Juaṉ 4:5 - Yus Papí: Shuarja̱i̱ Yus Yamaram Chicham Najanamu

⁵ Tuma asa Jakup ni uchirí̱n Jusen nuṉkan yaunchu susamia nui̱ tíjiu̱ch Samarianam Sekar péprunam jeamiayi.

Juaṉ 4:5 Iomraidhean Croise

Naṉ. 33:19

Nui̱ Jamura uchirí̱ nuṉke̱n jutai̱ je̱a̱n je̱a̱mmia nunak sian kuitji̱a̱i̱ sumakmiayi. Jamurka Sekimia aparí̱nti.

Naṉ. 48:22

Winia puya̱ruja̱i̱ tura tíshimkiurja̱i̱ Amur aentsja̱i̱ mánaikian atantkimiaj nuna amaajai. Nuja̱i̱ yatsumja̱i̱ṉkia ámin imiá nukap súajme” tímiayi.

1 Akup. 13:32

Warí Pitirnum áestutai̱ ana nuna tura Samaria péprunmasha ashí naint najankamu yus enentáimtutai̱ írunna nuna túrunatniuri̱ Uunt Yus akupkam nú aishmaṉ timia nuka nekas uminkiattawai” tímiayi.

Ruk. 9:52

Wesa kanartinian wáinkiarat tusa akatar émtikiarmiayi. Tura nisha Samarianam jeawarmiayi.

Juaṉ 4:12

Nuikia ¿amek nekaska ii uuntri̱ Jakupja̱i̱ṉkia naṉkaamas úuntaitiam? Warí ¿níṉkichuk ju̱ taurma yumirmatnasha ikiurtámkimiajⁱ? Nuyá̱ nisha tura ni uchirí̱sha núnisaṉ waakarí̱sha ju̱ya̱ṉkechuk umararmia” tímiayi.

Juaṉ 4:39

Tura “Wi túramun ashí ujatkayi” nuwa̱ takui̱ Samarianmaya̱ shuar nu péprunam matsatainiasha untsurí Jesusan nekas enentáimtusarmiayi.

Juaṉ 4:6

Nui̱ Jakupa taurma yumirmatri̱ ámiayi. Tutupin ai̱ Jesussha pimpiki̱ winiá asa yumirmat ayamach pujusmiayi.

Juaṉ 4:8

Kame Jesusa unuiniamuri̱ṉkia yurumkan sumaktaj tusar péprunam wéaru ásarmatai nui̱ṉkia Jesusak pujumiayi.

Jus. 24:32

Israer shuarsha Jusé ukunchi̱n Ejiptunmaya̱n itiamun Sekimnum Jamura aentsri̱ nuṉke̱n Jakup sian kuitji̱a̱i̱ sumakmia nui̱ iwiarsarmiayi. Jamurka Sekima aparí̱yayi. Tura ukunam nu nuṉkanmaṉka Jusé uchirí̱ matsamkarmiayi.