Juaṉ 21:16 - Yus Papí: Shuarja̱i̱ Yus Yamaram Chicham Najanamu

¹⁶ Ataksha aníak “Junasa uchirí̱ Semuṉká ¿Winia anentamek?” tutai Pítrusha “Ee, Uuntá, wi wakerajme nu Ame nékame” tímiayi. Jesussha “Winia murikiur wáinkiata” tímiayi.

Juaṉ 21:16 Iomraidhean Croise

YKan. 100:3

Nekaatarum, Uunt Yuska Yúsaiti. Imiá iikia najanmamachuitji. Antsu Ni najatmaitji. Kame murikiu wáinniua núnis wáitmaji. Tuma asar Ni shuaraitji.

YKan. 95:7

Warí Níṉkiti ii Yusri̱ṉkia tura shuar murikiun sá̱a̱knium matsas wáinniua núnis iincha wáitmaji. Yamaikia Yus tana nu ántakrumka

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Mat. 2:6

‘Jutá nuṉkanam Piriṉnum Mik. 5:2 peṉké náakmachuka áchattawai. Warí nuyá̱ Úunt Akupin winittiawai. Naṉ. 49:10 Ni ashí Israer shuaran, Wí shuar ásarmatai péṉker wáinkiartatui’ tawai Yus.” Tu tiármiayi.

Mat. 25:32

Túramtai ashí nuṉkanmaya̱ aents Nin iruntrartatui. Túrawarmatai akantrartatui. Murikiu wáinin kachurtinian tura kachurtichuja̱i̱ akanea nútiksaṉ aentsun akantrattawai.

Mat. 26:72

Tutai Pítiur ataksha chichaak “Nekasan tájarme ju̱ áishmaṉkan peṉké nékatsjai” tímiayi.

Ruk. 19:10

Wisha Aents Ajasu asan meṉkakaru ainia nuna e̱a̱kan uwemtikrartaj tusan táwitjiai” tímiayi.

Juaṉ 18:17

Waiti wainniusha Pítrun anias “¿Amesha nuna unuiniamuri̱nchukaitiam?” tímiayi. Takui̱ Pítrusha “Atsá, núchaitjiai” tímiayi.

Juaṉ 18:25

Tuke Anasa je̱e̱n chichainiai̱ Pítiur jinia anamuk pujan shuar iniiniak “¿Amesha Jesusa unuiniamuri̱nchukaitiam?” tiármiayi. Tutai Pítrusha “Atsá, wíchaitjiai” tímiayi.

Juaṉ 21:17

Nuyá̱ ataksha aníak “Junasa uchirí̱ Semuṉká ¿Winia wakerutamek?” Pítrusha menaintiú iníam kúntuts enentáimiar “Uuntá, ashí nékame. Wi wakerajme nu Ame nékame.” Jesussha “Winia murikiur ayurata.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

1 Pit. 2:25

Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

1 Pit. 5:2

Yus shuar ame íistiniaitmena nu, péṉker iistá, murikiu wáinin ni murikrí̱n wainnia áintsamek. Nakittsuk shiir enentáimsam túrata Yus wakerana nuke. “Chíkich akupta asamtai túrattajai” tútsuk tura nuja̱i̱ kuítrintin ajastin enentáimtsuk Yusa takatri̱ asamtai nekas wakeritia.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.