Juaṉ 5:25 - Yus Papí: Shuarja̱i̱ Yus Yamaram Chicham Najanamu

²⁵ Tí nekasan tájarme. Tsawant átatna nu jeayi. Nu tsawant jaka ainia nu Yusa Uchirí̱ untsumman antukar iwiaaku ajasártatui.

Juaṉ 5:25 Iomraidhean Croise

Ruk. 15:24

Warí, ju̱ winia uchir jakaapitia tu enentáimsamjai. Túrasha iwiaakui. Meṉkakama nuna wainkiajai’ tímiayi. Nuiṉkia ti warasarmai.

Ruk. 15:32

Tura ame yátsum jákaiti tu enentáimsamiaj nu iwiaakuiti. Meṉkaka nu yamaikia wainkiaji. Tuma asamtai námper najanar waraschatniukaitiajⁱ timiai’” tímiayi.

Ruk. 9:60

Tutai Jesus chichaak “Jakaa ainia nu ni shuari̱n iwiarsatniunka enentáimtusarti. Tura ámeka weme Yus akupeamu urukukit nu etserkata” tímiayi.

Juaṉ 13:1

Paskua namper jeatin chikichík tsawant ajasmatai Jesusa tsawantri̱ jeatémayi. Túramtai ju̱ nuṉkan ikiukí̱ ni Aparí̱i̱n wétiniuyi. Jesussha nuna nekaamiayi. Ashí Níniun ju̱ nuṉkanam pujuinian tuke anea asa amúamunmasha yapají̱tsuk tuke aneemiayi.

Juaṉ 17:1

Nuna ti Jesus nayaimpinmaani̱ íimias áujeak “Aparu, yamái jeayi ame Uchiram shiir awajsatin. Túrawakmin ame Uchirmesha péṉker awajtámsamniaiti.

Juaṉ 4:21

Jesus chicharuk “Nawantru nekaata. Tsawant jeatémai Yus Apa tikishmátratin aya jú̱ nainniumkechu núnisaṉ aya Jerusaréṉnumkesha áchattawai.

Juaṉ 4:23

Tsawant winittiana nu yamái jeayi. Ashí shuar Yus Apan nekas tikishmátainiakka wakaní̱ji̱a̱i̱ nekas enentáimtusar awajitsuk tikishmátrartatui. Tímiatrusar tikishmátrurat tusa Yus Ápaka wakerawai.

Juaṉ 5:21

Winia Apar jakamunmaya̱n iwiaaku ajasat tusa Ni wakerana nuna inianteatsuk. Núnisnak ni Uchirí̱ asan Wi wakeraj nuna iwiaaku awajsámniaitjiai.

Juaṉ 5:28

‘Ju̱ chicham itiurchataiti’ enentáimprairap. Tsawant jeattana nui̱ṉkia ashí jákaru ainia nuka Wi untsumman antukartatui.

Juaṉ 6:60

Jesusa unuiniamuri̱ nu chichaman antukar untsurí chicharainiak “Ni tana nu ti itiurchat asamtai ¿yaki anturka̱i̱ṉ?” tiármiayi.

Juaṉ 8:43

¿Urukamtai Wi tájana nu imiá nékatsrum? Wi tájana nu nakitia asarum winia chichamur ántatsrume.

Juaṉ 8:47

Yus shuarka Yus timian ántawai tura átum Yúsnachu asarum Wi tájana nu nakitiarme” tímiayi.

Juaṉ 9:27

Nisha chichaak “Yaunchu tájarme tura anturtatsrume. ¿Urukamtai ataksha ujakat tusarmesha wakerarum? ¿Nuiṉkia Niniu ajastin enentáimprumek?” tímiayi.

Rum. 6:4

Tura imianir Krístuja̱i̱ jaka áintsar métek iwiarnasuitji. Tura Yus ti kakaram asa Krístun jakaan iniantkímia núnisaṉ iincha nu kakarmaja̱i̱ yamaram enentáiji̱a̱i̱ péṉker wekasatniun iniantamkimiaji.

Ipi. 2:1

Átum yajauch túrakrum tunaanum tuke wekaakrum Yusai̱ya̱ kanakin asarum jákauyarme.

Ipi. 2:5

Tuma asa ii tunaanum tuke jaka pujarni̱ṉ Krístuja̱i̱ métek iwiaaku awajtámsamiaji. Aya ti anenkartin asa uwemtikrampramiaji.

Ipi. 5:14

Nu asamtai Yus Papinium tawai “Kanaruitme nu shintiarta. Jakamunmaya̱ nantaktia. Tura Kristu tsáapin awajtúrmastatui.” Isa. 60:1

Kurs. 2:13

Nuikkia átumsha tsupirnatsuk atumí tunaarí̱ tuke akui atumí wakaní̱i̱n jákauyarme. Tura yamaikia Jesukrístuja̱i̱ tsaniṉkiu asakrumin Yuska atumí tunaarí̱ tsaṉkur yamaram iwiaakman suramsaitrume.

Apu. 3:1

Nuyá̱ turutmiai “Sártisnumia̱ Yus shuara uuntri̱ ju̱ áatrata. Siati Yusa Wakaní̱n takakna nu tura núnisaṉ siati yaan takakna nu, tawai ‘Ashí ame túram nuna nékajai. Iwiaakua áintsaṉ wekayatmek Wíji̱a̱i̱ṉkia jákaitme.