Juaṉ 3:16 - Yus Papí: Shuarja̱i̱ Yus Yamaram Chicham Najanamu

¹⁶ Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 3:16 Iomraidhean Croise

Naṉ. 22:12

Tutai Yusa suntari̱ Aprajáman chicharuk “Ame uchiram yajauch awajsaip. Warí yamaikia Yus nekas umiriamna nuna ti paant nékajai. Ame uchiram chikichik aak maam surustin suritrukchame” tímiayi.

Naṉ. 22:2

Takui̱ Yus Aprajáman chicharuk “Ame uchiram Isak chikichkichik asamtai ti anenaitmena nu jukim Muríaj nuṉkanam wetá. Túram náintian Wi iniaktustatjamna nui̱ jeam Yúsnaiti tusam uchiram maam takamtsuk áesturata” tímiayi.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Mat. 9:13

Werum ju̱ aarma unuimiutarum ‘Murik maam Winia surusum nuja̱i̱ “máakete” tátsujai. Antsu waitnenkartutai̱n wakerajai.’ Use. 6:6 Wikia ‘péṉkeraitjiai’ tuinian untsuktaj tusan táchaitjiai. Antsu tunáa shuar ni enentái̱n yapaji̱áwarat tusan táwitjiai” tímiayi.

Mar. 12:6

Tura niji̱a̱i̱ chikichik tuke ámiayi, nuka ni aneamu uchirí̱. Nu uchincha ukunam akupkámai. Akupeak ‘Winia uchirnaka shiir awajsártatui’ tímiayi.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 10:28

Tura yamaram iwiaakman tuke jákashtinian súajai. Nu asamtai jákachartatui tura Wi wáinmancha ¿yaki jurutkit?

Juaṉ 3:15

Núja̱i̱ṉkia ashí Winia enentáimturainia nuka jinium wétsuk Yusai̱ tuke iwiaaku pujustatui.

Juaṉ 3:18

Yusa Uchirí̱n enentáimtana nuka jinium peṉké surunkashtiniaiti. Tura Niin enentáimtatsna nuka Yusa Uchirí̱n chikichik ana nuna enentáimtachu asa páchitsuk jinium surukmaiti.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Rum. 5:10

Yusa nemasri̱ áyatar Yusa Uchirí̱ jakamuja̱i̱ yamaikia Yusja̱i̱ shiir nawamnaikiar pujaji. Nu arant nui̱kia Kristu tuke iwiaaku asa iiji̱a̱i̱ tsaniṉkiu asa ashí yajauchinmaya̱ uwemtikramar tuke shiir awajtámsattaji.

Rum. 5:8

Antsu ii tuke tunáa árini̱ṉ Kristu jarutramkamiaji. Nuja̱i̱ iin ti anenmajnia nuna ti paant iniakturmaji.

Rum. 8:32

Ni Uchirí̱ncha suritramkachmiaji antsu ashí iin jarutramkarat tusa akuptúrmakmiaji. Tura asa ni Uchirí̱ji̱a̱i̱ ashí ti shiira nuna suramsashtatjik.

Ipi. 2:4

Antsu Yus ti waitnenkartin asa iin tí anenmamiaji.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

Tit. 3:4

Túrasha Yus iin uwemtikkiartin ana nu, aneṉkratin asa ni aneṉkrattairi̱n ashí aentsun iniaktus iin uwemtikrampramiaji.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

1 Jṉ. 4:19

Yus emka iin anenma asakrin iisha Ni aneaji.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.