Juaṉ 21:18 - Yus Papí: Shuarja̱i̱ Yus Yamaram Chicham Najanamu

¹⁸ Maa, nekas tájame. Natsa asamka iwiarmampram ame wakeramunam wéuyame. Tura úuntach ajasmeka ame kunturam ayapá̱rakmin chíkich áentstamprattawai tura ame wétin nakitiam nui̱ juramkiartatui” tímiayi.

Juaṉ 21:18 Iomraidhean Croise

Ruk. 12:37

Ni uuntri̱ taak iwiáa pujuinian wáinkiarai nuka shiir pujuiniawai. Nu úuntak iwiar ‘ekentsa yurumtainiam pujustarum’ ni takarniúri̱n títiatui tura yurumkan súsartatui.

Juaṉ 13:36

Semuṉ Pítiur Jesusan aníak “Uuntá, ¿túa wéam?” tutai Jesussha “Wi wéajna nui̱ yamaikia winichminiaitrume. Tura ukunam winittiarme” tímiayi.

Juaṉ 21:17

Nuyá̱ ataksha aníak “Junasa uchirí̱ Semuṉká ¿Winia wakerutamek?” Pítrusha menaintiú iníam kúntuts enentáimiar “Uuntá, ashí nékame. Wi wakerajme nu Ame nékame.” Jesussha “Winia murikiur ayurata.

Juaṉ 21:19

Jesus núja̱i̱ṉkia Pítiur itiur jákatniuit nuna ujakmiayi. Tura núnisaṉ jakamtai Yusan shiir awajsattana nuna ujakmiayi. Nuyá̱ Pítrun “Nemartusta” tímiayi.

Tur. 21:11

Nisha taa Papru emenmamkari̱n achikmiayi. Tura achik niṉki ni nawe̱n tura uwejé̱ncha jiṉkiamamiayi. Nuna tura chichaak “Yusa Wakaní̱ tawai ju̱na emenmamka nérenniuri̱n Israer shuar Jerusaréṉnum pujuinia nu jútikia jiṉkiawar Israer shuarchanum surukartatui tawai” tímiayi.

2 Kur. 5:4

Tura aya̱shji̱a̱i̱ ju̱i̱ pujusár wáitsar pujakur shiir enentáimtsuji. Arut pushí áiktinia núnisrik ju̱ aya̱sh ikiuktiaitsar tátsuji. Antsu yamaram pushí entsartinia núnisrik yamaram aya̱shnium tuke pujusmí tusar taji. Iistá, ju̱ aya̱sh amuukachminkiait. Yamaram aya̱shnium pujusár tuke iwiaaku pujustatji.