Juaṉ 5:35 - Yus Papí: Shuarja̱i̱ Yus Yamaram Chicham Najanamu

³⁵ Kame Wínian etserturna nuka Juáṉnaka naṉkakaiti. Winia Apar takastinian surusua nuna takaakun Winia Apar akupkámuitiaj núnaka Wi túrajna nuke Wínianka étserui.

Juaṉ 5:35 Iomraidhean Croise

2 Sam. 21:17

Túrasha Sarwia uchirí̱ Awishái ayamprak ijiú mámiayi. Nuya̱ṉka Tawitia aentsri̱ nekas túrattaji tusa chicharainiak “Ju̱ya̱ṉka yamaikia ámeka mesetnumka íiji̱a̱i̱ṉkia atakka peṉké jíinkishtatme, warí ame jákmeka Israer shuara shiripkiri̱ya̱ núnisaitmena nú kaji̱nkiamniaiti” tiármiayi.

Jiin. 34:35

Núnisaṉ Israer shuar Muisaisa yapi̱n iisar jíitsumir nekapenakui Muisais ni yapi̱n tarachji̱a̱i̱ nukumiayi. Tura Uunt Yusja̱i̱ chichastajtsa weemam núkumakuk pujúu wémiayi.

Tan. 12:3

Núnisaṉ aents neka ainia nuka nayaimpiji̱a̱i̱ métek wínchar ajartatui. Tura untsurí aentsun péṉker túratniun jintintiáinia nuka yaaja̱i̱ métek tuke amutsuk keartatui.

Mat. 11:11

Nekasan tájarme, shuar imiakratin Juaṉja̱i̱ naṉkaamas uunt atsuwiti. Tuma ai̱ṉ Yus akupeamunam pachinia nu shuarnaka, nekasmianchancha, Juaṉja̱i̱ naṉkaamas shiir enentáimtustiniaiti. Tuma asamtai nui̱ pachinkiatin enentáimpratarum.

Mat. 21:26

Kame ‘shuar akupkaiti’ tákurkia aents ashamainiaji. Warí Juaṉka Yúsnan etserniuiti tuíniatsuk ashí aentska” tiármiayi.

Mar. 1:5

Anturkatai tusar ashí Jutanmaya̱ shuar tura Jerusaréṉnumia̱ shuarsha Nin tariarmiayi. Taar ni yajauch túramun etsertumakarmatai Juaṉ Jurtannum imiainiarmiayi.

Mar. 6:20

Juaṉsha tuke enentáiji̱a̱i̱ Yusa jinti̱n wekainiuyayi. Irutis, ni esetar enentáimniun neka asa Juáṉkan ashamak Jirutías wakeramuri̱n túrawa̱i̱ṉ tusa suritkiamiayi. Kame Irutis Juaṉ étserman nékachuitiat antuktinian wakerimiayi.

Ruk. 7:28

Nekasan tájarme, Yúsnan etserin Imiakratin Juaṉja̱i̱ naṉkaamas uunt atsuwiti. Túmaitiat Yus akupeamunam páchinia nu shuarka nekas imianchaitiat, Juaṉja̱i̱ naṉkaamas átatui” tímiayi.

Juaṉ 6:66

Nuya̱sha ni nemarniuri̱ untsurí armia nu Jesusan ikiukiar atakka Niji̱a̱i̱ wekasacharmiayi.

2 Pit. 1:19

Tura núna naṉkaamas ti nekasa nu, Yúsnan etserin yaunchu etserkarmia nusha nékaji. Ju̱ étserma ju̱sha tsawant tsawa̱tsa̱i̱ṉ kiritniunam ji keak tsáapin awajeana áintsaṉ asamtai péṉker enentáimta asarum péṉker túrarme. Tura Kristu taa Yáṉkuam etsantea núnisaṉ atumí enentái̱n ashí paant awajsattawai. Tura nu tsawant jeatsa̱i̱ṉ nu étserma tuke péṉker enentáimtustarum.