Juaṉ 3:15 - Yus Papí: Shuarja̱i̱ Yus Yamaram Chicham Najanamu

¹⁵ Núja̱i̱ṉkia ashí Winia enentáimturainia nuka jinium wétsuk Yusai̱ tuke iwiaaku pujustatui.

Juaṉ 3:15 Iomraidhean Croise

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 45:22

Warí Wíkitjiai Yus. Chíkichkia atsá asamtai ashí nuṉka náṉkata tímianai pujarmena nu aentstirmesha Winia íirsarum uwempratarum.

Wek. 21:9

Tutai Muisais yaṉkú jiruja̱i̱ napin najana numiji̱a̱i̱ weak awajaimiayi. Tura aents napi esaimiuka nuna iisar péṉker ajarmiayi. Jṉ. 3:14-15

Mat. 18:10

“Uchi ainia nu nakitrairap. Yusa suntari̱ nin wáinkiatniua nu winia Aparuí̱ tíjiu̱ch pujuiniawai.

Mat. 25:46

Nu shuarka tuke wáitsatniunam wéartatui. Tura Yus achikma ainia nusha tuke iwiaaku Yusja̱i̱ pujustinnium wéartatui” tímiayi Jesus.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Ruk. 19:10

Wisha Aents Ajasu asan meṉkakaru ainia nuna e̱a̱kan uwemtikrartaj tusan táwitjiai” tímiayi.

Juaṉ 1:12

Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 5:24

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.

Juaṉ 6:47

Ti nekasan tájarme. Winia enentáimturna nú shuarka yamaram iwiaakman amuukashtinian takakui.

Tur. 8:36

Nuyá̱ entsa ámanum naṉkaamak áishmaṉ Jiripin chicharuk “Iisiá, entsá jeaji. Wikia ju̱i̱ imianchamniakaitiaj” tímiayi.

Rum. 5:21

Shuar tunaan túrin ásar jákatin ármiayi. Tura núnisaṉ ii Uuntri̱ Jesukrístu túramuja̱i̱ Yus iin “péṉkeraitrume” túramkurin iisha tuke iwiaaku pujustiniaitji.

1 Kur. 1:18

Kristu krúsnum jarutramkamu étsereaji. Antsu Yus shuarchaka meṉkakatniunam wéana nu “ántraiti nu chicham” tu enentáimainiawai. Antsu Yus shuarti uwempratniunam wéakur “nu chichamja̱i̱ Yusa kakarmari̱ takusminiaiti” tu enentáimji.

2 Kur. 4:3

Uwempratin chicham ii étserjinia nu páantaiti. Áyatik meṉkakatniunam weena nu “páantchaiti” tuíniawai.

Kar. 2:16

Túmaitiatar ju̱ nékaji. Akupkámu umíamuja̱i̱ uwemprachminiaitji antsu Jesukrístu nekas enentáimtakum uwemprattame. Nu nekaar iisha Jesukrístu nekas enentáimtusmaji tunaaja̱i̱nchu atai tusar. Aya Kristu nekas enentáiji̱a̱i̱ enentáimtusar péṉker átatji. Akupkámu takasar umirkarsha tuke nuja̱i̱ péṉker ajaschattaji. Akupkámunka shuar umiktaj táyat, chikichkí shuarkesha nuja̱i̱ péṉker ajaschamniaiti. Nu nekaar antsu péṉker ajastai tusar Jesukrístu nekas enentáimtusmaji.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Isr. 10:39

Tura iikia iniaisaar mesena nú shuarchaitji. Antsu Yus nekas enentáimtusar uwempraitji.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

1 Jṉ. 2:25

Jesukrístusha Niji̱a̱i̱ tuke iwiaaku pujustinian tsaṉkatramkaitji.

1 Jṉ. 5:1

Ashí “Jesus Yusa Uchirí̱ Krístuiti” tu enentáimtana nú shuar Yusa uchirí̱nti. Tura aparí̱ aneakrikia ni uchirí̱sha aneattaji.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.