Juaṉ 5:34 - Yus Papí: Shuarja̱i̱ Yus Yamaram Chicham Najanamu

³⁴ Túrasha wi yáitiaj núnaka aentsun ujaktinian atsumatsjai. Antsu Wi tájana nuka átum uwemprakᵘ tusan tájarme.

Juaṉ 5:34 Iomraidhean Croise

Ruk. 13:34

¡Jerusaréṉnumia̱tiram, Yúsnan etserin máiniaitrume tura Yus akatar akuptúrmakmania nusha kayaja̱i̱ tukurum máiniaitrume! Tuma ai̱ṉ atash ni uchirí̱n etektana núnisnak Wisha wéartajtsan wakerimjiarme túrasha nakitramarme.

Ruk. 19:10

Wisha Aents Ajasu asan meṉkakaru ainia nuna e̱a̱kan uwemtikrartaj tusan táwitjiai” tímiayi.

Ruk. 24:47

Winia náarun pachisar Jerusaréṉnumia̱ naṉkama ashí nuṉkanam nu chicham etsernaktinia nu áarmauyayi. Shuar ni yajauch túrunamuri̱ tsaṉkurnarat tusar enentái̱n yapaji̱átniuiti. Tura tu etserkatniua nusha yaunchu áarmauyayi.Mks. 1:11

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 5:32

Chikicha Wínian etserturna nu awai. Ni chichame̱sha imiá nekasaiti.

Juaṉ 5:41

Shuar Winia shíiraiti turutainiakuisha núnaka páchiatsjai.

Juaṉ 8:54

Tutai Jesus “Wiki shiir enentáimtumaknaka peṉké antraiti. Antsu Winia shiir enentáimturna nu winia Aparuiti. Nusha átumka ‘winia Yúsruiti’ tárumna nuiti.

Rum. 10:1

Yatsuru, Israer shuar uwemprarat tusan ti wakerakun Yusan áujtajai.

Rum. 10:21

Tura Israer shuaran áujmatuk “Tuke iniaitsuk Wini̱ṉ winiarti tusan nu shuaran untsúajai. Tura nakitruiniak umirtuiniatsui” tímiayi. Isa. 65:2

Rum. 12:21

Yajauch nupettamka̱i̱ṉ. Antsu péṉker túrakum yajauchia nu nupetkata.

Rum. 3:3

Kame chíkich chíkich umichu áiniakui Yus tsaṉkatkamia nuna nú shuaran súsachmataiṉkia nuikia “Yus umichuiti” ¿títinkiait?

1 Kur. 9:22

Yusja̱i̱ katsua̱rchasha tí peṉker Yus shuar ajasárti tusan wisha katsua̱rcha áintsaṉ ajai. Chíkich chíkich shuarja̱i̱ métek ajajai ishichkisha Yus shuar ajasárti tusan.

1 Tim. 4:16

Túramna nusha tura unuiniamna nusha péṉker wáinmamkata. Nu túratin pimpikip. Nu túrakmeka uwemprattame amesha tura ujainiam nusha uwemtikrattame.

1 Jṉ. 5:9

Aents étserainiakui ántureaji. Nuna naṉkaamas Yus ni Uchirí̱n tana nu nekas anturkatniuitji.