Juaṉ 5:39 - Yus Papí: Shuarja̱i̱ Yus Yamaram Chicham Najanamu

³⁹ Átumka Yus Chicham yaunchu aarma nui̱ iwiaaku átinian wáinkiataj tusarum tí unuimiaruitrume. Nu chichamsha Wínian áujmatui.

Juaṉ 5:39 Iomraidhean Croise

YKan. 1:2

Antsu Uunt Yus akupkámu chicham umiktinian tí enentáimtakᵘ waraawai. Túmak tsawai̱sha tura káshisha ti enentáimtawai.

YKan. 119:11

Amiin yajauchin túrawa̱i̱j tusan Ame chichammin nekas shiir enentáimtusan umíajai.

YKan. 133:3

Tura ni shiir pujuiniamuka Irmun náintian sana ukatuk Seúnnumia̱ náintian jámainiana núnisaiti. Warí, Jiuwaka péṉker yumiṉkian nui̱ akupeawai tura tuke iwiaaku pujustinniasha súawai.

YKan. 16:11

Tura iwiaaku átin jintia jintintruáttame. Kame Amiin pujustatna nuka ti warastatui. Nuyá̱ Ame untsuurumiini̱ṉkia tuke shiir pujustin awai. Tur. 2:25-28

YKan. 21:4

Iwiaakman seatmakui tí nukap tsawant pujutai̱ súsaitme tura jáchatai̱ tuke pujutai̱ susamame.

YKan. 36:9

Núnisaṉ tuke pujustin sukartinmeka Ameketme. Tuma asam ame tsáapnintrumsha ii enentái̱n tsáapniawai. Jṉ. 4:14

Neka. 6:23

Akupénamusha shirikip keeá núnisaiti. Tura chichartamniua nuka shiripkiji̱a̱i̱ métek péṉker wekasatniun jintintramaiti.

Isa. 8:20

Antsu “¡Yus akupkámu umiktin chichama nu anturkartai!” títin áiniawai. Tura núnis tuíniachkuṉka nú aentska tsawant tsawantracharma núnis ajasáru áiniawai.

Jrm. 8:9

Tí neka áiniana nusha iniatsá̱nar ti sapijmiainiak ‘ausháa’ tuíniawai nuya̱ṉka achirárma armai. Wats nekaatarum. Warí Uunt Yusa chichame̱ncha nakitraru ásarmatai yamaisha ¿warí nekatai̱ji̱a̱i̱ṉ juárkara?

Tan. 12:2

Ántsaṉ ti untsurí jákarusha iwiarsamunmaya̱ nantakiartatui. Chíkichkia tuke iwiaaku pujustinian tura chíkichkia natsanmai̱ ajakar tuke wáitsatniunam wéartinian nantakiartiniaiti.

Mat. 22:29

Tuíniakui Jesus chichaak “Yus Chichamsha nékachkuram tura Yusa kakarmari̱sha nékachkuram nantaktin atsawai tákuram ti awajiarme.

Mar. 10:3

Tutai Jesus chichaak “¿Muisais wariniak timia?”

Mar. 12:10

Ju̱, Yus Papinium aarma ana nu áujsachukaitrum. Kaya péṉkernak je̱a̱min ‘yajauchiti’ tusar ajapawarmia nu ashí kayaja̱i̱ naṉkaamas péṉker apujsamuiti.

Ruk. 16:29

Tutai Aprajám timiai ‘Muisais áarman tura Yúsnan etserin áarman takakainiawai. Nuna umikiarti.’

Ruk. 16:31

Takui̱ Aprajám chichaak ‘Muisais áarman tura Yúsnan etserin áarman anturainiachkuṉka jaka nantaki̱ we ujakmasha antukchartatui’ timiai” tú timiayi Jesus.

Ruk. 24:25

Nuyá̱ Jesus nin chicharainiak “Enentáimchaitrume. Ashí Yúsnan etserin tiarmia nu wau enentáimtatsrume.

Ruk. 24:27

Tura nuyá̱ Yus Papinium Muisais aarmia nuyá̱ jukin ashí Yúsnan etserin ni túrunatniuri̱n áararmia nuna jintintiatasa naṉkamamiayi.

Ruk. 24:44

Tura nin chicharainiak “Winia túrutawarma nuna Wi atumji̱a̱i̱ nuik pujusan tímiajrume. Nekas uminkiatniuyayi. Iis, wi túrunatniurun Muisais aarmia nusha, Yúsnan etserin aarmia nusha tura Yus Kantanmasha aarma ana nusha ashí uminkiatniuyayi” tímiayi.

Juaṉ 1:45

Nuyá̱ Jirip Natanaéran e̱a̱kmiayi. Tura wainiak chicharuk “Muisais Yus akupkámu papinium ‘Anaikiamu tátatui’ tu áarchamkia. Yaunchu Yúsnan etserniusha etserkacharukait. Nu shuar wainkiaji. Jesusaiti, Jusé uchirí̱. Nasarétnumia̱iti” tímiayi.

