Juaṉ 3:13 - Yus Papí: Shuarja̱i̱ Yus Yamaram Chicham Najanamu

¹³ Shuar chikichkisha nayaimpiniam waka atsawai. Aya Wiki nayaimpinmaya̱ taran Aents Ajasuitjiai. Tura Wikia nayaimpinmaya̱itjiai.

Juaṉ 3:13 Iomraidhean Croise

Neka. 30:4

¿Ya nayaimpiniam waka ataksha táarait? ¿Ya ni uwejé̱ja̱i̱ nasen emetait? ¿Ya tarachji̱a̱i̱ entsan áreṉkuit? ¿Ashí nuṉkanam írunna nunasha ya najankait? ¿Ni náari̱sha tura uchirí̱ náari̱sha yait? ¿Nu nékamek?

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Mat. 8:20

tutai Jesus chichaak “Ku̱janchmasha ni pujutái̱ri̱n tura chiṉkisha pasuṉke̱n takakainiatsuk. Tura Wi Yusai̱ya̱itiatan tepestintrusha atsawai” tímiayi.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 17:5

Nuna túramtai Aparu, ti yaunchu jú̱ nuṉka atsai̱sha Ámiji̱a̱i̱ pujakui shiir awajtúsmamna núnismek yamaisha shiir awajtusta.

Juaṉ 3:12

Aya ju̱ nuṉkanmaya̱ túramu ujaam ántachkurmeka ¿itiurak nayaimpinmaya̱ túramusha antuktarum?

Juaṉ 3:31

Nayaimpinmaya̱ tara nuka ashí naṉkamantuiti. Nuṉkaya̱ nuka, nuṉkaya̱ asa jú̱ nuṉkanmaya̱nak áujmatui. Nayaimpinmaya̱ tara nuka ashí naṉkamantuiti.

Juaṉ 6:33

Iis, Yusai̱ya̱ apatkuka nayaimpinmaya̱ tara núiti. Tuma asa ashí shuaran nekas iwiaakman suawai” tímiayi.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 6:42

Chicharainiak “Ju̱ Jesuschakait, Jusé uchirí̱ya nu. Iikia ni aparí̱sha nukurí̱sha nékatsjik. ¿Itiurak ‘Nayaimpinmaya̱ táraitjiai’ taa?” tiármiayi.

Juaṉ 6:46

Aya Yusai̱ya̱ tauwa nuke Yúsnaka wáinniuiti. Chíkichkia peṉké wáinkiachuiti.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Juaṉ 6:62

Wátsek Wi nayaimpiniam pujuyaj nui̱ wáketkuisha ¿urukawaintrumek?

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

Tur. 2:34

Tawitkia aya̱shtiuk nayaimpiniam wákachmiayi. Tura nú Tawitiak ju̱na áarmiayi ‘Uunt Yus winia Úuntrun tímiayi “akupin pujutai̱nium, winia untsuurui̱ni̱ pujusta.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

Rum. 10:6

Antsu Krístun enentáimtus péṉker pujustinian pachis shuar ju̱na tíminiaiti. “Ti itiurchata áinis ‘¿yaki nayaimpiniam waka Krístun itiaratⁱ?’ tiirap” tawai.

1 Kur. 15:47

Emka áishmaṉ nuṉkaja̱i̱ najanamu asa nuṉkaya̱iti. Ukunmaya̱ áishmaṉsha ii Uuntri̱ Kristu asa nayaimpinmaya̱iti.

Ipi. 1:23

Tura ashí nuṉkanam Yus shuar ainia nu Kristu aya̱shí̱ najanainiawai. Tura Kristu ashí ni aya̱shi̱n pimiutkaiti tura nu arantcha ashí írunna nunasha pimiutkaiti.

Muis. 30:12

Ju̱ akupkámu chichamsha nayaimpinmaṉka pujatsui. Tuma asamtai nu chicham antukar umiktinian ¿yaki nayaimpiniam waka tara ujatmáktajⁱ? tíchamniaitrume.