiiniatniuri̱ tsawant jeamtai péṉker jíintsuna Eprainkia núnis asa nuwa̱ uchin takustaj tusa najaimiana núnis najaimiatniuri̱ tsawant jeartiatui.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Sak. 14:8

Nu arantcha Jerusaréṉnumia̱ iwiaaku entsa jíintrartatui. Túruna ajapén chikichik kanaakmari̱ṉkia etsa̱ tatainmaani̱ nayantsanam ayaku átatui. Tura chíkich kanaakmari̱ṉ etsa̱ akatainmaani̱ nayantsanam akaikittiawai. Tura mái̱ entsaka esatái̱sha tura yumitincha ku̱yu̱chu ártatui.

Mat. 11:12

Kakaram shuarka imiakratin Juaṉ tamia nú tsawantnumia̱ Yus akupeamunam ti pachinkiatniun wakeruiniak kakarmaja̱i̱ pachinkiatniun enentáimiainiawai.

Mat. 6:33

Tuma asamtai Yusai̱ péṉker ana nusha tura Yus akupeamuri̱sha emka enentáimtustarum. Túrakrumni̱ṉkia atsumamurmin Yus patas suramsattawai.

Ruk. 13:24

Tutai Jesus chichaak “Yupikiach wáitiniam waya̱taj tusarum ti wakeritiarum. Kame untsurí waya̱taj tusar wakeriartatui túrasha tujintkiartatui, tájarme.

Ruk. 16:16

Juaṉ étsertsa̱i̱ṉ Muisais aar akupkámia nunasha tura Yúsnan etserin unuiniarmia nunasha antuktin ármiayi. Tura yamaisha tímiania ti shiir chicham awai. Yus akupeana nui̱ urukukit nuka paant etserkamuiti. Tura ashí shuar nui̱ pachinkiataj tusar ni kakarmari̱ji̱a̱i̱ṉ ti takainiawai.

Juaṉ 5:3

Nui̱ untsurí jainia kusurúsha shutuapsha emearusha entsa miartukat tusa nákak tepearmiayi.

Juaṉ 5:5

Áishmaṉ traintiúchu uwí jaa nui̱ tepemiayi.

Juaṉ 5:7

Tutai jaasha chichaak “Uuntá, entsa miartukmatai ¿winia yaki eṉketat? Kame wi eṉkemátaj tai̱ chíkich emka eṉkemáiniawai” tímiayi.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.