Juaṉ 4:11 - Yus Papí: Shuarja̱i̱ Yus Yamaram Chicham Najanamu

¹¹ Tutai nuwa̱sha chicharuk “Uuntá, entsasha ¿wariji̱a̱i̱ṉ shikiktam warí entsasha tí initchakait? ¿Tuyá̱ iwiaaku entsasha takakam?

Juaṉ 4:11 Iomraidhean Croise

Jrm. 2:13

Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Juaṉ 3:4

Takui̱ Nikiutému anintrak “¿Itiurak shuar uunta nu ataksha akiiniat. Ataksha ni nukurí̱n eṉkemá atak akiiniamniakait?”

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 7:37

Námper amúamunam ti shiir najanawarmia nu tsawantai̱ Jesus wajaki̱ kakaram chichaak “Shuar ni enentái̱n kitiamakka Winin taa umar kitiakén imikrati.

Tur. 10:14

tutai Pítiur chichaak “Atsá Uuntá. Ii Israer shuartikia yajauch yajasma ainia nu tura yúatin surimkiamu ana nuka peṉké yúchaitji. Tuma asamtai jú̱naka wikia yúashtatjai” tímiayi.

1 Kur. 2:14

Yus shuarcha Yusa Wakaní̱niun ántatsui ántraiti tusa. Aya Yusa Wakaní̱ jintintiámniaitkiui Yus shuarcha nuna peṉké nekaachmin áiniawai.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.