Juaṉ 5:10 - Yus Papí: Shuarja̱i̱ Yus Yamaram Chicham Najanamu

¹⁰ Tuma asamtai Israer shuar shiir ajasún chicharainiak “Yamái ayampratin tsawantaiti. Peakrum júkishtiniaitme” tiármiayi.

Juaṉ 5:10 Iomraidhean Croise

Isa. 58:13

“Ayamtai̱ tsawant arantakum Winia tsawantur akantúkma nui̱ ame wakeramuk túrachkumka tura Sáwarsha shiir tsawantaiti Uunt Yus akantúkar arantúkma awajsamuiti tusam enentáimtakum ame wakeramuk wekatutsuk núnismek ame enentáimmiak e̱a̱chkumka nuyá̱ ame wakeramuk chichachkumka

Mat. 12:10

Nui̱ shuar uwejé̱ jaka ámiayi. Tura Jesusan ántar nekapsatai tusa wakeruinia ásar anintruiniak “¿Ayampratin tsawantai̱ jaa shuar tsuárminkiait?” tiármiayi.

Mar. 2:24

Nuna wáinkiar Pariséu Jesusan chicharainiak “¿Warí, urukamtai ame unuiniamuram ayampratin tsawant takastin surimkiamu ai̱sha takainia?” tiármiayi.

Mar. 3:4

Nuiṉkia mamikmaun chicharuk “¿Ayampratin tsawantai̱ péṉker túratin yajauch túratniuja̱i̱ túa imiá péṉkerait. Shuar uwemtikratin mátniuja̱i̱ túa imiá péṉkerait?” tímiayi. Nuna takui̱ nisha pachischarmiayi.

Ruk. 13:14

Tura Jesus ayampratin tsawantai̱ tsuaru asamtai Iruntai̱ Je̱a̱ uuntri̱ kajek iruntrarmia nuna chicharainiak “Sais tsawant takaschatniukait. Ayampratin tsawantai̱ tsuámartaj tusarum táchatniuitrume. Sais tsawant ana nui̱ tátiniaitrume” tímiayi.

Ruk. 23:56

Iisar ikiuak ni je̱e̱n waketkiarmiayi. Tura Jesusa aya̱shi̱ meje̱e̱ni̱ṉ tusar kuṉkuinian iwiararmiayi. Tura ayampratin tsawantai̱ Israer shuar akupkámun umikiar ayamprarmiayi.

Ruk. 6:2

Nuna túruiniakui Pariséusha chichainiak “Maa atumsha ayampratin tsawant takaschatniua nui̱ ¿urukamtai takaarum?”

Juaṉ 1:19

Jerusaréṉnumia̱ Israer shuar Yúsnan pujurniuncha Riwí shuarja̱i̱ Juaṉkai̱n yákit tusar akupkarmiayi.

Juaṉ 5:11

Áishmaṉsha chichaak “Winia tsuara nu peakrum jukim wetá turutní̱” tímiayi.

Juaṉ 5:15

Nuiṉkia áishmaṉsha tsuarama nuka Jesusaiti tusa Israer shuaran werí ujakmiayi.

Juaṉ 5:16

Núnaka ayampratin tsawantin tura asamtai Israer shuar Jesusan maatai tusar patatiarmiayi.

Juaṉ 7:23

Wátsek Muisais akupkámu uminkiati tusarum ayampratin tsawantai̱sha uchi áishmaṉ tsúpiriatrumsha ¿urukamtai Wi ayampratin tsawantai̱ áishmaṉka aya̱shí̱ takamtsuk tsuármatai kajertarum?

Juaṉ 9:16

Nuyá̱ chíkich Pariséu shuarnumia̱ nuamtak tunainiak “Ju̱na tsuáruka Yusai̱ya̱nchuiti. Kame ayampratin tsawantai̱ túraiti” tiármiayi. Tura chikicha “Yajauch túrin shuaraitkiuiṉkia jú̱nisaṉ túratniun tujintkia̱a̱yi” tiármiayi. Nuja̱i̱ akannáikiarmiayi.