Juaṉ 5:32

Chikicha Wínian etserturna nu awai. Ni chichame̱sha imiá nekasaiti.

Juaṉ 5:36

Tura Winia ‘Yusai̱ya̱iti’ túrutna nuka, Juaṉja̱i̱ naṉkaamas péṉkeran Wikia takakjai. Wi takasmajna nuiti. Winia Apar takastinian surusma nuna takaakun nuja̱i̱ páantaiti Yus Apa akupkámuitjiai.

Juaṉ 5:40

Tuma ai̱ṉ nekas iwiaaku átaj tusarum Winí̱ tátin nakitiarme.

Juaṉ 5:46

Iis, Muisais Winia áatrurmiayi. Atumsha ni timia enentáimtakrumka Winiasha enentáimturaintrume.

Juaṉ 7:52

Nuiṉkia nisha chicharainiak “Wats amesha Kariréanmaya̱chuashitiam. Yus Chicham áujsam nekaattame. Kariréanmaya̱ Yúsnan etserin peṉké táiniatsui” tiármiayi.

Tur. 13:27

Iis, Jesusa túrunatniuri̱n Yuska yaunchu ni etserniuri̱n áamtikrachmakia. Tura ukunam Jerusaréṉnumia̱ shuar ni akupniúri̱ji̱a̱i̱ tuke ayampratin tsawantai̱ nuna áujenayatkesha peṉké nekaacharmiayi. Tuma ásar Jesuska Yusa Uchirí̱nti tícharmiayi. Tura jakati tiarmia nui̱ Jesusa túrunatniuri̱n, Yus yaunchu chichakmia nuna tímiatrusaraṉ umikiarmiayi.

Tur. 17:11

Piríanmaya̱ aentska Tisarúnikianmaya̱ áentsja̱i̱ṉkia naṉkaamas péṉker enentáimkia ármiayi. Tuke enentáiji̱a̱i̱ Yus Chichaman ántiarmiayi. Túrawar tuke tsawant imia niṉkisha Papru tana nuna nekasashit tusar Yusa papiri̱n íiniak péṉker esetar íisar unuimiármiayi.

Tur. 26:27

Nuyá̱ Akripian chicharuk “Yaunchu Yúsnan etserin áarmari̱ nekasapitia tátsumek uunt Akripia. Wikia nékajme. Nekasaiti, tame” tímiayi.

Rum. 1:2

Nu uwempratin chichaman Yus yaunchu “akupkáttajai” tímiayi. Núnaka Yúsnan etserin Yus Papinium paant ujakármiayi.

Rum. 3:2

Tí peṉkeraiti. Warí, émkaka, Yus ni chichame̱n Israer shuaran súsacharmakia.

Muis. 18:15

Ukunam atumí Uunt Yusri̱ átum weanmaya̱nak kame atumínia̱nak Yúsnan etserniun wiya jú̱ni̱nniak anaikiattawai. Tura nisha anturkatarum.

Muis. 18:18

Amea ánis Yúsnan etserniun ame yatsuminianak anaikiattajai. Tura winia chichamprun etserkattawai. Nuyá̱ ashí Wi títiatjana nuja̱i̱ métek chichartamkattawai.

Muis. 29:29

Nuyá̱ chícham nékachmasha aya Yusak nékamu irunainiawai. Antsu chíkichkia iiniu tura ii uchirí̱niusha akupkámu chicham ju̱i̱ aarma ana nuna tuke umiriarat tusa paant awajsamu áiniawai.

Muis. 32:47

Tura ju̱ akupkámu chichamka ántar chichamchaiti. Kame nuja̱i̱ nekas iwiaaku átatrume. Tura ju̱ péṉker umíakrumka Jurtan entsa amaini̱ katiṉkrum pujustatrumna nui̱sha núkap tsawant iwiaaku pujustatrume” tímiayi Muisais.

Kurs. 3:16

Kristu shiir Chichame̱ atumí enentái̱n piaktí. Nekas naka enentáimprarum jintinniáiyarum mai̱ ikiakánai ajatarum. Yus kanta kantamárum tuke enentáiji̱a̱i̱ Yus yumiṉsarum shiir awajsatarum.

Isr. 11:16

Tura antsu nisha nuna naṉkaamas péṉker nuṉkan nayaimpinmaya̱ nuna enentáimtiarmiayi. Túmainiakui Yuska péprun iwiartur susa asa “Wi ni Yúsri̱ntjiai” títinian natsantatsui.

Isr. 11:35

Nuwa̱sha ni uchirí̱ jakaan iniantkímiun wáinkiarmiayi. Chikitcha wáitias mantamnawarmiayi. Ti shiir pujustinnium nantaktiai tusar nú tsawantai̱ uwempratniun nakitrarmiayi.

Jus. 1:8

Wi akupkámu umiktin chicham aarma nu áujat peṉké iniaisaip. Túrakum tsawai̱sha káshisha nu tuke enentáimtusta. Kame ashí nui̱ aarma ainia nu nekaam péṉker umikminiam. Nu túrakmeka ashí ame túrittiamna nusha péṉker arutmáttawai.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.