Juaṉ 3:36 - Yus Papí: Shuarja̱i̱ Yus Yamaram Chicham Najanamu

³⁶ Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 3:36 Iomraidhean Croise

YKan. 2:12

Kajekmatai wárik jáka̱i̱j tusarum ni Uchirí̱sha shiir awajsatarum. ¡Kame ashí Nin enentáimtuinia nuka shiir enentáimias warasmin áiniatsuk!

YKan. 36:9

Núnisaṉ tuke pujustin sukartinmeka Ameketme. Tuma asam ame tsáapnintrumsha ii enentái̱n tsáapniawai. Jṉ. 4:14

YKan. 49:19

Túrasha tsawái̱ tsáapnintri̱n peṉké wainkiachartin matsatainia nui̱ṉ jeattawai.

Awa. 2:4

Ju̱sha nekaata, aents péṉkerchaka niṉki naṉkamantu enentáimtumawai. YKan. 49:18-20 Antsu péṉkera túrinkia Yusan nekas péṉker enentáimta asa iwiaaku pujustatui. Rum. 1:17; Isr. 10:38

Mat. 25:46

Nu shuarka tuke wáitsatniunam wéartatui. Tura Yus achikma ainia nusha tuke iwiaaku Yusja̱i̱ pujustinnium wéartatui” tímiayi Jesus.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Ruk. 2:30

Ju̱ Uchi ashí aents uwemtikrarta tusam susamna nuna yamái imia winia jí̱ruja̱i̱ wainkiajai.

Ruk. 3:6

Túrunamtai ashí nuṉkanmaya̱ aents Yusai̱ya̱ uwempratin aan nekaawartatui. Isa. 40:3-4

Juaṉ 1:12

Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Juaṉ 10:28

Tura yamaram iwiaakman tuke jákashtinian súajai. Nu asamtai jákachartatui tura Wi wáinmancha ¿yaki jurutkit?

Juaṉ 3:3

Tutai Jesus chichaak “Tí nekas tájame. Atak yamaram akiiniachuka Yusa akupeamuri̱n pachinkiashtatui.”

Juaṉ 4:36

Arakan juwaka akikmaiti. Tura tuke iwiaaku pujustin neren juwiniawai. Nuja̱i̱ arakan araana nusha tura juwana nusha mái̱ metek warasartatui.

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Juaṉ 6:58

Ju̱i̱ti apatuk nayaimpinmaya̱ tau. Ju̱ apatkuka atumí uuntri̱ yuáwariat ashí kajinkiarua núnischaiti antsu ju̱na yúana nu tuke iniaitsuk iwiaaku pujustatui” tímiayi.

Juaṉ 8:51

Ti nekasaiti. Wi tájana nuna enentáimta nú shuarka peṉké jákashtiniaiti” tímiayi.

Tur. 14:2

Tura chíkich Israer shuar, Yusan umirkacharu armia nu, Yus shuaran kajerkarat tusar Israer shuarchan yajauch enentáimtikrarmiayi.

Rum. 4:15

Akupkámu akui shuar umirkachka ti asutniáshtatuak. Tura atsakuiṉkia ¿asutniátniukait? ¿Itiurak umirtsuk ikiuktiṉ?

Rum. 5:9

Tura ni numpe̱ja̱i̱ tunaarincha awajsamu asar imiá nekas Yus asutiámatniua nuyá̱ uwempraitji.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

Kar. 3:10

Antsu ashí shuar “akupkámun umirkan uwemprattajai” tuinia nuka yajauchiniam yumiṉkramu áiniawai. Yus Papinium áarchamukait “Ashí shuar Yus akupkámun ashí aarma nuna takamtsuk umirkachka yajauchiniam yumiṉkramu áiniawai.” Muis. 27:26; Jrm. 11:3

Ipi. 5:6

Nu túramniaiti tusar ántar chichamja̱i̱ anaṉkramacharti. Warí, nuna túruiniakui Yusan umirainiachun Yus ti asutiáwartatui.

1 Tis. 1:10

Tura nuya̱sha Yusa Uchirí̱ Jesus jakamunmaya̱n Yus iniantkímia nu, nayaimpinmaya̱ tatí tusarum átum nákamuncha ujatmainiaji. Iis, Jesus Níṉkiti Yusa kajetáiri̱ tsawantri̱ jeattana nuyá̱ uwemtikrampratin.

1 Tis. 5:9

Páantchakait. “Jinium wéchatniuitrume” Yus iincha túramji. Antsu ii Uuntri̱ Jesukrístuja̱i̱ uwempratniun tsaṉkatramkaitji.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 3:18

Kame umirkacharunka Yus “Wiji̱a̱i̱ shiir pujustinian peṉké tsaṉkatkachartatjai” tímiayi.

Isr. 3:19

Iis, Yusan enentáimtachu ásar Niji̱a̱i̱ shiir pujustinnium waya̱tniun tujintkiarmiayi.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.