Juaṉ 21:17 - Yus Papí: Shuarja̱i̱ Yus Yamaram Chicham Najanamu

¹⁷ Nuyá̱ ataksha aníak “Junasa uchirí̱ Semuṉká ¿Winia wakerutamek?” Pítrusha menaintiú iníam kúntuts enentáimiar “Uuntá, ashí nékame. Wi wakerajme nu Ame nékame.” Jesussha “Winia murikiur ayurata.

Juaṉ 21:17 Iomraidhean Croise

2 Sam. 7:20

¿Tura Tawit Ámiji̱a̱i̱ chichaaksha nuya̱sha warinia íkiaksha tíminiait? Uunt Yusru Ame takartámniuka Ámeka nékame.

1 Akup. 17:18

Túrunamtai nu wajé̱ Iríasan chicharuk “Maa, Yusan esetas enentáimtin áishmaṉka ¿Wisha amincha warí itiurkaitjiam. Ámeka winia tunaar ataksha enentáimtikruram tura uchirsha ajakturataj tusamchak wíniaka tarutniuitiam?” tímiayi.

YKan. 17:3

Kame kashi iirsattsam tame winia enentái̱rsha émamkesam iirtusuume. Tura émamkesam iirsamsha yajauchikia peṉké waitrukchame. Warí, wiki enentáimtumasan náṉkamsaṉka chichakchatjai tumamniuitjiai.

Jrm. 17:10

Wikia Uunt Yus aentsu enentáinkia émamkesan iirainiajai. Tura enentáimtairi̱nkia nekapsan iirainiajai. Tura asan ni wekasarmaja̱i̱ tura ni túramu urukuit nuja̱i̱ métek aṉkant aṉkant akiktiniaitjiai.

Ukan. 3:33

Warí, aentsnaka peṉké ántraṉka Ni wakerakka wáitkiattsui tura kúntutska enentáimtiktsui.

Mat. 25:40

Tuíniakui Úunt Akupin chichainiak ‘Nekasan tájarme, ashí ju̱ wí shuar péejchachisha waitnentramarum nu winia anentakum túraitrume’ tiártatui.

Mar. 14:72

Nuyá̱ ataksha atash shiniukmiayi. Pítrusha Jesus nuik timian enentáimmiayi. Iis, Jesus nuik tíchamka “Atash jímiar shiniatsa̱i̱ṉ, ame, núnaka nékatsjai, menaintiú turuttiatme” tíchamka. Pítiur nuna enentáimias tí utmiayi.

Juaṉ 12:8

Kuítrincha tuke atumji̱a̱i̱ íruntsuk. Antsu Wikia atumji̱a̱i̱ tuke pujuschattajai” tímiayi.

Juaṉ 13:38

Jesussha chichaak “¿Nekasmek tame? Ti nekas tájame, atash shiniatsa̱i̱ṉ Winia menaintiú natsantrurtatme” tímiayi.

Juaṉ 14:15

“Atumsha anentkurmeka winia chichamur umiktarum.

Juaṉ 15:10

Winia Aparu akupkámuri̱n umíakun tuke ni aneamuri̱ntjiai. Núnisrumek winia akupkámur umíakrumka tuke winia aneamur átatrume.

Juaṉ 16:30

Mash nékaitme. Shuar Ámin ininmatsa̱i̱ṉ péṉker áimkiatin nékame. Nu nekaar Ame nekas Yusai̱ya̱itme tu enentáimtaji” tiármiayi.

Juaṉ 18:27

Tutai Pítiur ataksha “atsá” ta̱i̱ṉ atash shiniukmiayi.

Juaṉ 18:4

Jesussha ashí átinia nuna neka asa jiintiuki̱ “¿Ya e̱a̱a̱rum?” tímiayi.

Juaṉ 21:18

Maa, nekas tájame. Natsa asamka iwiarmampram ame wakeramunam wéuyame. Tura úuntach ajasmeka ame kunturam ayapá̱rakmin chíkich áentstamprattawai tura ame wétin nakitiam nui̱ juramkiartatui” tímiayi.

Juaṉ 4:16

Nuya̱sha Jesus chichaak “Áishrum untsukam utitiá túram ju̱i̱ tatá” timiayi.

Tur. 1:24

Tura nuyá̱ Yus shuar Yusan áujainiak ju̱na chichainiak “Ii Uuntri̱, Amesha ashí shuara enentái̱ nékame. Ju̱i̱ awai jimiará áishmaṉ. Jútas yajauchin tura jákatniunam wéak akatrámu takatan ikiukmiayi. Yamaikia Jútasa takatri̱ achikiat tusam ¿túa achikium, Uuntá? Paant iniakmasta.” Tu áujsarmiayi.

Tur. 11:10

Nunasha menaintiú túrunan wainkiamjai. Túruna nayaimpiniam mash waketkimiai.

Tur. 15:8

Tura Yus Niṉki ashí aentsu enentái̱n neka asa Wí shuar ajasmin áiniawai tusa ni Wakaní̱n Israer shuarchancha susamiayi, iin suramsamiaj nútiksaṉ.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

Ipi. 4:30

Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.

1 Pit. 1:6

Nu enentáimsarum wararme. Kame ju̱ nuṉkanam pujakrum itiurchat wáinkiashtarmeash. Tura ju̱ nuṉkanam pujustin ishichkichukait. Ukunam péṉker pujustaj tu enentáimsarum wararme.

2 Pit. 3:1

Aneamu yatsurtiram ju̱ papin jimiará áatjarme. Mái̱ papinium winia jintintiámurja̱i̱ atumí chamir enentái̱n enentáimtikratjarum tusan wakerajrume.

Apu. 2:23

Ni uchirí̱ncha mantuattajai. Nuja̱i̱ ashí Yus shuar Wi nekas shuara enentái̱n nékaitjia nuna nekaawartatui. Atumniasha chikichik chikichik takasmaja̱i̱ métek akiktatjarme.

Apu. 3:19

Aneajna nuna chichareajai. Nu asamtai kakaram ajasam tunaarum enentáimpram iniaisata.