Juaṉ 3:27 - Yus Papí: Shuarja̱i̱ Yus Yamaram Chicham Najanamu

²⁷ Tutai Juaṉ chichaak “Ashí kakarmaka aya Yusai̱ya̱ṉchakait.

Juaṉ 3:27 Iomraidhean Croise

Jrm. 1:5

“Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Ams. 7:15

túrasha waaka wáinin ai̱ṉ Jiuwá chichartak ‘Ju̱ya̱ṉka weme Israer shuar Wi shuar ásarmatai Winia chichamur ujakárta’ turutniuiti.

Wek. 17:5

Tura Wi yana anaikiattaj nú aentsu wai̱ri̱ṉkia kuku̱jrúktatui. Nuna túran Wisha ántamunmaṉ Israer shuar atumín yajauch chichartamprumna núnaka iniaimiatkiasartatjai” tímiayi.

Mat. 21:25

Wats ¿ya imiakratin Juáṉkan akupkámia. Yusak, aentsuk, ya akupkámia?” Tutai nuamtak tunainiarmiayi. “‘Yus akupkámiayi’ tákurni̱ṉkia ‘¿urukamtai enentáimtichuitrum?’ turamtatji.

Mat. 25:15

Chikichkiniak seṉku mir kuítian susamai. Chikichnasha jimiará mir kuítian susamai. Tura chikichnasha chikichik mir kuítian susamai. Ni takastin jearma nuja̱i̱ métek súsarmai. Tura ikiuak yajá wemai.

Mar. 13:34

Tura Wikia ju̱ shuarja̱i̱ méteketjai. Ju̱ shuarsha jeachat wéak ni je̱e̱n ikiuawai. Ikiuak ni shuari̱n waitrukarti tusa apujas ikiuak ashí shuaran takatrí̱n suawai. Tura wáitin wáinniun ‘ameja péṉker wáinkiata’ timiai.

Juaṉ 10:41

Ti untsurí shuar iyuwar chichainiak “Nekas Juaṉka aentsti tujintiamun túrachiat ashí Jesusnan timia nu nekasaiti” tu tiármiayi.

Rum. 1:5

Ni túramuja̱i̱ Yus shiir enentáimturuk nu uwempratin chichaman etserkat tusa akuptúkmiayi. Núnisaṉ ashí nuṉkanmaya̱ shuar nu chichaman umirkar Jesusa náari̱n shiir awajsarat tusa akuptúkmiayi.

Rum. 12:6

Ii túratniun Yus nusháa nusháa súramji Ni wakera nuja̱i̱ métek. Tuma asamtai Yus ámin suramsamna nu túratniuitme. Yus ni chichame̱n etserkatniun suramsaitkiuiṉkia Yus enentáimtakum unuimiármam nuja̱i̱ métek etserkata.

1 Kur. 1:1

Wi Pápruitjiai, Jesukrístu akatrámu. Yus nuna wakerak ni akatrámuri̱ atí tusa anaitiukmai. Wi, ii yachi̱ Sústinisja̱i̱, ju̱ papí akupeaji.

1 Kur. 12:11

Tura ashí shuara enentái̱n nu Wakanik takaawai. Tura Ni wakera nuna takastinian aṉkant aṉkant suawai.

1 Kur. 15:10

Antsu Yus ti shiir waitnentak winia enentái̱rui̱ pujurtus péṉker najataiti. Nu asamtai winia kakarmarja̱i̱ takaschaitjiai antsu Yus waitnenkartin asa winia enentái̱rui̱ takaakui ashí ni akatrámuri̱n naṉkaamas takasuitjiai.

1 Kur. 3:5

Wátsek. Wi Papru ti péṉkeraashitiaj. Apurussha ti péṉkeraashit. Antsu iisha aya Yusa takarniúri̱ntji. Yus Chicham étserkurin ii Uuntri̱ enentáimtuschamkuram. Ii Uuntri̱ takatan chíkich chíkich suramsamajnia nuke takasmaji.

1 Kur. 4:7

Ámeka chíkich shuarja̱i̱ méteketme. Tura ashí takakmena nusha Yus amasmaiti. Tura Yus amasu asamtai ¿itiurak áminiukea áintsam nuja̱i̱ naṉkamantu ajai tu enentáimtumam?

Kar. 1:1

Wi Pápruitjiai Yus akatrámu. Yusak winia akattúruiti. Shuarka akattúrchamai. Yussha chíkich shuaran akuptúrak akattúrchamai antsu Niṉki, Yus Apa, Jesusan jakamunmaya̱ iniantkímia nu, tura Jesukrístu winia akattúrarmai Yusa shiir chichame̱n etserkatniun.

Ipi. 1:1

Yus nuna wakerakui wi Papru Jesukrístu akatrámuitjiai. Jesukrístu nekas enentáimtusrum Yus shuar ajasrum Ipisiunam pujarmena nuna ju̱ papin áatjarme.

1 Tim. 2:7

Nuna túratniun Yus winia akatar akuptúkuiti. Israer shuarcha nekas chichaman enentáimtusarti tusa Yus akuptúkmiayi. Krístunu asan wáitrutsuk nekas tajai.

San. 1:17

Ashí péṉker ana nu, ashí shiir ana nusha nayaimpinmaya̱ Yusak amasuiti. Yus ashí tsáapninia nuna najanaiti. Tura Nin kiritin atsa̱i̱ṉ yapají̱tsuk tuke tsáapniti.