Juaṉ 5:30 - Yus Papí: Shuarja̱i̱ Yus Yamaram Chicham Najanamu

³⁰ “Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Juaṉ 5:30 Iomraidhean Croise

Naṉ. 18:25

Kame yajauchi túrichu yajauchin túrinji̱a̱i̱ métek máchminiaitmena núnaka nekas nékajai. Tura péṉkera túrinia nu yajauchi túrinji̱a̱i̱ ¿métek sumamtikiamniakaitiam? Ashí nuṉkanmaya̱ aents Sumamtikin asam ¿péṉkera nu túrashtatmek?” tímiayi Aprajám.

Isa. 28:6

Núnisaṉ sumamtikin ainia nuna nekatairi̱ṉkia tura pepru wá̱i̱ti̱a̱i̱ri̱n ni nemasri̱ waya̱a̱wara̱i̱ṉ tusar ayampruinia nuna kakarmari̱sha Yusak átatui.

Sup. 3:15

Ame asutniátniurmin Jiuwá jurutrámsaiti. Ame nemasrumnia̱sha ji̱i̱r akupraruiti. Jiuwaka Israera akupniúri̱ amiin pujawai. Áminkia atakka warí itiurchatkesha tarutrámchattawai.

Mat. 26:39

Tinia Jesus arantach we nui̱ tikishmar tsuntsumá Yusan áujeak chichaak “Winia Aparu, Wi túrunatniua nu nusháa iwiaramniaitkiuiṉkia ju̱ wáitsatniua nu tsaṉkatrukaip. Tura Wi wakeraj núniska áchati antsu Ame wakeram núnis atí” áujuk tímiayi.

Juaṉ 14:10

Winia Aparja̱i̱ tsaniṉkian pujakun tura winia Aparsha Wiji̱a̱i̱ pujakui tuke chikichkitji. ¿Nu nékatsrumek? Wi tájarmena nu Winia chichampruchuiti. Yus Apa Winí̱ pujak ni wakeramun takaawai.

Juaṉ 17:4

Ashí túratniun akuptúkmamna nuna amukuitjiai. Túran ju̱ nuṉkanam shiir awajsaitjiame.

Juaṉ 18:11

Túramtai Jesus Pítrun chicharuk “Machitrumka awaiṉkim ikiusta. ¿Winia Apar piniṉnum wáitsatniun surakuiṉkia umarchattajak?” tímiayi.

Juaṉ 4:34

Tuíniakui Jesus áimiuk “Winia akuptúkua nuna wakeramuri̱n túrakun tura Ni takatrí̱ amuktinia nuiti Winia yurumkarka.

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 8:28

Tuma asamtai chicharainiak “Aents Ajasuitjiana ju̱, numiniam ajintruarum yakí̱ takuriakrumin núja̱i̱ṉkia nekarattarme. Wi tájana nuitjiai tura winia enentái̱rja̱i̱ṉ takatsuk aya winia Apar unuitiurmanak tajai.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

Juaṉ 8:50

Wikia ‘shiir enentáimturarti’ tátsujai túrasha Yuska ashí shuar Winia shiir enentáimturat tusa wakerawai. Nisha Yus asa ashí shuar túramun péṉkerashit tusa nekaattawai.

Rum. 15:3

Krístusha ni wakeramun túrachmiayi. Antsu Yus Chicham tana núnisaṉ chikichnan enentáimtusmiayi. Nu asamtai Yusan umirin asa wáitiak timia nu áarmaiti “Ámin katsekramainiak Winiaja katsekrukarmiayi.” YKan. 69:7,9,20

Rum. 2:2

Yuska nu tunaan túrin ainia nuna súmamtikiashtinkiait.

Rum. 2:5

Tura tunaarum enentáimtutsuk tuke túrakmeka sumamtikiatin tsawantai̱ ti tunáa irutmampramuja̱i̱ ti asutniáttame.