Juaṉ 21:15 - Yus Papí: Shuarja̱i̱ Yus Yamaram Chicham Najanamu

¹⁵ Nuyá̱ yurumáwar Jesus Semuṉ Pítrun aníak “Junasa uchirí̱ Semuṉká ¿ju̱ja̱i̱ naṉkaamas anentamek?” tútaisha Pítiur “Ee, Uuntá, wi wakerajme nu Ame nékame.” Jesussha “Nuiṉkia winia murikiur yamatskamchia nu ayurata” tímiayi.

Juaṉ 21:15 Iomraidhean Croise

Naṉ. 33:13

Tutai Jakup aya̱k “Ayu yatsuru, eestá. Uchir kuírach ainia ju̱na tura muriknasha tura waaka petsaku ainia ju̱nasha péṉker iirmasartiniaitjiai. Warí wárik yarummaka muriksha pimpikiar jarutkachartatuak.

2 Sam. 7:20

¿Tura Tawit Ámiji̱a̱i̱ chichaaksha nuya̱sha warinia íkiaksha tíminiait? Uunt Yusru Ame takartámniuka Ámeka nékame.

2 Akup. 20:3

“Maa, Uunt Yusá waitneasam enentáimtursata. Ámin nekas naka tura tuke enentáiji̱a̱i̱ wekasan Ame íimmianumsha péṉkeran túraitjiai” tímiayi. Esekías nuna ti, tí utmiayi.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Jrm. 23:4

Nútiksanak murikiu wáinniuncha apujtusartatjai. Tura nisha péṉker wainiainiam sapijmiainiachuk atakka ashamkachartatui. Núnisaṉ chikichkiksha meṉkakashtatui” tawai Uunt Yus.

Jrm. 3:15

Tura murikiun wáinniuncha Winia enentái̱run nékaan amastatjarme. Túram tí peṉker nékainia ásar niṉkia tí shiir waitmaktatrume.

Isk. 34:23

Kame Winia murikru wáinkiatniunka chikichkiniak anaikian Winia takartin Tawitian apujsattajai. Tura niṉkia tí peṉker wainiainiak nú murikiu wainniuri̱ átatui. Jṉ. 10:16

Mat. 10:37

Shuar ni aparí̱n tura nukurí̱ncha Wiji̱a̱i̱ naṉkatus aneakka Wí shuar áchamniaiti. Núnisaṉ ni uchirí̱ncha tura nawantri̱ncha Wiji̱a̱i̱ naṉkaamas aneakka Winia unuiniamur ajastinniaka táasuiti.

Mat. 16:17

Tutai Jesus chichaak “Shíiraitme Junasa uchirí̱ Semuṉká. Núnaka aents ujatmákchaiti antsu winia Apar nayaimpiniam pujana nu ujatmákmatai nekaam tame.

Mat. 18:10

“Uchi ainia nu nakitrairap. Yusa suntari̱ nin wáinkiatniua nu winia Aparuí̱ tíjiu̱ch pujuiniawai.

Mat. 26:33

Takui̱ Pítiur chichaak “Chíkich natsantramainiakuisha wikia túrashtatjai”

Mat. 26:35

Pítiur chicharuk “Maa, Ámiji̱a̱i̱ métek mántuiniakuisha peṉkesha natsantrashtatjame.” Ashí ni unuiniamuri̱ núnisaṉ tiármiayi.

Mar. 14:29

Tutai Pítiur chicharuk “Ámin ashí natsantramainiakuisha, wikia natsantrashtatjame” tímiayi.

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Ruk. 22:32

Tuma ai̱ṉ Yus enentáimtustinian kajinmátki̱i̱ṉ tusan Wisha Yusan seamjai. Tura Yusai̱ waketkim ame yátsum ikiaká̱rarta” tímiayi.

Juaṉ 1:42

Nuyá̱ Antres ni yachí̱ Semuṉkan Jesus pujamunam jukimiayi. Jesussha wainiak chichaak “Ámeka Semuṉ, Junasa uchirí̱ntme. Túrasha yamaikia Sépas átatme” tímiayi. Sépaska Israer shuara chichame̱ja̱i̱ṉkia kaya tawai. Tura Kriaku chichamnum nuka Pítruiti.

Juaṉ 13:37

Nuyá̱ Pítiur chichaak “Uuntá, ¿urukamtai yamaikia winichminiaitiaj? Ámin yáiṉtajtsan jakataj tajai” takui̱

Juaṉ 21:12

Nuyá̱ Jesussha “Yurumáitiarum” tímiayi. Ni unuiniamuri̱sha “aya ii Uuntri̱ áminiaiti” tusar inintrústinian natsantiarmiayi.

Juaṉ 21:7

Núja̱i̱ṉkia Jesusa unuiniamuri̱ Jesus ti aneemia nu Pítrun chicharuk “Ii Úuntri̱nti.” Takui̱ Pítrusha áimiaku asa ni pushiri̱n entsar entsá iniaṉmiayi yukuak jeataj tusa.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

Tur. 20:29

Kame wi wématai chíkich táartatui. Núnaka nékajai. Tura nisha Yus shuaran amukártajtsa wakeriartatui, úunt ya̱wa̱sha murikiun amuinia áintsaṉ.

Rum. 14:1

Shuar Yusan ishichik enentáimtana nu itiaatarum tura kakantrairap.

Rum. 15:1

Yusja̱i̱ katsua̱ru ájinia nu iik enentáimtumatsuk kakarmachu ainia nu yáiṉtiniaitji.

1 Kur. 8:11

Núja̱i̱ṉkia ame nékamuja̱i̱ ame yátsum Kristu jaka uwemtikramia nuka yajauch ajastatui.

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Ipi. 4:14

Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai.

Ipi. 6:24

Ashí ii Uuntri̱ Jesukrístun tuke enentái̱ji̱a̱i̱ aneana nuna Yus shiir yaiṉtí. Nuke atí.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Isr. 4:13

Yus najanamuka peṉké Nin u̱mprukchamniaiti. Ashí írunna nu Yus íimmianum misúa áintsaṉ paant áiniawai. Tura ii túramu ashí paant ujakártatji.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.

1 Pit. 2:2

Antsu Uunt Jesukrístu waitnenkartutairi̱ nekapsa asarum uchi yama akiinia muntsun ti wakeruinia áintsarmek Yusa chichame̱ aya péṉkerkea nu ti wakeruktarum. Yusa chichame̱ja̱i̱ tuke tsawant tsakakrum tuke uwemprami tusarum túratarum.

1 Pit. 2:25

Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

1 Jṉ. 4:19

Yus emka iin anenma asakrin iisha Ni aneaji.

1 Jṉ. 5:1

Ashí “Jesus Yusa Uchirí̱ Krístuiti” tu enentáimtana nú shuar Yusa uchirí̱nti. Tura aparí̱ aneakrikia ni uchirí̱sha aneattaji.

Apu. 2:23

Ni uchirí̱ncha mantuattajai. Nuja̱i̱ ashí Yus shuar Wi nekas shuara enentái̱n nékaitjia nuna nekaawartatui. Atumniasha chikichik chikichik takasmaja̱i̱ métek akiktatjarme.