Juaṉ 4:46 - Yus Papí: Shuarja̱i̱ Yus Yamaram Chicham Najanamu

⁴⁶ Nuyá̱ Jesus Kariréanam Kaná péprunam Jesus entsan winiu awajsámia nui̱ atak támiayi. Jesus nui̱ pujái̱ Kapernáumnumia̱ akupniu takarniúri̱ uchirí̱ jaa tepemiayi.

Juaṉ 4:46 Iomraidhean Croise

YKan. 50:15

Itiurchat pujakum untsurkata. Túrutawakminkia uwemtikrattajme. Tura ámeka shiir awajtústatme.

YKan. 78:34

Kame Yus amuiniamka Niin enentáimtuiniak ti seawarmiayi.

Use. 5:15

Nuyá̱ Winia pujutái̱rui̱ waketkin ni tunaari̱n nekamawar iniainiachkui tuke nákastatjai. Túrasha ti waitiainiak e̱a̱tkartatui.

Mat. 15:22

Tura Kanaannumia̱ nuwa̱ Jesusan tarí chicharuk “Uuntá, úunt akupin Tawit ame we̱a̱trum asamtai winia waitnentrurta. Nawantur yajauch wakantruku asa tí waitrutawai” tímiayi.

Mat. 4:13

Tura Nasarétnum pujutsuk Kapernáumnum we pujusmiayi. Kapernáumsha Kariréa antumiaṉka kaanmatkari̱n pujumiayi. Tí yaunchusha Jakupu uchirí̱ Sapurúncha tura Neptarísha nu nuṉkanak nui̱ pujustaitsar achikiáruyayi.

Mat. 9:18

Jesus chicháa pujái̱ Israer shuara uuntri̱ Jesusan tarí tikishmátar chicharuk “Winia nawantur jarutkayi. Ame winim uwejmiji̱a̱i̱ antintrukakminkia nantaktiatui.”

Ruk. 4:23

Tu enentáimiainiakui Jesus chicharuk “Atumsha shuar tuke tuinia núnisrumek ‘tsuákratniuitkiumka amek tsuámarta’ turuttiatrume. Kapernáumnum aentsti túrachmin túramamna núnismek ju̱i̱sha túrata tusarum nu turuttiatrume.

Ruk. 7:2

Nui̱ Rúmanmaya̱ suntara uuntri̱ pujumiayi. Nu uuntri̱ takarniúri̱ ti aneamuri̱ jakamnia jáamiayi.

Ruk. 8:42

Ni nawantri̱ chikichik amia nu tuse uwí takaku jakatajtsa pujakui nuna tímiayi. Jesus “ayu” tinia wéakui ti untsurí aents nemariarmiayi. Tura untsurí shuar kae̱ ajas weena ásar chanuawarmiayi.

Juaṉ 2:12

Nuna tura ikiuak Kapernáumnum wémiayi. Ni nukurí̱sha ni yachi̱sha ni unuiniamuri̱sha nemariarmiayi. Nui̱ṉkia untsurí tsawantka pujuscharmiayi.

Juaṉ 21:2

Semuṉ Pítrusha Jímiampramu Tumassha Kariréanmaya̱ Natanaérsha Sepetéu uchirí̱sha tura chíkich jímiar unuiniamuri̱sha métek iruntrar pujuarmiayi.