Juaṉ 20:26 - Yus Papí: Shuarja̱i̱ Yus Yamaram Chicham Najanamu

²⁶ Chíkich tumiṉtin ataksha Jesusa unuiniamuri̱ iruntrarmiayi. Nuiṉkia Tumassha niji̱a̱i̱ pujuarmiayi. Tura waiti epenmianumaṉ Jesus wayá̱ ajapén wajas “Shiir pujustarum” tímiayi.

Juaṉ 20:26 Iomraidhean Croise

Isa. 54:10

Kame naint yajá junakiarmatai tura naintiar naintra nu muchitrarmatai̱sha Winia waitnenkartutairka amiya̱ṉka peṉké kanakchattawai. Tura Wi shiir pujustin chichaman najanaitjiana nuka peṉké yapajniáshtatui, tawai Uunt Yus ámin waitnentrama nu.

Mat. 17:1

Nuyá̱ sais tsawant naṉkaamasu ai̱ Pítruncha, Jakupuncha tura ni yachi̱ Juaṉnasha níniak júkiar Jesus nainnium wakamiayi.

Mar. 16:14

Nuya̱sha Jesusa aunse unuiniamuri̱ apatuk ekentrar yutai̱niam pekamkar pujuinian Jesus tarí chicharainiak “¿Atumí enentái̱ urukamtai kátsuram ainia, urukamtai Winia nekas enentáimtursachuram?” tímiayi. Ni nantakmiari̱n wáinkiaru chichame̱n anturkacharu ásarmatai kakantramiayi.

Ruk. 24:36

Nuna áujmatuk pujuiniai̱ Jesus aya aneachma ajapén wajas “Shiir enentáimsatarum” tímiayi.

Ruk. 9:28

Nuna tuasua amik nuyá̱ chíkich semanatin Yusan áujsataj tusa Jesus nainnium wakamiayi. Pítiur, Jakupu, Juaṉja̱i̱ nemariarmiayi.

Juaṉ 11:16

Nuyá̱ Jímiampramu Tumas chíkich unuiniamuri̱ nui̱ armia nuna “Iisha weri Niji̱a̱i̱ métek jakatai” tímiayi.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 20:19

Nu tsawantai̱ tumiṉtin ni unuiniamuri̱ Israer shuara úuntri̱n ashamainiak kashi iruntrar waiti epeni pujuarmiayi. Túrasha Jesus aya waya̱miayi. Tura ajapén wajas “Aṉkant shiir pujustarum” tímiayi.

Juaṉ 20:21

Ataksha Jesus “Aṉkant shiir pujustarum. Winia Apar akatar akuptúkma núnisnak Wisha akatran akupeajrume” tímiayi.

Juaṉ 21:1

Tipirias antumiaṉka kaanmatkari̱i̱n Jesus ni unuiniamuri̱n wantintiukmiayi. Jú̱nisaṉ ámiayi.

Juaṉ 21:14

Jesus jakamunmaya̱ nantaki̱ ju̱ja̱i̱ menaintiú ni unuiniamuri̱n wantintiukarmiayi.

Tur. 1:3

Tura Jesus jaka nantaki̱ ni akatrámuri̱n tímiaja̱i̱k wantintiukmiayi. Tura kuaraintia tsawant nin wantintiukarmiayi. Nuna tura nekas iwiaakjai tusa nekaawarat tusa iniakmasmiayi. Tura Yusa akupeamuri̱ urukuit nuna mash ujakmiayi.