Juaṉ 3:29 - Yus Papí: Shuarja̱i̱ Yus Yamaram Chicham Najanamu

²⁹ Kame shuar nuwa̱n nuatna nuna áishri̱nti. Nuatnaiyak áishmaṉ nuwa̱ja̱i̱ áujnaiyakui ni amikrí̱sha nuna antukar ti warainiatsuk. Wisha núnisnak aents Jesusai̱ wénakui ti waraajai.

Juaṉ 3:29 Iomraidhean Croise

Anen. 3:11

Seúnnumia̱ nuwa̱ natsachi jíinkikiua túrarum úunt akupin Saramúṉ iiskua. Ni nuatnaiyamu tsawantin nukurí̱ etseṉkrumtikiamia nuna etseṉkrukai. Nusha ni enentáin waramtikiuk nu tsawantin túramiayi.”

Anen. 5:1

“Maa umaru, winia nua̱ru wisha ajaruí̱ támajai. Tura mira kuṉkuinniasha tura chíkich kuṉkuinniasha júurmakmajai. Tura chininiuncha tura míshkincha winianak umararmajai. Núnisnak winia wíniurnak muntsuncha umararjai.” “Maa winia amikru yurumátarum tura núkap umartarum aneamurtiram.”

Isa. 54:5

Warí ame áishrumka ámin Najatma Nuiti. Tura ni náari̱sha Ashí Akupin Úunt Yusaiti. Ame Akikmatramin Israer shuara Yusri̱ Peṉké Tunaarincha nu, Ashí Nuṉkanmaya̱ Yúsaiti tu anaikiamu átatui.

Isa. 66:11

Nuku tsaṉkutai̱ muntsun amuntsá ejemamtikna núnisrum muntsúarum shiir tsaṉkurmintrum” tawai Uunt Yus.

Jrm. 2:2

“Jerusaréṉ péprunam weme ántuiniamunam kakantram chicharainiakum Uunt Yus chichartak ‘Áminkia tuke enentáimtajme. Natsa asamka péṉker enentáimtursamiame. Anajmarma aneṉkrata núnisam kampuntin atsú nuṉkanam arakmamusha atsuiniamunmasha péṉker enentáimtursam nemartusam wekasamiame.

Isk. 16:8

Tura tsakaram anaṉkratamnia ajasákmin nekasan umiktatjai tusan ámiji̱a̱i̱ chichaman najanamjai nuya̱ṉka Winia awajsámjame. Pushincha áentsramjame tura sapatnasha awemtikiamajme núnisnak kuriji̱a̱i̱ iwiarmamtai najankamuja̱i̱ ti shiir iwiaramjame. Yurumkasha tí peṉker iwiarkamu yuámame tura tí shiirmach ajasam naṉkamantu páantin ajasmame. Tí shiirmach awajsámjamna nuja̱i̱ ashí nuṉkanam nekarmawarmai tawai Uunt Yus Ashí Aentsu Uuntri̱.

Use. 2:19

Israer shuartirmeka winia nekas nua̱r átatrume. Kame winia nekasa nu túrutairja̱i̱sha péṉker túrutairja̱i̱sha tura waitnenkartutairja̱i̱sha nuwa̱ papiji̱a̱i̱ nuatkamua áintsarum átatrume.

Mat. 22:2

“Yus akupeamunam pachinkiartin jú̱nis enentáimpramniaiti. Úunt akupin ni uchirí̱ nuateakui nampermamai.

Mat. 25:1

“Yus akupeamunam pachinkiatin jú̱nis átatui. Nuatnaikiatin námper akui tias nuwa̱ natsa shirikpin akawar nuatkattana nu áishmaṉkan iṉkiuṉ je̱á̱ itiatai tusar wéarmai.

Mat. 9:15

Tutai Jesus aya̱k “Kame nuatmanum ipiaamu ainia nu nuatusha pujamunmaṉ ajakmárua núnisar ¿kúntuts pujusárminkiait? Túrasha tsawant jeattawai nuatu junaktin antsu nui̱kia ijiarmáwartatui.

Ruk. 15:6

Tura je̱e̱n jeá ni amikri̱n tura írutramuri̱ncha ikiaanak ‘Wiji̱a̱i̱ warastarum. Murikiur meṉkaka nuna wainkiajai’ tawai.

Juaṉ 15:11

Wi warajna áintsarmek warastarum tusan nuna tájarme. Tura ti shiir warastatrume.

Juaṉ 16:24

Yamaisha Winia enentáimtursarum winia Apar seachurme. Túrasha seakrumni̱ṉkia ti shiir warasuk tusa amastatui.

Juaṉ 17:13

Yamaikia Amiini̱ winiajai. Tura ju̱i̱ tuke pujakun Wi warajna núnisar nisha ti shiir warasarat tusan ju̱na tájame.

Juaṉ 3:30

Nisha tuke naṉkamantu uunt ajastiniaiti antsu wikia tuke tímiancha ajastiniaitjiai.

2 Kur. 11:2

Atumniasha Krístunak anajmamtikrajrume. Tura nuwa̱ chíkich áishmaṉkan nékatsuk ni áishri̱ji̱a̱i̱ṉᵏⁱ nuatnaiya núnisrumek átum chikicha chichame̱ umirtsuk aya ni chichame̱ṉᵏⁱ umíakrumin Kristui̱ ejetaj tusan wakerajrume. Nuna túrataj tusan atumín akasmatajrume. Nu akasmaktinian Yus surusuiti.

Jir. 2:2

waramtikrustarum. Métekrak takastarum. Mái̱ metek anenaitiarum. Yusa Wakaní̱ atumí enentái̱n pujá asamtai chikichík enentaik enentáimsatarum.

1 Jṉ. 1:4

Kúntutsja̱i̱nchu ti shiir warasaruk tusan ju̱na áatjarme.

2 Jṉ. 1:12

Tí nukap atumji̱a̱i̱ áujmatsatniun wakerajai. Túrasha ju̱ papinium mash áatrashtatjarme. Antsu imia wiki atumín iyakun jeatjai. Nuyá̱ naka chichasar ti shiir warastatji.

Apu. 21:9

Nuyá̱ siati suntar piniṉ amúamunam wáitkiastinji̱a̱i̱ piákun takakua nuyá̱ chikichik taruti turutmiai “Winitiá. Murikiu anajmarmari̱n iniaktustatjame.”