Juaṉ 5:26 - Yus Papí: Shuarja̱i̱ Yus Yamaram Chicham Najanamu

²⁶ Iis, Winia Apar iwiaaku awajsatniun ímia Niṉki takakui. Tura Winiasha ni Uchirí̱ asamtai iwiaaku awajsatniun surusuiti.

Juaṉ 5:26 Iomraidhean Croise

YKan. 36:9

Núnisaṉ tuke pujustin sukartinmeka Ameketme. Tuma asam ame tsáapnintrumsha ii enentái̱n tsáapniawai. Jṉ. 4:14

YKan. 90:2

Náintiash najana apujtsuk nuṉkasha tura ashí nui̱ irunainia nusha najantsuk yama náṉkamtaikniumia̱sha yáunchusha yamaisha tuke pujú Yúsaitme. Isa. 41:4; Apu. 1:11; 22:13

Jiin. 3:14

Tutai Yus Muisaisan aya̱k “WIKIA WÍKITIAJ NUITJIAI. Tuma asamtai Israer shuar ininmainiakuisha ‘WIKIA WÍKITJIAI’ tumamna nu akuptúkai tiartá” tímiayi.

Jrm. 10:10

Tura Uunt Yuska nekas Yúsaiti. Niṉkia iwiaaku Yúsaiti tura úunt akupin tuke pujuwiti. Ni kajekmataikia nuṉka muchitiawai. Tura uunt nuṉka mátsatka ainia nuka Ni suíri̱n katsuntrachmin áiniawai.

Juaṉ 1:4

Iwiaakmaka Niin amai. Nu iwiaakmaka aentsu tsáapintri̱nti. Nu tsáapninkia Yusna nuna ashí shuaran paant nekamtikiamniaiti.

Juaṉ 10:18

Wi wakerakun jakattajai. Wi wakerachkuiṉkia chíkichkia mantuachminiaiti. Jákatniuncha tura nantaktinniasha winia Apar surusuiti” tímiayi Jesus.

Juaṉ 11:25

Tutai Jesus chichaak “Iwiaaku átinia nérentin asan Wikia iniantkiartiniaitjiai. Winia enentáimturna nuka jakasha nantaktiatui.

Juaṉ 11:26

Tura ashí iwiaaku pujana nusha Winia enentáimturuka túkeka jákashtatui. ¿Nu nekasaiti tu enentáimtamek?” tímiayi.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 4:10

Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 6:57

Iwiaaku Yus Apa Winia akuptúkua nuna iwiaakmari̱ji̱a̱i̱ iwiaaku pujajna núnisaṉ Winia yurakka winia iwiaakmarui̱ iwiaaku pujustatui.

Juaṉ 8:51

Ti nekasaiti. Wi tájana nuna enentáimta nú shuarka peṉké jákashtiniaiti” tímiayi.

Tur. 17:25

Nisha aents yaintkiat tusa atsumatsui. Warí, imia niṉki Nisha ii iwiaakmari̱n, ii mayattairi̱ncha tura ashí írunna nunasha súramtsujik.

1 Kur. 15:45

Yus Papinium nuní̱ áarmaiti “Emka áishmaṉ ni naari̱ Ataṉ, aents ajas iwiaaku ajasmiayi.” Naṉ. 2:7 Ukunmaṉka yamaram Ataṉka áintsaṉ Kristu, wakan asa ashí aentsun nekas iwiaaku átinian susamniaiti.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Tim. 6:16

Iwiaaku átinia nérenniuri̱ Níṉkiti. Ti tsáapninium pujakui nuntumtuachminiaiti. Wáinchatai asamtai shuar peṉké wáinkiacharu áiniawai. Niṉki ashí shiir awajsatniuiti tura Niṉki tuke ashí akupin atí. Núnisaṉ atí.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.