Juaṉ 3:3 - Yus Papí: Shuarja̱i̱ Yus Yamaram Chicham Najanamu

³ Tutai Jesus chichaak “Tí nekas tájame. Atak yamaram akiiniachuka Yusa akupeamuri̱n pachinkiashtatui.”

Juaṉ 3:3 Iomraidhean Croise

Jrm. 5:21

Kame jí̱ntiniaitiatrumek wáintsurme tura kuishmisha ai̱ṉ ántatsrume.

Isk. 36:26

Núnisnak atumín yamaram péṉker enentái̱mtain amasáran yamaram enentáimtairmincha ikiursattajrume. Tura péṉker enentáin amaakun katsuram enentáinkia juruktiatjarme.

Mat. 16:17

Tutai Jesus chichaak “Shíiraitme Junasa uchirí̱ Semuṉká. Núnaka aents ujatmákchaiti antsu winia Apar nayaimpiniam pujana nu ujatmákmatai nekaam tame.

Mat. 19:24

Ataksha tájarme, kamiyuka kawái naṉkaamas uunt asa auja ji̱n waya̱chminiaiti. Núnisaṉ kuítrintin Yus akupeamunam pachinkiatin ti itiurchataiti” tímiayi.

Mat. 21:31

Wats ¿túa ni aparí̱ wakeramun umirkama?” tímiayi Jesus. Tutai “Emkaa nu” tuíniakui Jesus chichaak “Nekasan tájarme, yajauch shuar ainia nu tura tsanirma ainia nusha átumka pachintsurmini̱ṉ ni emka Yus akupeamunam pachinkiartatui.

Mat. 5:18

Nekasan tájarme. Ashí túrunatniua nu amúatsa̱i̱ṉ nu akupkámu ishichkisha yapajniáshtatui. Nayaimpisha tura nuṉkasha tuke amúatsa̱i̱ṉ nu akupkámusha amuukashtatui.

Mar. 10:14

Tura Jesus nuna wainiak kajek chichaak “Uchi Winí̱ winitin tsaṉkatruktarum. Suritkiairap. Iis, shuar ju̱ uchia núnisaṉ péejchach enentáimtumainia nu Yusa akupeamuri̱n pachinkiamniaiti.

Mar. 9:47

Ji̱misha yajauchin túrumtikramamniaitkiuiṉkia ukuinkiata. Mai̱ jí̱ntiuk wáitsatniunam jeatniuja̱i̱ṉkia chikichík ji̱ji̱a̱i̱ ju̱ nuṉkanam pujusár Yus akupeana nui̱ jeatin tí shiiraiti,

Juaṉ 1:13

Nisha Yusa uchirí̱ ajasár ataksha númpentin aya̱shi̱n aya̱shímkiacharmai. Aentsnumia̱ akiiniachu áiniawai tura áishmaṉ wakeramuja̱i̱sha akiiniacharmai. Antsu Yusai̱ya̱ akiiniawaru ásar Yusa uchirí̱ áiniawai.

Juaṉ 1:5

Nu tsáapnin kiritniun tsáapin awajeawai. Tura kiritin tsáapninian nupetkatniun tujintkiaiti.

Juaṉ 1:51

Nuya̱sha Jesus chichaak “Wi nekas tájarme, Aents Ajasu asamtai atumsha nayaim uranmianum Yusa suntari̱ Winí̱ waka nuyá̱ tara ajainia wainkiattarme” tímiayi.

Juaṉ 12:40

“Yus nin kusuru awajsaiti tura ni enentái̱ncha kátsuram awajsaiti. Ni ji̱ji̱a̱i̱ íimsa̱i̱ṉ tusa tura ni enentái̱ji̱a̱i̱ nekaawa̱i̱ṉ tusa túraiti. Kame ni tunaarí̱ iisar enentáimtuiniakui Yus nin tsuárainti.” Isa. 6:10

Juaṉ 3:4

Takui̱ Nikiutému anintrak “¿Itiurak shuar uunta nu ataksha akiiniat. Ataksha ni nukurí̱n eṉkemá atak akiiniamniakait?”

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

Kar. 6:15

Krístunu ajasrikia tsupirnaktincha tsupirnakchaitkiursha mái̱ antraiti antsu yamaram akiiniatin nekas péṉkeraiti.

Ipi. 2:1

Átum yajauch túrakrum tunaanum tuke wekaakrum Yusai̱ya̱ kanakin asarum jákauyarme.

Muis. 29:4

Túrasha Uunt Yus yamaiya̱ ju̱i̱sha ashí enentáimsar nekaatniun wáinkiatniuncha tura antuktinniasha tsaṉkatramkachuitrume.

Tit. 3:5

Yus iin waitnentrama asa iikia jú̱kesha péṉker túrachma ai̱ṉ uwemtikrampramiaji. ¿Itiurak uwemtikrampramiajⁱ? Ii tunaari̱n asakátrampramiaji nijiaktinia áintsaṉ. Tura Yusa Wakaní̱ pujurtamkurin ii iwiaakmari̱n yamarman amasmaji.

San. 3:17

Antsu Yusai̱ya̱ enentáin takakua nuka jú̱nisaiti, ashí naṉkaamas emka eseeratin nuyá̱ nawamkartin, shiir ajá, péṉker anturnain, waitneṉkratin, ashí métek enentáimias yáiṉtin tura anaṉkartutsuk naka chichamtin.

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.

1 Jṉ. 2:29

Atumsha Jesukrístu tí peṉkera nu nékarme. Núnisaṉ ashí shuar péṉkeran túruinia nuka Yusa uchirí̱ áiniawai. Nusha nekaatarum.

1 Jṉ. 3:9

Shuar nekas Yusja̱i̱ akiinia nu yajauchin túrataj tusa wekaatsui. Yusa uchirí̱ asa Yusa iwiaakmari̱ji̱a̱i̱ wekaawai. Tuma asa tunaanum tuke wekaatsui.

1 Jṉ. 5:1

Ashí “Jesus Yusa Uchirí̱ Krístuiti” tu enentáimtana nú shuar Yusa uchirí̱nti. Tura aparí̱ aneakrikia ni uchirí̱sha aneattaji.

1 Jṉ. 5:18

Nekas Kristui̱ akiinia nú shuar yajauch túrutainmaṉ tuke enentáimias wekaatsui. Antsu Yusa Uchirí̱ nin tí peṉker wainkiui íwianch antiṉkiachminiaiti.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai