Juaṉ 4:23 - Yus Papí: Shuarja̱i̱ Yus Yamaram Chicham Najanamu

²³ Tsawant winittiana nu yamái jeayi. Ashí shuar Yus Apan nekas tikishmátainiakka wakaní̱ji̱a̱i̱ nekas enentáimtusar awajitsuk tikishmátrartatui. Tímiatrusar tikishmátrurat tusa Yus Ápaka wakerawai.

Juaṉ 4:23 Iomraidhean Croise

YKan. 147:11

Antsu Nin ashamainiana nuja̱i̱ Uunt Yus waraawai tura Ni waitnenkartutairi̱n nákainia nuna enentáimtuiniawai.

YKan. 17:1

Uunt Yusá nekasa nuja̱i̱ métek túramua nu anturtukta. Tura wi seammasha antukta. Kame wi anaṉmatsuk untsúajam nu émamkesam anturtukta.

YKan. 32:2

Shuar anaṉkartichua nu Uunt Yussha makuchmin asa warasminiaiti. Rum. 4:7-8

YKan. 51:6

Iisiana, Ámeka nekasa nu wakerame. Kame winia enentái̱rui̱ péṉkera nu túratin unuitiame.

Neka. 15:8

Yusan enentáimtichu shuar ainia nu súamunka Uunt Yuska muí̱jiawai. Antsu Nin enentáimtuinia nu seamka waras ánturui.

Anen. 2:14

“Winia yampitschiruá, kayá wá̱a̱nam pasuṉmasam jeachat ú̱mkam pujamna nuyá̱ yapichiram iniakmasam chichasam antumtikrukia. Warí ame chichamchirmeka yuminchiti tura shíirmach íiraitme ámeka.”

Isa. 10:20

Tura nu tsawantai̱ Israernumia̱ Jakupa shuari̱ ishichik juákaru ainia nuka nin amukármia núnaka yaintmaktatji peṉkesha tu enentáimtuschartatui. Antsu nekaska Israer shuara Uunt Yusri̱ tunaarincha Yúsnak enentáimtusartatui.

Isa. 29:13

Kame Uunt Yus chichaak “Warí ju̱ shuar ainia ju̱ka nekas enentáiji̱a̱i̱nchu aya chichame̱ja̱i̱ shiir awajtuiniawai. Túrasha ni enentái̱ji̱a̱i̱ṉkia nekas enentáimturainiatsui. Tura Wíniaka ashampruk umirtutsuk antsu shuar akupkámu umiktinia nunak umirainiawai. Mat. 15:8-9; Mar. 7:6-7

Jrm. 3:10

Nuna túrayat ni kai̱ṉkia ántichu Jutaka ené enentáimia ajas wakettsuk antsu waitruá waketki̱ tamai” tawai Uunt Yus.

Jrm. 4:2

tura nekasa nuja̱i̱ tímiatrusnak nekas nákak túrattajai tusam Uunt Yussha iirui tákumni̱ṉkia antsu nui̱ṉkia ashí nuṉkanmaya̱ aentssha Nin péṉkernum yumiṉkramu ártatui tura Níini̱ṉ shiir awajnásartatui.

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 12:23

Jesussha chichaak “Wi Aents Ajasuitjiana ju̱ tsawantur jeayi. Túramtai shiir awajnástatjai.

Juaṉ 16:2

Israer shuar iruntai̱nmaya̱ ji̱i̱ki̱ akuptámkattarme. Nu arantcha mantamainiaksha ‘Yusan shiir awajsattsan túrajai’ tiártatui.

Juaṉ 16:32

Tí warik átumka ashamkarum tsakiṉmakattarme tura Winiak ikiurkittiarme. Antsu winia Apar pujakui Wiki pujatsjai.

Juaṉ 4:21

Jesus chicharuk “Nawantru nekaata. Tsawant jeatémai Yus Apa tikishmátratin aya jú̱ nainniumkechu núnisaṉ aya Jerusaréṉnumkesha áchattawai.

Juaṉ 5:25

Tí nekasan tájarme. Tsawant átatna nu jeayi. Nu tsawant jaka ainia nu Yusa Uchirí̱ untsumman antukar iwiaaku ajasártatui.

Juaṉ 5:28

‘Ju̱ chicham itiurchataiti’ enentáimprairap. Tsawant jeattana nui̱ṉkia ashí jákaru ainia nuka Wi untsumman antukartatui.

Rum. 1:9

Tuke enentái̱rja̱i̱ Yusa Uchirí̱n ashí shuarnum etsertajai. Túrakui wi atumín tuke áujtamun Yus nékarui.

Rum. 8:15

Yusa Wakaní̱ iin pujurtamkurin Yusa uchirí̱ ajasár sapijmiatsuk Yusai̱ weamkar “Aparu” tíminiaitji.

Rum. 8:26

Nu arantcha ii kakarmachu nekapeakrin Yusa Wakaní̱ yáintmaji. Kame Yus áujsatniusha nékachkurin iin yáintmaji. ¿Warí seattajⁱ tura itiur seatjik? Nu nékatsji. Tura itiurchat pujakur ti wáitiakrincha Yusa Wakaní̱ iin áujturmaji.

Kar. 4:6

Atumsha nekas ni uchirí̱ ajasákrumin Yus ni Uchirí̱ Wakaní̱n atumí enentái̱n akuptúrmakuiti. Tura nu Wakan atumí enentái̱ya̱ Yusan “Aparu” tawai.

Ipi. 6:18

Yusa Wakaní̱ji̱a̱i̱ Yus áujeakrum tuke seatniuitrume. Tura tuke aneara pujustarum wake mesetsuk tura ashí Yus shuar ainia nusha Yus áujtustarum.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Jus. 24:14

Nekas enentáiji̱a̱i̱ ashamakrum Úunt Yusai̱ya̱ kanatsuk nekas umirkatarum. Atumí we̱a̱tri̱ Ejiptunmasha tura Yúpratis entsa pakarí̱ncha matsamsar najankamu yusan tikishmátin armia nuka iniaisarum Uunt Yus nekas enentáimtustarum.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

1 Sam. 12:24

Núnisrumek atumí yaintmaktaj tusa Uunt Yuska Ní kakarmari̱ ti uunta nuna iniakmasu asamtai aya Uunt Yusak ashamkatniuitrume. Túrakrum nekas enentáiji̱a̱i̱ tuke shiir enentáimtustiniaitrume.