Juaṉ 4:10 - Yus Papí: Shuarja̱i̱ Yus Yamaram Chicham Najanamu

¹⁰ Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 4:10 Iomraidhean Croise

YKan. 10:17

Kame Uunt Yusá, péejchach ainia nu seatmainiakui anturkam atsaṉkraram ikiakáiniame.

YKan. 46:4

Ashí Naṉkamantu Uunt Yus pujana nú péprunam entsa waana nu shiir enentáimtikiainiawai.

Jiin. 17:6

Tura Urepnum kaya nui̱ Wikia ámiji̱a̱i̱ pujuttajai. Tura nui̱ kaya awatiákmin entsa jiinkimtai ashí Israer shuarsha umarartatui” tímiayi. Núnisaṉ Muisaissha tímiatrusaṉ Israer shuara uuntri̱ iimiainiamunam túramiayi.

Anen. 4:15

Aja ukattai̱ púkuni táurmanum entsa puka puka ajana núniniaitme. Ríwianunmaya̱ entsa waana núniniaitme.”

Isa. 12:3

Warasrum uwemtikkiartin púkuninmaya̱ entsa jusattarme.

Isa. 35:6

Núnisaṉ shutuapsha japa nuke nanten nanten ajartatui tura muutcha kantamáwartatui. Warí kampuntin atsunumsha entsa pajamkat tusa táunkattawai tura mitia ainia nui̱sha éntsaka shaka ajartatui. Mat. 11:5

Isa. 42:6

“Wi Uunt Yus nekasa nuja̱i̱ métek túrakun untsukmajme. Tuma asan eṉkesan ewekámsattajme. Núnisnak péṉker wainkian ashí aentsja̱i̱ chícham najanamua núnisan apujsattajme ántsamek ashí nuṉká tsáapnintri̱ átatme. Ruk. 2:32; Tur. 13:47

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Isa. 49:10

Nuiṉkia tsukaja̱i̱sha kitiakja̱i̱sha wáitsachartatui tura etsa̱sha sukuiniak wáitkiaschartatui. Warí nin waitnentainia nu juinia asa púkuni entsa írunmanumaani̱ júkiartatui.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 2:13

Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Isk. 16:35

Tuma asamtai aya̱shí̱n súrin nuwa̱á, Uunt Yusa chichame̱ antukta. Ame tsanirum tura najankamu yúsrum aya̱shim tsaṉkatka asakmin núnismek ame uchirmi numpé̱ ukaráru asakmin ame tsanirumin tura muí̱jramainiana nunasha irurartatjai. Tura iruraran misú ái̱rtatjame. Túran nuwa̱ tsanirmamtai itiur asuttiain nútiksanak túrattajme. Túran ni uwejé̱e̱n íktusartatjame. Nuya̱ṉka untsurí aentsun ikiatramkartatui tura untsurí nuwa̱sha iimiainiamunmaṉ ame je̱e̱min áesturmawartatui tura ame túraitmena nuja̱i̱ métek asuttiámawartatui. Nuna túran ame akikmakam aya̱shim surutaiṉkia inimiamtiksattajme. Nuya̱ṉka Winia suir kaje̱ntkamursha naṉkaamasmatai tsaṉkuran atakka kajekchattajai.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Sak. 14:8

Nu arantcha Jerusaréṉnumia̱ iwiaaku entsa jíintrartatui. Túruna ajapén chikichik kanaakmari̱ṉkia etsa̱ tatainmaani̱ nayantsanam ayaku átatui. Tura chíkich kanaakmari̱ṉ etsa̱ akatainmaani̱ nayantsanam akaikittiawai. Tura mái̱ entsaka esatái̱sha tura yumitincha ku̱yu̱chu ártatui.

Ruk. 11:13

Warí átum imiá yajauchitirmesha atumí uchirí̱ péṉkera nu súchakaitrum. Atumí Aparí̱ nayaimpiniam pujana nu seakrumni̱ṉkia nú naṉkaamas ni Wakaní̱n suramsattawai.” Tu unuiniamiayi.

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 6:35

Tura Jesus chichaak “Witjiai nu apatuk nekas iwiaakman súana nu. Winí̱ winiana nú shuar peṉké tsukamáshtatui tura Winia enentáimturna nusha tuke kitiarchattawai.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Tur. 9:11

Nuyá̱ Uunt Jesus chichaak “Nantakim jintia, Naka tutaiya nui̱ wetá. Nui̱sha Jútasa je̱e̱n jeam Társunmaya̱ Sáurun e̱a̱ktaj tusan winijiai, titiá, tímiayi. Nisha Yusan áujuk pujawai.

Rum. 8:32

Ni Uchirí̱ncha suritramkachmiaji antsu ashí iin jarutramkarat tusa akuptúrmakmiaji. Tura asa ni Uchirí̱ji̱a̱i̱ ashí ti shiira nuna suramsashtatjik.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 10:4

Entsancha ashí mash Yus susamunak umararmiayi. Kame Yus kayanmaya̱ entsan akupkámtai ashí umararmiayi. Krístusha nú kaya áintsaṉ niji̱a̱i̱ tuke wéakui ni wakaní̱ atsumamuri̱n Krístunmaya̱ṉ takusarmiayi.

2 Kur. 9:15

¡Tura ashí iisha ii Yusri̱ ti yumiṉsatniuitji! ¿Iin súramjinia nuna yaki jintíartinian jeá?

Ipi. 2:8

Jesukrístu nekas enentáimta asakrumin Yus waitnentramar uwemtikrampraiti. Ju̱ka átumkeka túrunachuitrume. Antsu Yuska Niṉki kuítchaja̱i̱ suramsaitrume.

Isr. 6:4

Shuar Yusna nuna nekaaṉka tura Yus susamun takakkuṉka tura Yusa Shiir Wakaní̱ kakarmari̱n nekapsaitkiuṉka

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.