Juaṉ 4:24 - Yus Papí: Shuarja̱i̱ Yus Yamaram Chicham Najanamu

²⁴ Yuska Wakaniti tuma asamtai ashí Nin tikishmátainia nuka nekas tikishmátainiakka wakaní̱ji̱a̱i̱ nekas enentáimtusar awajitsuk tikishmátrartiniaiti” tímiayi.

Juaṉ 4:24 Iomraidhean Croise

YKan. 145:18

Ashí untsuinia núnaka Uunt Yuska tíjiu̱ch pujurui. Kame ashí ti nekas untsuinia núnaka pujuráiniawai.

YKan. 50:23

Winia kuṉkuinian áestureana núnis nekas enentáimias kantamprútaṉka shiir awajtawai. Tura shuar eseer wekaakka nin Yusai̱ uwemtikramun paant iniaktustatjai.

YKan. 51:17

Kame nékajai, Uunt Yus nekas wakeramuka ju̱i̱ti, taṉku áestuatniuja̱i̱ṉkia naṉkaamas tunáa shuar waantu enentáimtumatsuk tí tunaitjiai tu enentáimtumasat tusa wakerawai. Tura ni tunaari̱ji̱a̱i̱ tí kuntuts nekapeak péejchach ajasua nuka Yusru, nakitchaitme. YKan. 34:18

YKan. 66:18

Wi enentái̱rja̱i̱ṉkia tunaan aneayatnak Yusan áujsaitkiuiṉkia Uunt wíniaka anturtukcha̱a̱yi.

Juaṉ 4:23

Tsawant winittiana nu yamái jeayi. Ashí shuar Yus Apan nekas tikishmátainiakka wakaní̱ji̱a̱i̱ nekas enentáimtusar awajitsuk tikishmátrartatui. Tímiatrusar tikishmátrurat tusa Yus Ápaka wakerawai.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

2 Kur. 3:17

“Uunt” tájinia nu, Yusa Wakaniti. Uunt Yusa Wakaní̱ pujana nui̱ aṉkant ajastiniaiti.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Sam. 16:7

Túrasha Uunt Yus chichaak “Náyaitkiuisha tura ni urukuit nusha iisaip. Wikia túmanka nakitiajai. Warí Uunt Yuska aents iyá núnaka iyatsui. Aentska aya pátatek ni urukuit nunak wainiui antsu Uunt Yuska enentáin iyawai” tú tímiayi.