Juaṉ 3:21 - Yus Papí: Shuarja̱i̱ Yus Yamaram Chicham Najanamu

²¹ Antsu ashí nekas túratniun umiiniana nuka tsáapninian weantuiniawai. Yus ni enentái̱n pujuram tsáapninium takainiawai. Nuka ti páantaiti” tímiayi Jesus.

Juaṉ 3:21 Iomraidhean Croise

YKan. 119:105

Ame chichammeka shirikip ekemákam tsáapin awajna núnisaiti. Tuma asa wi tui̱ wajaj tura tui̱ wekaaj nui̱sha sukúak ti paant awajturui.

YKan. 119:80

Ame akupkámurminkia winia enentái̱rka áya Aminiak enentáimturmas pujurtamin atí núja̱i̱nchuka natsa̱a̱ra̱i̱j.

Isa. 8:20

Antsu “¡Yus akupkámu umiktin chichama nu anturkartai!” títin áiniawai. Tura núnis tuíniachkuṉka nú aentska tsawant tsawantracharma núnis ajasáru áiniawai.

Use. 14:8

Maa, Eprainkia, najankamu yus ainia nunasha yamaisha ¿warinia íistiniaitiaj? Witjiai ámin wáinkiun íistinniaka. Wikia sepris numi sameka núniniaitjiai tura Winia shuaruka ni nere̱n wini̱ṉ wáinkiartatui.

Juaṉ 1:47

Jesussha Natanaéran tíjiu̱ch winian wainiak chicharuk “Ju̱ shuar iistarum. Ti péṉker Israer shuaraiti. Peṉké anaṉkartichuiti.”

Juaṉ 3:20

Ashí yajauchin túruinia nuka tsáapninian muí̱jiainiawai. Túrawar ni tunáa túramu paant ajasa̱i̱ tusa yupitiainiawai.

Juaṉ 5:39

Átumka Yus Chicham yaunchu aarma nui̱ iwiaaku átinian wáinkiataj tusarum tí unuimiaruitrume. Nu chichamsha Wínian áujmatui.

Juaṉ 7:17

Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

1 Kur. 15:10

Antsu Yus ti shiir waitnentak winia enentái̱rui̱ pujurtus péṉker najataiti. Nu asamtai winia kakarmarja̱i̱ takaschaitjiai antsu Yus waitnenkartin asa winia enentái̱rui̱ takaakui ashí ni akatrámuri̱n naṉkaamas takasuitjiai.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

Kar. 6:8

Iistá. Shuar ni aya̱shi̱ wakeramunak tuke enentáimtakka jatai̱ nere̱a áintsaṉ araaiti. Nerekmatai̱ jákatniun júuktatui. Tura Yusa Wakaní̱ wakera nuna tuke enentáimtakka Yusja̱i̱ tuke shiir pujustinian júuktatui.

Ipi. 5:9

Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Jir. 1:11

Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Kurs. 1:29

Tuma asamtai Kristu ni kakarmari̱n tí surakui nekas kakaram takaajai.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

1 Jṉ. 1:6

“Niji̱a̱i̱ tsaniṉkia pujaji” táyatar kiritniunam pujustinia áintsar yajauch túramunam pujakrikia wáitraji tura nekas péṉkera nu túratsji.

3 Jṉ. 1:11

Aneamu yatsuru, nu yajauch túramu jumamkiirap antsu péṉker túratarum. Péṉker túrinia nuka Yúsnaiti. Antsu tunáa túrinia nuka Yusan nékachuiti.

Apu. 3:15

‘Ashí ame túram nuna nékajai. Tura michaash míchachuitme. Núnisaṉ tsue̱rsha tsué̱rchaitme. Míchaitkiumsha tura tsué̱raitkiumsha maak.