Juaṉ 3:2 - Yus Papí: Shuarja̱i̱ Yus Yamaram Chicham Najanamu

² Nisha kashi Jesusan werí chicharuk “Uuntá, shuaran unuiniarat tusa Yus akuptámkaiti. Nu paant nékaji. Yusai̱ya̱nchuitkiumka aentsti tujintiamu túramna nu tujintkiaintme” tímiayi.

Juaṉ 3:2 Iomraidhean Croise

1 Akup. 17:24

Túramtai nu nuwa̱sha Iríasan chicharuk “Yamaikia nékajme, ámeka Yusan esetas enentáimtin áishmaṉkaitme tura ame étsereamna nusha nekas Uunt Yusa chichame̱nte” tímiayi.

Jrm. 38:16

Nu tutai akupin Setekías Jirimíasan ú̱saṉ chicharuk “Iwiaaku Uunt Yus ii wakaní̱n amasua nuna náari̱nji̱a̱i̱ nekasan tájame máshtatjame núnisaṉ aents mantamatai turamainia nui̱sha tsaṉkamkashtatjame” tímiayi.

Mat. 22:16

Túrawar ni shuari̱ncha tura akupin Irutisa nemarniuri̱sha Jesusan akuptúkarmiayi. Nisha jeariar Jesusan chicharainiak “Uuntá, amesha nekas chicham chichaame. Nu nékaji. Chíkich shuar tuinia nu ántutsuk nekasam Yus Chicham jintíame. Shuar shiir enentáimturarat tusam jintíatsme.

Mat. 23:7

Jintiá wekainiaksha ashí aents áujtuiniak jintinkiartiniá turutiarti tusa wakeruiniawai.

Mat. 23:8

Túrasha átumka ashí shuar jintinkiartiniá turutiarti tusa enentáimsashtiniaitrume. Átumka nuamtak yáchintrume. Átumka chikichik jintinkiartin ni naari̱ Kristu takakrume. Nu asamtai jintinkiartiniá turamcharmin áiniawai.

Mar. 12:14

Túram Nin jeariar chicharainiak “Uuntá, aents nakitiáiniai̱ṉ tuke nekas chicham páchitsuk chichaame, nu nékaji. Aents pátatek iyatsme antsu nekas Yusa jinti̱ unuiniame. ¿Waritia enentáimiam, ii kuitri̱ uunt Sésar súsatin péṉkerkait. Susattajik. Suritkiattajik? Nu nekaatai tusar wakeraji” tiármiayi.

Juaṉ 1:38

Jesussha úkumur íimias nu jímiaran wininian wainiak chicharainiak “¿Ya e̱a̱rum?” tutai nisha “Uuntá, ¿tui̱ pujam?” tiármiayi.

Juaṉ 10:38

Tura nekas túrakuiṉkia enentáimtursatarum. Tura Winia nakitrakrumsha nuikia wi túramu enentáimtustarum. Núja̱i̱ṉkia winia Apar Winin pujamu ashí nekaattarme. Núnisnak Wisha Niin pujajai. Iisha chikichkitji.”

Juaṉ 12:37

Jesus aentsti tujintiamun ti untsurí túramtaisha Niin enentáimtuscharmiayi.

Juaṉ 14:10

Winia Aparja̱i̱ tsaniṉkian pujakun tura winia Aparsha Wiji̱a̱i̱ pujakui tuke chikichkitji. ¿Nu nékatsrumek? Wi tájarmena nu Winia chichampruchuiti. Yus Apa Winí̱ pujak ni wakeramun takaawai.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 2:11

Jesus ju̱ túramu Kaná Kariréanam túrunamiayi. Núja̱i̱ṉkia Jesus emka ni kakarmari̱n paant iniakmasmiayi. Nuna iisar ni unuiniamuri̱sha Niin enentáimtusarmiayi.

Juaṉ 20:16

Nuyá̱ Jesus “Mariyá” tutai nisha ayanmar “Rapuni” tímiayi. Nusha Israer chichamja̱i̱ṉkia “Uuntá” tawai.

Juaṉ 3:26

Nui̱ṉkia Juaṉkai̱ weriar chicharainiak “Uuntá, Jurtan entsa amain pujusam ame chichaakum ‘Ju̱i̱ti Yusa Murikrí̱’ tímiamna nu yamaikia imiakratui tura ashí shuar Nin nemarainiawai” tiármiayi.

Juaṉ 4:31

Túmainiai̱ ni unuiniamuri̱ chicharainiak “Uuntá, yurumáta” tiármiayi.

Juaṉ 5:36

Tura Winia ‘Yusai̱ya̱iti’ túrutna nuka, Juaṉja̱i̱ naṉkaamas péṉkeran Wikia takakjai. Wi takasmajna nuiti. Winia Apar takastinian surusma nuna takaakun nuja̱i̱ páantaiti Yus Apa akupkámuitjiai.

Juaṉ 6:2

Untsurí shuar Jesus ti jáinian timiá wárik tsuan wáinkiaru ásar Nin nemariarmiayi.

Juaṉ 7:31

Tura untsurí shuar Niin enentáimtusar “Kristu taa ¿nuna naṉkaamas aentsti tujintiamun túratpiash?” tiármiayi.

Juaṉ 9:16

Nuyá̱ chíkich Pariséu shuarnumia̱ nuamtak tunainiak “Ju̱na tsuáruka Yusai̱ya̱nchuiti. Kame ayampratin tsawantai̱ túraiti” tiármiayi. Tura chikicha “Yajauch túrin shuaraitkiuiṉkia jú̱nisaṉ túratniun tujintkia̱a̱yi” tiármiayi. Nuja̱i̱ akannáikiarmiayi.

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 2:22

Tura Pítiur tuke chichaak “Israernumia̱ shuartiram, wi títiatjana nu antuktarum. Nasarétnumia̱ Jesusnan tajai. Nú Jesusan Yus shiir enentáimtawai. Yuska átum ti enentáimprarum ni kakarmari̱n paant nekaatarum tusa nú Jesusan ti ikiaká̱rmiayi. Tura Jesusja̱i̱ aentsti túrachminian átum íimmianum Yus túramiayi. Nuka ti paant nékarme.

Jir. 1:14

Ti untsurí Yus shuar wi sepunam eṉketman nekaawar ii Uuntri̱ Jesusan nekas enentáimtusar sapijmiatsuk Yus Chichaman etserainiawai.