Juaṉ 21:19 - Yus Papí: Shuarja̱i̱ Yus Yamaram Chicham Najanamu

¹⁹ Jesus núja̱i̱ṉkia Pítiur itiur jákatniuit nuna ujakmiayi. Tura núnisaṉ jakamtai Yusan shiir awajsattana nuna ujakmiayi. Nuyá̱ Pítrun “Nemartusta” tímiayi.

Juaṉ 21:19 Iomraidhean Croise

Wek. 14:24

Antsu winia takartin Karepka núniska enentáimtsuk péṉker enentáimias takamtsuk umirtuku asamtai wekaatus iyuma nú nuṉkanam awayá̱ttajai túram ni shuari̱ nui̱ nuṉkenawartatui.

Mat. 10:38

Tura ashí wáitsatniun surimiatsuk ni krúsri̱n yanakí̱ jukí̱ nemartachkuṉka Winia unuiniamur ajastinniaka táasuiti.

Mat. 19:28

Jesus chichaak “Nekasan tájame, ukunmaṉka ju̱ nuṉka yamaram ajastatui. Aents Ajasu asan Wisha nui̱ úunt akupin ajastatjai tura atumsha winia nemartusutirmeka Wiji̱a̱i̱ métek akupin ajastatrume ashí Israer shuar akupkatin.

Mat. 8:22

tutai Jesus chicharuk “Nemartusta. Wakannium jaka ainia nu nú jakanka iwiarsarti” tímiayi.

Juaṉ 12:26

Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.

Juaṉ 12:33

Ju̱na taku krúsnum jákatniun ujakmiayi.

Juaṉ 18:32

Yaunchu Jesus ni jákatniuri̱n enentáimtus “Wi awajnaitniuitjiai” tímiayi. Nisha krúsnum awajnain asamtai itiur mantuawartata Ni timia nu uminkiamiayi.

Juaṉ 21:18

Maa, nekas tájame. Natsa asamka iwiarmampram ame wakeramunam wéuyame. Tura úuntach ajasmeka ame kunturam ayapá̱rakmin chíkich áentstamprattawai tura ame wétin nakitiam nui̱ juramkiartatui” tímiayi.

Juaṉ 21:22

Jesussha aya̱k “Wi wakeraknaka iwiaaku pujai̱ṉ tátatjai tákuisha ¿warí itiurtama? Ámeka nemartusta” tímiayi.

Jir. 1:20

Nekas ju̱na wakerajai, natsaamtsuk akupniun Jesukrístunun paant ujakártinian wakerajai. Nuja̱i̱ winí̱ Kristu kakarmari̱ pujamu ti paant nekanattawai. Mántuiniakuisha tura mántuiniachkuisha ashamatsjai. Aya Kristu kakarmari̱n winia aya̱shrui̱ naṉkaamas nekaawarat tusan wakerajai.

1 Sam. 12:20

Tuíniakui Samuir Israer shuaran chicharainiak “Ashamkairap. Túrasha ju̱ tunáa átum ashí túraitrume. Túmaitkiuisha Uunt Yusai̱ya̱ṉka kanakiirap antsu nekas enentáiji̱a̱i̱ Uunt Yus enentáimtakrum umirkatarum.