Juaṉ 5:28 - Yus Papí: Shuarja̱i̱ Yus Yamaram Chicham Najanamu

²⁸ ‘Ju̱ chicham itiurchataiti’ enentáimprairap. Tsawant jeattana nui̱ṉkia ashí jákaru ainia nuka Wi untsumman antukartatui.

Juaṉ 5:28 Iomraidhean Croise

Isa. 26:19

Áminiu jákaru ainia nuka ataksha iwiaaku ajasártatui. Maa nuṉká matsatrumna nútirmeka shintiarum kantamátarum. Maa Wí shuar árumna nútirmeka Ame pujutái̱rmin waya̱ta. Winia kajetair naṉkaamam ú̱mkatarum. Yajauchiri̱n asutiáwartaj tusa pujutái̱ri̱ya̱ Uunt Yus jiiniui. Núṉkaka maamu ainia nuna numpe̱n tura aya̱shi̱ncha peṉké ú̱kchattawai.

Tan. 12:2

Ántsaṉ ti untsurí jákarusha iwiarsamunmaya̱ nantakiartatui. Chíkichkia tuke iwiaaku pujustinian tura chíkichkia natsanmai̱ ajakar tuke wáitsatniunam wéartinian nantakiartiniaiti.

Use. 13:14

Seura kakarmari̱ya̱ ata̱i̱ttiajrume, jákatniunmaya̱ uwemtikrattajrume. Jatái̱yá, emestairmesha ¿itiurkamea? Seurá, ame ijiukrattairmesha ¿itiurkamea? 1 Kur. 15:54-55 Wi enentáimmiaka peṉké yapaji̱áchminiaiti.

Juaṉ 3:7

Wi ‘atak yamaram akiiniatniuiti’ takui̱ itiurak túrunataj tu enentáimsaip.

Juaṉ 4:21

Jesus chicharuk “Nawantru nekaata. Tsawant jeatémai Yus Apa tikishmátratin aya jú̱ nainniumkechu núnisaṉ aya Jerusaréṉnumkesha áchattawai.

Juaṉ 4:23

Tsawant winittiana nu yamái jeayi. Ashí shuar Yus Apan nekas tikishmátainiakka wakaní̱ji̱a̱i̱ nekas enentáimtusar awajitsuk tikishmátrartatui. Tímiatrusar tikishmátrurat tusa Yus Ápaka wakerawai.

Juaṉ 5:20

Ni Uchirí̱ asamtai Winia Apar anentui. Ashí túraj nuna iniakturui túrasha Wi túratniunka nuna naṉkaamas tujintkiachminian iniaktursattawai. Atumsha Wi nuna túrakui nekas ashamkattarme.

Juaṉ 5:25

Tí nekasan tájarme. Tsawant átatna nu jeayi. Nu tsawant jaka ainia nu Yusa Uchirí̱ untsumman antukar iwiaaku ajasártatui.

Tur. 24:15

Tura jakaasha nantaktin átatui, tajai. Warí, péṉker aents nútiksaṉ yajauch aentssha nantakiartatui imia Israer shuar tuíniatsuk. Tura wisha nútiksanak túrunatniuiti tajai.

Tur. 3:12

Aents káunkarun Pítiur wainiak chicharuk “Israer shuartiram, ¿urukamtai winiasha imiá íirum? ¿Iisha péṉker asarikⁱ tsuarmajⁱ? ¿Ii kakarmari̱ji̱a̱i̱ṉkik ewekámsamajⁱ?

Jir. 3:21

Ni taa ii yajauch aya̱shi̱n yapaji̱á ni aya̱shí̱ji̱a̱i̱ métek ti shiir awajsattawai. Ashí úunt akupin ajas nu kakarmaja̱i̱ túrutmattaji.

Apu. 20:12

Tura túrunatsa̱i̱ṉ nayantsanam jákarua nusha jíinkiarmai. Núnisaṉ iwiarsamunam jaka pujuinia nusha jíinkiarmai. Tura jákaruncha, naṉkamantu arma nunasha tura peṉké shuar arma nunasha ashí wainkiamjai. Tura Yusai̱ naka wajaarmai. Nuyá̱ ashí shuar túramu aakma papí urantrarmai. Tura nu papinium aarma nuja̱i̱ métek ashí ni túramuri̱ paant nékaneakui súmamtiknawarmai. Tura chíkich papisha tuke iwiaaku pujustin papí urankamai.