Juaṉ 4:22 - Yus Papí: Shuarja̱i̱ Yus Yamaram Chicham Najanamu

²² Átumka tikishmátrumna nusha nékatsrume. Iikia neka asar tikishmáteaji. Warí, uwempratniuka Israer shuarnumaani̱ winiawai.

Juaṉ 4:22 Iomraidhean Croise

Naṉ. 49:10

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

Ists. 4:2

Tura Surupapíran núnisaṉ uunt armia nuna weriar chicharainiak “Iisha atumji̱a̱i̱ irunturar ju̱ je̱a̱ je̱a̱mtai. Warí iisha atumji̱a̱i̱ métek atumí Yusri̱ e̱a̱ji. Tura Asirianmaya̱ úunt akupin Esarjatún ju̱i̱ ikiatmakmiaj nuyá̱ juárkimiuk yamaiya̱ ju̱i̱sha enentáimtukir murikkia Ni áestukir winiaji” tiármiayi.

YKan. 147:19

Ni chichame̱n Jakupan paant awajtúsuiti. Ni akupkámu umiktinian tura nekasa nuja̱i̱ métek jintíamuncha Israeran nékamtikiamiayi.

YKan. 68:20

Kame ii Uunt Yusri̱ṉkia uwemtikkiartin Yúsaiti. Tuma asa jákatniunmaya̱ uwemtikramniaiti.

Isa. 12:2

Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Isa. 46:13

Wi nekasa nuja̱i̱ métek túrutair atumín weantúrmaktatrume. Winia uwemtikkiartutai̱rka naṉkankashtatui. Seúnnumsha uwempratniunka ejettajai tura Israer shuarnaka Winia páantniur átatui.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Ruk. 24:47

Winia náarun pachisar Jerusaréṉnumia̱ naṉkama ashí nuṉkanam nu chicham etsernaktinia nu áarmauyayi. Shuar ni yajauch túrunamuri̱ tsaṉkurnarat tusar enentái̱n yapaji̱átniuiti. Tura tu etserkatniua nusha yaunchu áarmauyayi.Mks. 1:11

Tur. 17:23

Kame wi nuik atumí yusri̱ enentáimtutai̱niam íistaj tukamán nui̱ je̱a̱chin iwiaramun, JU̱ NEKAACHMA YUSNAITI tu áarman wainkiamjai. Wátsek, ju̱ Yus átum nékachiatrum tikishmátrumna nuna ujaktajrume.

Tur. 17:30

Aents Yusan nékainiachuk túrawarmia nuna Yuska yáunchuka pachischamiayi. Túrasha yamaikia Yus ashí aentsun chicharuk ‘Tunaarum iniaisarum nekas enentáiji̱a̱i̱ enentáimtumasrum iwiarnartarum’ túramji.

Tur. 3:26

Iimiata, Yus ni Uchirí̱n iniantkímia nui̱ atumín emka akuptúrmakmiarme. Atumsha atumí tunaarí̱ya̱ kanaktiarum tusa tura atumín shiir awajtámsatniun wakerak túramiayi.” Nunak tímiayi Pítiur.

Rum. 11:18

Tura kanawe̱ tsupikmaja̱i̱ naṉkamantu enentáimtumasaip. Warí, ame kakarmarmiji̱a̱i̱ numi wajatsui antsu ni kakarmari̱ji̱a̱i̱ iwiaakme.