Juaṉ 5:23 - Yus Papí: Shuarja̱i̱ Yus Yamaram Chicham Najanamu

²³ Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Juaṉ 5:23 Iomraidhean Croise

YKan. 2:12

Kajekmatai wárik jáka̱i̱j tusarum ni Uchirí̱sha shiir awajsatarum. ¡Kame ashí Nin enentáimtuinia nuka shiir enentáimias warasmin áiniatsuk!

Isa. 42:8

Wikia Uunt Yusaitjiai, Winia Naarka nuiti. Tura Winia péṉkeruncha chikichan súsashtatjai núnisaṉ Winia shiir awajtutai̱rja̱i̱ nakumka najanamu yusa nuna shiir enentáimtusara̱i̱ṉ tusan peṉké tsaṉkatkachartatjai.

Isa. 44:6

Uunt Yus Israera úunt akupniuri̱ tura ni Uwemtikin Ashí Akupin Uunt Yus jú̱nis chichaak “Witjiai Émkanka tura Náṉkatkancha. Kame chíkich Yuska atsawai aya Wíkitjiai.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Mat. 10:37

Shuar ni aparí̱n tura nukurí̱ncha Wiji̱a̱i̱ naṉkatus aneakka Wí shuar áchamniaiti. Núnisaṉ ni uchirí̱ncha tura nawantri̱ncha Wiji̱a̱i̱ naṉkaamas aneakka Winia unuiniamur ajastinniaka táasuiti.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 12:21

Tura Israer shuarchasha Nin nekas enentáimtusartatui.” Isa. 42:4

Mat. 15:8

‘Ju̱ aents ni wene̱ja̱i̱ shiir awajtuiniawai tura ni enentái̱ṉkia yajá enentáimiainiawai.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Ruk. 10:16

Atumín anturtamainiakka Winiasha anturtuiniawai. Atumín nakitramainiakka Winiasha nakitruiniawai. Tura nú arant Winia nakitrakka Winia akuptúkua nunasha nakitiawai.” Tú áujas Jesus niin akupkarmiayi.

Juaṉ 14:1

“Kúntuts pujusairap. Yus enentáimtustarum, Winiasha enentáimtursatarum.

Juaṉ 16:14

Ashí Wínian ujatmak Winia shiir awajtústatui.

Juaṉ 17:10

Ashí Winia ana nuka Áminiuiti. Tura ashí Áminiu ana nuka Wíniaiti. Winia péṉkerusha ni túramuja̱i̱ shiir awajsaiti.

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

Rum. 15:12

Isayassha áarmiayi “Tawitia aparí̱ Isái weanmaya̱ akupin akintkiáttawai. Nisha ashí nuṉkan akupeakui ashí shuar Niiniak shiir enentáimtusartatui.” Isa. 11:1,10

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

Rum. 8:9

Tura átumka aya̱sh wakeramu umirtsuk tura Yusa Wakaní̱ pujurtamkurmin ni wakeramu enentáimtiniaitrume. Ashí shuar Krísturtin ainia nu ni Wakaní̱n takaku áiniawai. Takakchaitkiuṉka nuikia Krístunuchuiti.

1 Kur. 1:3

Yus ii Aparí̱ tura ii Uuntri̱ Jesukrístusha waitnentramainia ásar yaintmakarti tuke aṉkant shiir pujustinian.

1 Kur. 10:31

Ayu, yúakmesha úmakmesha ashí túramna nusha ashí shuar Yusan shiir enentáimtusarat tusam túrata.

1 Kur. 16:22

Ii Uuntri̱ Jesukrístun aneachuka yajauchiniam yumiṉkramu atí. Ii Uuntri̱yá, wari tatá.

1 Kur. 6:19

Yusa Wakaní̱ ame enentáimin pujurtamu asamtai ame aya̱shim ni je̱e̱nte. Nu Wakanniaka Yus amasuiti. ¿Nuka nékatsrumek? Tuma asamtai ame aya̱shim nérenchaitme.

2 Kur. 1:9

Nu itiurchatnumia̱ “iwiaaku jíinkishtatji” tu enentáimsamji. Túrasha “iikia tujinchaitji” tu enentáimtumatsuk antsu jakamunmaya̱n inianniua nú Yusan enentáimtusarat tusa nu túrunamji.

2 Kur. 13:14

Uunt Jesukrístu waitnenkartutairi̱, Yusa aneṉkrattairi̱sha atumíin pujurtamsati. Tura Yusa Wakaní̱sha tuke nemartamsarti. Nu atí.

2 Kur. 5:14

Kame ashí ii túrajnia nu Kristu aneṉkrattairi̱ji̱a̱i̱ túraji. Kame ju̱ nékaji, Kristu ashí shuaran jaruku asamtai Yus íimmianum ashí iisha jaka núnisaitji.

2 Kur. 5:19

Yuska iin tunaarinniutin asutiámatniun nakitiak Krístuja̱i̱ nawampramkamiaji. Tura iincha Yus shuartin nu ujaktinian ataktamsaitji.

Ipi. 6:24

Ashí ii Uuntri̱ Jesukrístun tuke enentái̱ji̱a̱i̱ aneana nuna Yus shiir yaiṉtí. Nuke atí.

2 Tim. 1:12

Túruta asamtai ti wáitiajai. Túrasha Yusan nekas enentáimta asan natsaamatsjai. Imiá kakaram asa amuukatin tsawant jeatsa̱i̱ṉ ashí wínian susamaj nuna tí peṉker waitruktatui.

Isr. 1:6

Tura jú̱ nuṉkanam ni Iwia̱i̱ri̱n akupeak tímiayi “Ashí Yusa suntari̱ tikishmátrarti.” YKan. 97:7; 1 Pit. 3:22

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.

1 Jṉ. 2:23

Yusa Uchirí̱n nakitiáinia nu Yus Apaja̱i̱sha tsaniṉ pujatsui. Tura Yusa Uchirí̱n shiir awajea nu, Yus Apaja̱i̱sha tsaniṉ pujawai.

2 Jṉ. 1:9

Ashí shuar Kristu jintíamun iniais “naṉkaamas nékajai” tana nu, Yúsnachuiti. Antsu Kristu jintíamun umíana nu shuar Yus Apaja̱i̱sha tura ni Uchirí̱ji̱a̱i̱sha mai̱ tsaniṉ pujawai.