Juaṉ 3:18 - Yus Papí: Shuarja̱i̱ Yus Yamaram Chicham Najanamu

¹⁸ Yusa Uchirí̱n enentáimtana nuka jinium peṉké surunkashtiniaiti. Tura Niin enentáimtatsna nuka Yusa Uchirí̱n chikichik ana nuna enentáimtachu asa páchitsuk jinium surukmaiti.

Juaṉ 3:18 Iomraidhean Croise

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Juaṉ 1:12

Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:47

Ti nekasan tájarme. Winia enentáimturna nú shuarka yamaram iwiaakman amuukashtinian takakui.

Rum. 5:1

Tuma asamtai Kristu nekas enentáimtakrin Yus táman nékaskete tu enentáimtakrin tunaarincha awajsámuitji. Tuma asar ii Uuntri̱ Jesukrístu túramuja̱i̱ aṉkant shiir pujá asar Yus nawamkamu pujaji.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 3:19

Iis, Yusan enentáimtachu ásar Niji̱a̱i̱ shiir pujustinnium waya̱tniun tujintkiarmiayi.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

1 Jṉ. 4:9

Tuma asa ni Uchirí̱ chikichkiniak ju̱ nuṉkanam akuptúrmakmiaji. Iisha ni túrunamuja̱i̱ nekas iwiaaku pujaji. Nuja̱i̱ Yus iin yáintmak ni aneṉkrattain paant iniakturmasmiaji.

1 Jṉ. 5:10

Yusa Uchirí̱n enentáimtana nú shuar ni enentái̱ncha nékawai. Antsu Yus ni Uchirí̱n timian enentáimtatsna nú shuar Yusan enentáimtachu asa Yusan “wáitriniaiti” tawai.

1 Jṉ. 5:12

Yusa Uchirí̱ji̱a̱i̱ tsaniṉ wekaana nú shuar, nu iwiaakmaja̱i̱ iwiaaku pujuiniawai. Tura Yusa Uchirí̱ji̱a̱i̱ tsaniṉ wekaatsna nú shuar, nu iwiaaku átinnium pujatsui.