Juaṉ 5:37 - Yus Papí: Shuarja̱i̱ Yus Yamaram Chicham Najanamu

³⁷ Winia Aparsha akuptúku asa ayamprutui. Túrasha átumka ni chichame̱sha antukchaitrume tura waintiasha wáinkiachuitrume.

Juaṉ 5:37 Iomraidhean Croise

Jiin. 20:19

Nuya̱ṉka Israer shuar Muisaisan chicharainiak “Uunt Yuska íiji̱a̱i̱ṉkia chichaschati iikia jákara̱i̱jⁱ. Antsu ame Uunt Yusja̱i̱ chichasam étserkumin iikia antuktatji” tiármiayi.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Mat. 3:17

Túramtai nayaimpinmaya̱ Yus chicháa antukamiayi “Ju̱ka winia Uchiruiti. Ti aneamuiti. Ti shiir enentáimtajai” tímiayi.

Mar. 1:11

Tura nayaimpinmaya̱ chichaamun ju̱na antukmiayi “Ámeka winia aneamu Uchiruitme. Ámin shiir enentáimtajme.”

Ruk. 24:27

Tura nuyá̱ Yus Papinium Muisais aarmia nuyá̱ jukin ashí Yúsnan etserin ni túrunatniuri̱n áararmia nuna jintintiatasa naṉkamamiayi.

Ruk. 3:22

Tura Yusa Wakaní̱ yámpits najanar paant tarurmiayi. Tura Yus nayaimpinmaya̱ chicharuk “Amek winia aneamur Uchiruitme, Ámin ti wararjame” tímiayi.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 14:9

Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 5:32

Chikicha Wínian etserturna nu awai. Ni chichame̱sha imiá nekasaiti.

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Juaṉ 8:18

Wátsek Wisha winia Aparsha mái̱ metek taji. Winia Aparsha akuptúkuiti” tímiayi.

Muis. 4:12

Nui̱ ji keamunmaya̱ Uunt Yus atumín chichartamkamiarme. Ni chichaamusha anturkamiarme túrasha chichaamu ánturiatrumek Nisha urukuit nusha peṉké wáinkiachmarme.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Tim. 6:16

Iwiaaku átinia nérenniuri̱ Níṉkiti. Ti tsáapninium pujakui nuntumtuachminiaiti. Wáinchatai asamtai shuar peṉké wáinkiacharu áiniawai. Niṉki ashí shiir awajsatniuiti tura Niṉki tuke ashí akupin atí. Núnisaṉ atí.

1 Jṉ. 4:12

Chikichkisha Yusan wáinkiachuiti. Túmaitiat mái̱ anenai ajakrikia Yus ii enentái̱n pujurtamkui Niji̱a̱i̱ métek aneṉkratin ajaji.

1 Jṉ. 4:20

Tura shuar “wi Yusan aneajai” táyat chíkich Yus shuaran nakitiakka nuka wáitriniaiti. Kame Yus shuaran tuke wainnia nuna aneachkuṉka ¿itiurak Yusan wáinchasha aneat?

1 Jṉ. 5:9

Aents étserainiakui ántureaji. Nuna naṉkaamas Yus ni Uchirí̱n tana nu nekas anturkatniuitji.