Juaṉ 3:17 - Yus Papí: Shuarja̱i̱ Yus Yamaram Chicham Najanamu

¹⁷ Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 3:17 Iomraidhean Croise

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Mat. 1:23

“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14

Mat. 18:10

“Uchi ainia nu nakitrairap. Yusa suntari̱ nin wáinkiatniua nu winia Aparuí̱ tíjiu̱ch pujuiniawai.

Mat. 18:11

Kame wi Aents Ajasu asan meṉkakarun e̱a̱ktajtsan táwitjiai.

Ruk. 19:10

Wisha Aents Ajasu asan meṉkakaru ainia nuna e̱a̱kan uwemtikrartaj tusan táwitjiai” tímiayi.

Ruk. 9:56

Wi Aents Ajasu aentsun emesrattsan táchaitjiai. Antsu uwemtikratajtsan táwitjiai” tímiayi. Nuyá̱ chíkich péprunam wéarmiayi.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Juaṉ 11:42

Winiasha tuke anturtame tura ju̱ shuaran péṉker enentáimtikrataj tusan tajai. Ame akuptúkuitmena nuna nekarmawarti.”

Juaṉ 17:18

Ju̱ nuṉkanam akuptúkmam áintsanak Wisha nin ju̱ nuṉkanam akupkaruitjiai.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 20:21

Ataksha Jesus “Aṉkant shiir pujustarum. Winia Apar akatar akuptúkma núnisnak Wisha akatran akupeajrume” tímiayi.

Juaṉ 3:34

Yus akupkámuka Yusa Chichame̱n étserui. Warí, Yuska ni Wakaní̱nkia nekapmas amaatsji.

Juaṉ 5:36

Tura Winia ‘Yusai̱ya̱iti’ túrutna nuka, Juaṉja̱i̱ naṉkaamas péṉkeran Wikia takakjai. Wi takasmajna nuiti. Winia Apar takastinian surusma nuna takaakun nuja̱i̱ páantaiti Yus Apa akupkámuitjiai.

Juaṉ 5:38

Yus Apa akuptúkuiti. Tuma asamtai Winia enentáimturchakrum winia Aparu chichame̱sha atumí enentái̱n waya̱chuiti.

Juaṉ 5:45

‘Ii yajauch túrutairi̱n Yusai̱ etserturmaktatji’ turutiirap. ‘Muisais akupkámun umirkan uwemprattajai’ tátsurmek. Antsu Muisais aarma nuja̱i̱ atumí tunaarí̱ etsernaktatui.

Juaṉ 6:29

Nuikia Jesussha chichaak “Yus akupta asa Winia enentáimtursarat tusa wakerawai” tímiayi.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:57

Iwiaaku Yus Apa Winia akuptúkua nuna iwiaakmari̱ji̱a̱i̱ iwiaaku pujajna núnisaṉ Winia yurakka winia iwiaakmarui̱ iwiaaku pujustatui.

Juaṉ 7:29

Antsu Winia akuptúkuitkiui ai̱ya̱ tau asan Wikia nékajai” tímiayi.

Juaṉ 8:11

tutai nisha “Atsá, Uuntá. Chikichkisha atsawai” tímiayi. Nuyá̱ Jesus chichaak “Ayu, Wisha súmamtiktsujme. Yamaikia weme atakka tunáa túrawaip” tímiayi.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

1 Jṉ. 4:14

Yus Apa ni Uchirí̱n ashí shuaran uwemtikrarat tusa ju̱ nuṉkanam akupkámia nu wainkia asarⁱ étsereaji.