Juaṉ 3:25 - Yus Papí: Shuarja̱i̱ Yus Yamaram Chicham Najanamu

²⁵ Tura Juaṉka unuiniamuri̱ Israer shuarja̱i̱ jianaitian naṉkamawarmiayi. “¿Ya imiakratma imiá péṉkerait?” tusar áujmatiarmiayi.

Juaṉ 3:25 Iomraidhean Croise

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Mar. 7:8

Tura átum Yusa Chichame̱ iniaisarum aentsu jintintiámuri̱ umirkarum ichiṉnasha tsapancha nijiaktin tura chíkich túrutai̱sha áintsarmek untsurí túrarme.

Juaṉ 2:6

Nui̱ kayaja̱i̱ najanamu muits entsa yaraatai sais pujuarmiayi. Nú muitsnum Israer shuar ni uwejé̱ncha nawe̱ncha Yus shiir enentáimtursati tusar nijiamau ármiayi. Kame chíkichkia uchaintia tura sian rítrusha entsa yarakmin ármiayi.

Isr. 6:2

imiantinnium nekaatniusha Yus shuar yaiṉmanum uwejé̱ awantsatniusha jakamunmaya̱ nantaktincha tura sumamtikiatin tsawanta nu nekaatniusha.

Isr. 9:10

Warí aya yurumátniusha umartincha nijiartincha tura ashí núnisaṉ túratniuja̱i̱ aya pátatek ásarmatai enentáiniam írunna nuna iwiarachmin áiniawai. Antsu Yus nú túratniunka yapaji̱átniuyayi. Tuma asamtai yapajniátsa̱i̱ṉ túratin ármiayi.

Isr. 9:23

Tuma asamtai Muisais najanamu aya nayaimpiniam írunna nuna nakumenak taṉkú numpe̱ja̱i̱ shiir awajsatin ármiayi. Antsu nekas nayaimpiniam írunna núnaka nuna kakaram numpaja̱i̱ shiir awajsatniuyayi.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.