Juaṉ 3:11 - Yus Papí: Shuarja̱i̱ Yus Yamaram Chicham Najanamu

¹¹ Ti nekasan tájame. Nekas nékakur chichaaji. Íismajnia nusha ujaaji. Tuma ai̱ṉ ii chichame̱ ántatsrume.

Juaṉ 3:11 Iomraidhean Croise

Isa. 50:2

Wi támaj nui̱ṉkia ¿urukamtia chikichkisha atsuma. Untsumkuisha urukamtia chikichkisha ái̱rkachma. Antsu winia kuntursha peṉké sútarchikiait átum ata̱i̱tniun jeashtinia. Wikia átum aṉkant awajsatniunka kakarman takaktsujak? Nekaatarum, Wi chicharmaka nayantsasha kukach ajastatui tura entsasha ku̱yu̱kar kampuntin atsú ajasármatai namaksha kitiakai̱ kajinkiar kaukartatui.

Isa. 53:1

Ii étsermancha ¿ya nekasaiti tiáruit? Tura Uunt Yusa kunturi̱sha ¿yana wantintiukuit?

Isa. 55:4

Nekaatarum. Niṉkia nekasaiti wisha wáinkiaitjiai tití tusan péprun apujtusuitjiai. Núnisaṉ uuntri̱ tura suntara uuntri̱ ati tusan ashí péprun apujtusuitjiai.

Isa. 65:2

Tura nu aents umichu ásar ni enentáimmiari̱ji̱a̱i̱ṉ ni wakeramun túruiniak péṉkerchanum wekainianak takamtsuk tsawant untsusan pujursarmajai.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 23:37

“Jerusaréṉnumia̱tirmeka, Yúsnan etserin máiniaitrume. Yus akatar akuptúrmakmasha kayaja̱i̱ tukuram máiniaitrume. Túrin árumni̱ṉ waitnentajrume. Atash ni uchirí̱n weana áitkiasnak wéartinian wakerimjiarme tura nakitramarme.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 1:11

Ní najanamunmaṉ támiayi túmaitiat níniuksha itiaacharmiayi.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 12:49

Wi enentáimmiaja̱i̱ṉ chichaatsjai. Winia Apar akattúr akuptúkuiti. Tura chichastinia nuna surusuiti.

Juaṉ 14:24

Antsu Winia anentchaka tájana nuna enentáimtatsui. Átum ántarmena nú chichamka wíniachuiti antsu Yus Apa Winia akuptúkua Núnaiti.

Juaṉ 3:12

Aya ju̱ nuṉkanmaya̱ túramu ujaam ántachkurmeka ¿itiurak nayaimpinmaya̱ túramusha antuktarum?

Juaṉ 3:13

Shuar chikichkisha nayaimpiniam waka atsawai. Aya Wiki nayaimpinmaya̱ taran Aents Ajasuitjiai. Tura Wikia nayaimpinmaya̱itjiai.

Juaṉ 3:3

Tutai Jesus chichaak “Tí nekas tájame. Atak yamaram akiiniachuka Yusa akupeamuri̱n pachinkiashtatui.”

Juaṉ 3:5

Ataksha Jesus aya̱k “Ti nekas tájame. Shuar entsaya̱sha tura Wakanniúmia̱sha akiiniachuka Yus akupeamunam peṉké pachinkiashtatui.

Juaṉ 5:43

Winia Apar akuptúkmatai táwitjiai túrasha nakitrarme. Antsu chíkichkia ní enentái̱ji̱a̱i̱ṉ jeartámkuiṉkia nuka átum wakerarme.

Juaṉ 7:16

Jesussha chichaak “Wi unuiniajna nu winia chichampruchuiti antsu Winia akuptúkua Núnan unuiniajai.

Juaṉ 8:14

Jesus “Tuyá̱ winiaj tura tui̱ wéaj nu nékatsrume tura Wikia nékajai. Tuma asan winia péṉkerun táyatnak tájana nu péṉkeraiti.

Juaṉ 8:26

Nu arantcha atumín súmamtikiatjarum tusan ti tíminiaitjiai. Winia Apar akuptúkua nuka tuke nekasa nuna tawai. Tura aya ni táman antukan ashí shuaran nunak tajai” tímiayi.

Juaṉ 8:38

Winia Apar iniaktursamun áujmatjai. Átumka atumí uuntri̱ timia túrarme.”

Tur. 22:18

Nui̱ Jesus chichartak ‘Ju̱i̱ Jerusaréṉnum Wí túramur etserkattamna nuna antukchartatui. Tuma asamtai wari jiinkim wetá’ turutmiai.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai