Juaṉ 20:25 - Yus Papí: Shuarja̱i̱ Yus Yamaram Chicham Najanamu

²⁵ Tura ukunam chíkich unuiniamuri̱ ujainiak “Ii Uuntri̱ wainkiaji” tiármiayi. Tura Tumas chichaak “Ajintruamuri̱ wainkian uwejrun awa̱intiuatniuitjiai. Tura paenumsha awa̱intiuatniuitjiai. Peṉké jaka asamtai aya nuja̱i̱ iniantkímiun enentáimtustatjai” tímiayi.

Juaṉ 20:25 Iomraidhean Croise

Juup 9:16

Wi Nin untsúam ái̱rkuisha winia chichamprunapi anturtukia tíchamniaitjiai.

YKan. 22:16

Yajauch túrin ainia nu aents ya̱wá̱ núnisar téntatkar eṉketáwarmai. Túrutawar winia nawernasha tura uwejruncha ajintruawar chiṉkiarturawarmai.

YKan. 78:32

Nu túramsha nu arant tunaan túrawarmiayi. Túmainiak Yusa túramuri̱ncha shiir enentáimtuscharmiayi.

Mat. 27:42

“Chikichnaka uwemtikraiti tura Níṉkikia uwemtsui. Israera Úunt Akupniuri̱ntkiuṉka krúsnumia̱ akaikímtai nekas enentáimtustatji.

Mar. 16:13

Nisha Jesusan wáinkiar waketkiar unuiniamuri̱n ujakármiayi tura ni chichame̱ncha anturkacharmiayi.

Mar. 16:14

Nuya̱sha Jesusa aunse unuiniamuri̱ apatuk ekentrar yutai̱niam pekamkar pujuinian Jesus tarí chicharainiak “¿Atumí enentái̱ urukamtai kátsuram ainia, urukamtai Winia nekas enentáimtursachuram?” tímiayi. Ni nantakmiari̱n wáinkiaru chichame̱n anturkacharu ásarmatai kakantramiayi.

Ruk. 24:25

Nuyá̱ Jesus nin chicharainiak “Enentáimchaitrume. Ashí Yúsnan etserin tiarmia nu wau enentáimtatsrume.

Juaṉ 1:41

Antressha wárik ni yachí̱ Semuṉkan e̱a̱ktaj tusa werimiayi. Tura chichaak “Misías wainkiaji” tímiayi. Misías támaka “Krístun” tawai.

Juaṉ 20:27

Nuyá̱ Tumasan chicharuk “Winia uwejur iisam ame uwejém awa̱intiuata. Núnismek winia paerui̱ uwejém awa̱intiuam iistá. Tura arantutsuk nekas enentáimtursata” tímiayi.

Juaṉ 21:7

Núja̱i̱ṉkia Jesusa unuiniamuri̱ Jesus ti aneemia nu Pítrun chicharuk “Ii Úuntri̱nti.” Takui̱ Pítrusha áimiaku asa ni pushiri̱n entsar entsá iniaṉmiayi yukuak jeataj tusa.

Juaṉ 6:30

Takui̱ “¿Aentsti tujintiamuka ii iisar Ámin nekas enentáimtustin warí túrattam?

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Isr. 3:18

Kame umirkacharunka Yus “Wiji̱a̱i̱ shiir pujustinian peṉké tsaṉkatkachartatjai” tímiayi.