Juaṉ 4:36 - Yus Papí: Shuarja̱i̱ Yus Yamaram Chicham Najanamu

³⁶ Arakan juwaka akikmaiti. Tura tuke iwiaaku pujustin neren juwiniawai. Nuja̱i̱ arakan araana nusha tura juwana nusha mái̱ metek warasartatui.

Juaṉ 4:36 Iomraidhean Croise

Neka. 11:18

Yusan enentáimtichua nuna túrutairi̱ṉkia ántraja̱i̱ akikma áiniawai. Antsu nekasa nuja̱i̱ túrinia nuka ukunam amukachminia nuja̱i̱ akinkiáttawai.

Neka. 11:30

Péṉker enentáimin túrana nu numi nereana núnisaṉ iwiaaku átinian nereawai. Ántsaṉ Yusna átinian jintintiáinia nu nekas nékaiti. Mat. 7:17-20; 12:33-35; Ruk. 6:43-45

Tan. 12:3

Núnisaṉ aents neka ainia nuka nayaimpiji̱a̱i̱ métek wínchar ajartatui. Tura untsurí aentsun péṉker túratniun jintintiáinia nuka yaaja̱i̱ métek tuke amutsuk keartatui.

Mat. 19:29

Tura shuar ni je̱e̱ncha, yachi̱ncha, umai̱ncha, aparí̱ncha, nukurí̱ncha, nua̱ri̱ncha, uchirí̱ncha tura nuṉke̱ncha Winia anentu asa ikiukí̱ wekaakka nu shuar ni ikiukmia núnisaṉ yamaisha ti untsurí wainkiattawai tura ukunmasha tuke Yusja̱i̱ shiir pujustatui.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Rum. 1:13

Yatsuru, tuke íitjiarum tusan wakerimjiarme. Túrasha iyatsjarme. Kame Yus Chichaman ujaakun chíkich shuarnuma áintsaṉ atumíincha Yus kakaram takasman wáinkiatniun wakerajai.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

Rum. 6:23

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

1 Kur. 9:17

Wakerakun étserkunka warasminiaitjiai. Tura nakitiaknasha tuke Yus surusmanka umiktiniaitjiai.

1 Kur. 9:18

Tura ju̱ja̱i̱ antsu nekas warasminiaitjiai. Wi túramnian iniaisan chikichnan takatsuk aya winia kuítruja̱i̱ṉ uwempratin chichaman étserjai. Nuja̱i̱ warakun akikma áintsaṉkete.

1 Tis. 2:19

Atumsha shiir wekasa asakrumin iisha ti shiir enentáimsar waraaji. Nu tuma asar Uunt Jesukrístu tátintri̱ shiir enentáimsar nákaji. Ni támatai imiá warastatji. Atumín Yus shuar awajsa asar Ni támatai atumsha iiji̱a̱i̱ Jesus shiir iṉkiuṉtatji. Tuma asamtai nu enentáimsar tawasap achiktinia áintsar waraaji.

1 Tim. 4:16

Túramna nusha tura unuiniamna nusha péṉker wáinmamkata. Nu túratin pimpikip. Nu túrakmeka uwemprattame amesha tura ujainiam nusha uwemtikrattame.