Juaṉ 21:2 - Yus Papí: Shuarja̱i̱ Yus Yamaram Chicham Najanamu

² Semuṉ Pítrusha Jímiampramu Tumassha Kariréanmaya̱ Natanaérsha Sepetéu uchirí̱sha tura chíkich jímiar unuiniamuri̱sha métek iruntrar pujuarmiayi.

Juaṉ 21:2 Iomraidhean Croise

Mat. 10:3

Nuyá̱ Jirip, Parturumí, Tumas, Matéu. Mateusha kuítian achiniuyayi. Arpeu uchirí̱ Jakupusha. Ripíu núnisaṉ Tateu náartiniuyayi.

Mar. 1:19

Nuya̱sha Jesus ishichik arantach wesa Sepetéu uchirí̱n Jakupun ni yachi̱n Juáṉnasha kanunam ni nekari̱n apáa pujuinian wáinkiarmiayi.

Ruk. 5:10

Tura Sepetéu uchirí̱ Jakupusha Juaṉsha Semuṉja̱i̱ pujuarmia nusha ashamkarmiayi. Tura Jesus Semuṉkan chicharuk “Ashamkaip. Yamaiya̱ ju̱yá̱ namaka achinia áintsamek aents e̱a̱ú átatme” tímiayi.

Juaṉ 1:45

Nuyá̱ Jirip Natanaéran e̱a̱kmiayi. Tura wainiak chicharuk “Muisais Yus akupkámu papinium ‘Anaikiamu tátatui’ tu áarchamkia. Yaunchu Yúsnan etserniusha etserkacharukait. Nu shuar wainkiaji. Jesusaiti, Jusé uchirí̱. Nasarétnumia̱iti” tímiayi.

Juaṉ 11:16

Nuyá̱ Jímiampramu Tumas chíkich unuiniamuri̱ nui̱ armia nuna “Iisha weri Niji̱a̱i̱ métek jakatai” tímiayi.

Juaṉ 2:1

Menaintiú tsawant naṉkaamasmatai nuatnaikiatin namper Kananum ámiayi. Kaná péprusha Kariréanmayauyi. Jesusa nukurí̱sha nui̱ pujumiayi.

Juaṉ 2:11

Jesus ju̱ túramu Kaná Kariréanam túrunamiayi. Núja̱i̱ṉkia Jesus emka ni kakarmari̱n paant iniakmasmiayi. Nuna iisar ni unuiniamuri̱sha Niin enentáimtusarmiayi.

Juaṉ 20:28

Nuyá̱ Tumas “Winia Uuntruá, nekas winia Yúsruitme” tímiayi.

Juaṉ 4:46

Nuyá̱ Jesus Kariréanam Kaná péprunam Jesus entsan winiu awajsámia nui̱ atak támiayi. Jesus nui̱ pujái̱ Kapernáumnumia̱ akupniu takarniúri̱ uchirí̱ jaa tepemiayi.